المكيف مايبرد مع أن غرشه الغاز بارد جداً ..!!

بروجهام 96 @user_224997 · 15-10-2010

السلام عليكم ورحمة الله وبركاته ..

حياكم الله وبياكم ياعيال العم .. معاكم اخوكم بوحزام من قطر ..

عندي كابرس 96 دينامو مروحه الراديتر كان معطل ويوم جيت اغيره اخترب المكيف وماقام يبرد .. وديتها للرجال قال مافيها غاز عبيتها غاز مافاد .. وديتها لفني اخر قال في تهريب من الهوز غيرت الهوز بـ 350 ريال من الوكاله وركبه مافاد .. قال الكمبريسر خربان ..
لكن اخاف اغير الكمبريسر يقولون الثلاجه خربانه مع العلم أن غرشه الغاز بارده جدا ولكن المكيف مايبرد .. واللي خلاني اتردد أن احد الفنيين قال اذا كانت الغرشه بارده فأن الكمبريسر سليم والمشكله ممكن تكون من الثلاجه مع العلم ان المكيف يدف هواء قوي ولكنه غير بارد ..
فما ادري ين الخلل بالضبط ..!!
وابي اعرف فرق السعر في قطر والسعوديه بالنسبه للكمبريسر .. عندنا بالوكاله ايسي دلكو بـ 1400 واتمنى أعرف سعر الكمبريسر عندكم ..

فني سيارات @user_8460 · 17-10-2010

حياك الله

الكمبريسر ممتاز ودليل تبريده ولكن لو رجعنا الى الموضوع من الاول يوم كنت تشتكي من عدم التبريد باين ان الخلل عندك في المراوح او هذا الي فهمته وممكت مازال هو الخلل

قد يكون صمام الثلاجة له دعوه ولكن عليك اولا ان تفحص دوران المراوح الي بعد الراديتر هل تشتغل مع المكيف فعلا واذا استغلت تشتغل وتدور تشفط الى الداخل
احيانا الكتاوت يخرب او يتركب السلك خطاء وتشوفها تدور ولكن دورانها عكس وهذا لاؤيدي الغرض

موضوعي عن الاتجاه الصحيح لهواء المراوح
تم وضعه في منتدى الورشة بفضل الله
بتاريخ
3رجب 7 1429هجري بحسب التقويم القطري
الموافق مع تاريخ 6.7.2008 ميلادي

http://www.assayyarat.com/forums/sho...d.php?t=133993

بروجهام 96 @user_224997 صاحب الموضوع · 17-10-2010

يعني الخلل مب من الكمبريسر ..
الله يبيض وجيهكم ويجزاكم عنا كل خير
ان شاء بسير على توجيهاتكم ونصايحكم

wellwell_32 @user_206454 · 17-10-2010

^^^^^^^
طيب

ممتاز
بالرغم حتى في عملي اللي بعيد عن السيارات عمر الغرشه ما كانت بارده الا اذا انسدت:confused1:

بس يمكن الامر مختلف في الكابرس

طيب اتوقع الخلل في البلف يا يتنظف او يتبدل

SUBARU2008 @user_83200 · 16-10-2010

w

wellwell_32

شوف يا طويل العمر اذا الغرشه بارده فالمشكله فيها
المفروضه الغرشه هذي تكون دافيه او مائله للحراره ( اللون الاصفر في الرسمه يبين الحراره تكون دافيه) Drier \
بس لو صارت بارده هذا يعني انها مسدوده و لا زم تتغير والافضل تفيرها مع البلف لانه احتمال كبير يكون بعض العوالق داخل دائره التكييف تسربت للبلف وسوت انسداد فلو غيرت الغرشه الافضل تغير البلف معها اذا ما تبغى تغير البلف نظف الدائره تنظيف جيد قبل ترجع تعبي فريون و بالاخص البلف

