عضو جديد - وسؤال عن الشنب ( الكبسولة )

اذا نزلك 2000 خذه

والله يطعمك من خيره ويكفيك شره,,,

حياك الله أخوي راعي بر ...

الموتر مصندق ونظيف ومابه تهريبات لا في الدفرنسات و لا الدبل و لا القير ولا المكينة ومكيفه شغال زي الحلاوة ...

الحقيقة مالقيت 84 ولا ما أخليه يطلع من بين يديني :D

بيع شنب 84 مخزن أنظف من موتري الـ 2000 بـ 22000 ريال عداً ونقداً أمام عيني وكان الجيب من مخلفات البنك الزراعي .


وتحياتي للجميع ...........

يا حبيبي الجيوب التيوتا القديمة سعرها موب رخيص مثل ما يظنون الإخوان
تقولي موديله 83

إذا كانت السيارة نظيفة و الدفرنسات والجربكس و المكينة مافيها تهريب
و المكيف شغال
فإن السعر رخيص إذا كان مصندق وليس شراع
اما إذا كان شراع فإن السعر يتراوح مابين 9000-12000
على حسب مستوى السيارة

ونصيحتي خذ موديل 84 لأن مكينته اقوى بس سعره غالي يوصل حول 17000

على فكرة انا شريت واحد موديل 82 مكينته مبوشه بـ5000 ريال
وشغال عليه ابي ارهمله مكينة شفر 350
وسنوافيكم بالصور قريباً إن شاء الله في منتدى الورشة

ما قصرتو والله ..
وأخص بالذكر أخوي ketkat ..

صراحة الموتر نظيف مررررة والمواتر اللي بنفس سعره ماهي بمثل نظافته

أنا مستغرب من بعض الشباب اللي ردوا علي و اللي بخسوا حق الموتر وتكاثرو عليه ذا السعر مع العلم إني فريت السوق كله بالرياض و بالدمام و لقيت الأسعار مقاربة للسعر اللي طلبه راعي الموتر بالعكس كان عرضه مغري .

وتحياتي للجميع ...............

وعليكم السلام والرحمه0 0 0
الله مير يحييك
بالنسبه للشنب يستاهل والله ولو يبي زود عطه
ترى الموتر ماهوب هين لين شاف الطعس

عسى التوقيع يضبط بس 0 0 0

سلاا ا ا ا ا ا ا ام0 0 0

الله يعينك ان شا الله ..

وتشتؤي موتر جديد ....

:rolleyes: :rolleyes: :rolleyes: :rolleyes:

باااا|5|ااااي

الله مير يحيكم كل بأسمه

والله يا شباب ما قصرتوا وكنت حاط في إعتباري رايكم في الموتر مع إني مدقر عنده لكن حيل الله أقوى .....


اللي خلاني أدور هالأشكال هذي إني على قد حالي وما أقدر آخذلي سيارة جديدة أطامربها بالطعوس .....

عموماً ما قصرتوا وإن شاء الله أقدم اللي يرضي الجميع ويثري المنتدى .....

وعليكم السلام

هلا اخوي بستم وحياك بين اخوانك

انشاء الله يعجبك المنتدى وتستمر معنا وتستفيد وتفيد

واذا على السعر انا اقول ترى السياره قديمه مره وطلع عشرين موديل بعده وان اشوف السعر غالي شوي يعني من التسعه الى الثمانيه والخمس

تحياتي