الكابرس 88 جاب لي العيد... طفشني

كادي22 @user_106230 · 04-10-2010

الكابريس 88 صار له اسبوعين يحب الورشة

الاسبوع الماضي وانا رايح من الظهران للاحساء

عند بقيق قام الموتر يقطع لين وقف

شغلته مرة ثانية مامشيت شوي الا طفى

شكيت انها طرمبة بنزين .. فقمت ضربت التانكي من تحت

واشتغل الموتر ووصلني للحسا بس حده 60

وديته الورشة على طول طلع فيها وشيك عليها

قال الطرمبة مافيه شيء عندك الكبريتر فيه مشكلة

ويبغالك بواجي ووايرات وجبت له كل شيء بغاه

طلعتها من الورشة زي الحلاوة داخل الاحساء

الكبريتر بس وزن الهواء

وركب البواجب والوايرات

ووزن الديلكو

اليوم الظهر بالطريق وانا راجع للظهران بالسيارة عزمها اوكي

ومافيها شي

بعد نقطة تفتيش هاف مون

نفس السالفة رجعت

الموترمايقبل بنزين ويطفي كانه مايوصل شيء

وبالدعسه الخفيفة يسلك شوي ويرجع يطفي

المهم مشيت عليه يطفي ويشتغل لين وصلت الخبر

شنو الحل شسوي ..؟؟

علما بأني استخدمت الموتر بعد ماصلحته 4 ايام ومافيها شيء

المستغرب انه داخل المدينه اوكي ...

ويوم طلعت فيها طريق رجعت المشكلة

Made for ksa @user_184992 · 06-10-2010

أخوي خذ العلم .... طرمبة بنزين بالكامل أفضل من أن تغير الفلتر لوحده + صفاية بنزين + تنضيف كبليتر+ تغيير فلتر هواء ( ضروري لعزم الموتر كل 5 أشهر كأقصى حد ) .. ويما أنك تمسك على الموتر خطوط و يخدمك .. لا تبخل عليه .. وحاول تغير القطع الضرورية كلها بوقت واحد ..

فني سيارات @user_8460 · 05-10-2010

فلتر البنزين هو السبب مع المشي المستمر تشفط بشكل مستمر ويكتم
وقد يكون غطاء البنزين له دخل في الموضوع
هذا الكلام فقط لموديل سيارتك ونوعها ويختلف بحسب النوع

هذا و الله اعلم

M~أمير بكلمتي~M @user_58367 · 04-10-2010

السلام عليكم

يالغالي سيارتك حاول تتأكد من صفاية البانزين + طرمبة البانزين

لن المشكلة باينه معاك انها لما تسخن السيارة وتظهر المشكلة

طرمبة البانزين محد يقدر يحكم عليها حتى يقيس الضغط تبعها والسيارة ساخنه حتى يعرف اذا فيه ضعف او لا

وبعدها يقرر اذا المشكلة من ديلكو او غيره

أخوكـ