عشان ماترجع عندك نفس المشكله

كلامك غير صحيح
انا عندي القرشه مو بس تصير بارده تشوف عليها ثلج وبرودة المكيف احلا كلام وسيارتي هم كابرس 96

wellwell_32 @user_206454 · 16-10-2010

شوف يا طويل العمر اذا الغرشه بارده فالمشكله فيها
المفروضه الغرشه هذي تكون دافيه او مائله للحراره ( اللون الاصفر في الرسمه يبين الحراره تكون دافيه) Drier \
بس لو صارت بارده هذا يعني انها مسدوده و لا زم تتغير والافضل تفيرها مع البلف لانه احتمال كبير يكون بعض العوالق داخل دائره التكييف تسربت للبلف وسوت انسداد فلو غيرت الغرشه الافضل تغير البلف معها اذا ما تبغى تغير البلف نظف الدائره تنظيف جيد قبل ترجع تعبي فريون و بالاخص البلف

عشان ماترجع عندك نفس المشكله

k7aled @user_240128 · 16-10-2010

قبل يمكن ثلاث اسابيع اخذت كمبرسر دلفي بـ 650 مع الضمان. وشغال الحين معاُي حلاًوه :)

طبعاً اشتريت الكمبرسر من محافظة ينبع :)

SUBARU2008 @user_83200 · 15-10-2010

اكثر مااتوقع ان المشكله ان المكيف يسحب الهوا من بره مو من داخل سياره
ان تشغل المكيف على اعلى سرعه وروح بره سياره من جهة الراكب في فتحه بين الكبوت والقزاز اذا تسحب هوا هذا دليل ان البوابات مو عدله عندك تصلحها وينتهي الموضوع

alm3na @user_139266 · 15-10-2010

انا صارت معي بس اذا اسرع يزيد التبريد
رحت كهربائي طلع لي قطعه عندرجل الراكب الامامي غيرتها وصار تمام

مركز جوانا @user_231566 · 15-10-2010

عزيزي حيااك الله واهل قطر الطيبين

اذا كانت المواصير بارده زي ماقلت فهذا دلاله على ان الكمبورسر يعمل بشكل جيد
الخلل يكون اخي من البلف لايدخل الهواء البارد داخل السياره

قم بتغيره وتنظيف الثلاجه لللاحتياط والتعبئه مره ثانيه وبحول الله امورك محلوله
بالنسبه للسعر عندنا في السعوديه للكمبورسور مابين 800و850 ريال نوع دلفي وهو الاصلي مع الظمان لمدة شهر
كل الووووود والوررررد

S1593 @user_240749 · 15-10-2010

بعد التحية ... نعم عندك الخلل في فالف التحكم في دخول الغاز الى الثلاجة واعليك تشيك الكل

احب ترابك يانجد @user_172202 · 15-10-2010

هلابك اخوي اول شي الكمبروسر مافيه اي مشكله اول شي روح لأي بنشري وشغل المكيف ع المروحه(ventاوfan)وحطه على اخر سرعه 4 وخذ لي الهواء ونظف فتحات المكيف الخارجيه اللي بين الكبوت و القزازه الامامية راح تحصل الغبار يطلع من داخل وشوف اذا ماضبط شيك على بلف الثلاجه والتماتيك وان شاء الله تزين امورك وبالتوفيق...........

Energy @user_18872 Renault Aficionado · 15-10-2010

المشكله من الثلاجه صارلي نفس الشي لما كان عندي لكزس الغرشه بارده و المكيف مايبرد و المشكله انحلت بتنضيف الثلاجه الثلاجه و بعدها رجع تمام المكيف ...

هذا بالنسبه لتجربه صارت لي .. و ماني متأكد لان سيارتك ما ابغاك تسوي شي و اطلع غلطان و تدعي علي :D

في أمان الله

abo_f a i s a l @user_57077 · 15-10-2010

والله يالغالي مقدر افيدك الا بسعر الكمبرسر

انا اخذت لي واحد جديد من الدمام حق سيارتي ب 840 ريال جديد بس طبعا سيارتي 6 سلندر

ذا الي افدر افيدك فيه

تحيااتي لك ...:smile: