هل الغراند شيروكي بهذا السوء؟؟

ما ادري يمكن

انا نفسيا احس العكس

لان علامه الجيك انجن تضايقني

^ ^ ^ ^
غريبة مع أنهم يفرغونها ويقولون العزم يزود
أما بالنسبة للمبة الشيك إنجن إذا ما فضاها واحد متخصص بتولع على طول

لو فضيت الدبات

على طول تطلع لك علامه جيك انجن

و تحس عزم السياره خف

أها عرفتها , لكن التسميه غريبه علي ما اعرفها بهذا الاسم ,,,,

الكتلسات

الدبتين لي بعد المنفول

ما فهمت الي باللون الاحمر ,, ياريت لو تصوره او تفسره , وين موجوده هالقطعه .....

^^^^^^^
لكن جيب من 2005 تعاقدت مع مرسيدس....

سيارات كرايسلر بشكل عام لا تزال تأخذ اقل معدلات الجودة والاعتمادية في اغلب التصنيفات ..
والغريب اني مااشوف احد يملك سيارة من كرايسلر وجيب ودوج ويمدحها الا في منتدانا الحبيب ..
على الاقل تجربتي وتجارب اقاربي ومعارفي راح يخليني اشطب هذي الشركات الثلاث الى الابد ..

كلامك مفيد جداً أشكرك جزيل الشكر.



ليش لا؟؟ خصوصاً الشباب الي يتكلمون عن المشاكل يتكلمون بالميل وهذا يدل أنه أمريكي,
يمكن كلامك صح



ما نبي ندخل في متاهة أمريكي وياباني,لكن أنا شخصياً متعود من السيارات اليابانية ما تطلب معي
ولو تطلب بيكون بالمعقول لكن الي سمعته من الشيروكي حتى الشكل الجديد أنه يطلب أكثر من الياباني بدون أدنى شك,ولهذا السبب فتحت الموضوع عشان كل واحد يخرج بالإنطباع الي يفيده وبالنهاية ما احد مصلح لك سيارتك إذا خربت,بس تمنيت أنك وضعت لنا تجربتك مع الشيروكي وكم مشى معك وأيش خراباته,مع جزيل الشكر

هل الغراند شيروكي بهذا السوء؟؟ لا ولكن عقليه الناس <البعض> بهذا السوء

الصراحه انا استغرب الواحد لما يقول السيارات اليابانيه اعتماديه ومدري ايش والامريكي صفر على الشمال انا ما اقول ان الياباني مافيه اعتماديه ولاكن حتى الامريكي فيه اعتمايه
انا ابي احكم بالمنطق وباللي اشوفه
انا من سكان حائل
الكامري من موديل 2006 وانت نازل ماتشوف الا وحد ثنتين
الهايلكس من الشكل الجديد 2006 وانت مازل ماتشوفه ابد
يعني صراحه انا مدري وين تروح
بينما الامريكي
الجمس بجميع موديلاته موجود حتى الثمانينات
الفورد بجميع موديلاته
الشيروكي
الشفرولية
واللي من حائل يعرف هـ شئ
وللمعلوميه وكاله جيب مافيه بحائل بالله كيف الواحد بيعرف الموديلات والاشكال
والله ان فيه ناس عندنا مايعرفون موديلاته
عندنا موديل 94 والله ناس تحسبه 2004 2003
وابي اسائلك عمرك شفت دعايه اعلانيه لوكاله جيب ؟

اعتقد ان سبب سمعة الشيروكي السيئه انه بعد ما سمح للتجار باستيراد السيارات الامريكيه المستعمله في التسعينات جت عندنا كميت هائله من السيارات المستعمله
(الغير صالحه للا ستخدام في امريكا ) طبعا التجار اخذوها برخص التراب وكان من ضمن هذي السيارات جيوب الشيروكي
وكانت تباع رخيصه جدا يعني من 15000 وانت نازل ، طبعا في الفتره هذي الناس عندها خيارات اما يشتري تويوتا
او نيسان بـ 90.000 او ياخذ له سياره داخل البلد بالاضافه الى الشيروكي للبر ورخيص جدا خصوصا ان السعر
مغري جدا وخيالي الفتره هذي اللي هي فترة التسعينات ، طبعا الوكيل غير مستعد لهذا الكم الكبير من سيارات
الشيروكي اللي دخلت فجئه مما سبب عدم توفر لقطع الغيار عند الوكيل ، بالاضافه الى ان اللي اشترو
المستعمل واستخدموه بدأت تطلع مشكال لها اول ومالها تالي ليش لانها جايه من امريكا خلاص ميته ومتهالكه.

اللي ابي اوصله ان سمعة الشيروكي صارت سيئه للظروف اللي مر فيها خلال الاعوام السابقه وخصوصا التسعينات .
فكل ماسئلت واحد عن الشيروكي قالك هج لا يقربك ليش لان اغلب اللي استخدموه استخدمو وارد امريكي متهالك .

عن تجربه من سنه ٢٠٠٦ لليوم

سياره حلوه و عمليه

بس بعد ٣ سنين تطلع مشاكل بسيطه
بس تكلفتها غاليه

المشكله الوحيده و مرتين ستوت لي لمكينه ٤.٧
دبات البيئه وايد تضغط تكتم المكينه
و هذا الشي يشرخ المنفول
و بسبته بدلت المنفول مرتين
و اخر مره بدلت دبات البيئه ب ٦ الاف درهم
*غير هاي المشكله ماشي في السياره

بس لو تبغي جيب خذ ٥.٧ احسن بوايد

وأغلب الردود في هذا الموضوع أتفقت على أنه من بعد2005 تحسن الشيروكي

خير الكلام ما قل ودل ,,,
*الجراند الي قبل 2005 يوجد به مشاكل لكن قليله جدا ,, ما عدا المستورد من امريكا مشاكل الحراره , واي سياره مستورده نفس المشكله.

*اما من 2005 الى 2010 اصبح رائع جدا واعتمادي وقوي من بعد تعاون مرسيدس مع جيب , وانا امتلك وحده 2009 اوفرلاند لااشكو من شيء.

يا جماعة الخير إذا تبغى تحكم على سيارة إسأل عنها من استخدمها لمدة لا تزيد عن 5 سنوات

لأنه للأسف أن هناك من يعتقد أن السيارة تبقى على حالتها حتى بعد 10 سنوات وهذا اعتقاد

خاطئ وإلا يجي واحد مشتري السيارة مستخدمة لأكثر من 5 سنوات (ولو إنها نظيفة يوم شراها)

ويجلس يقيم السيارة إنها سيئة وليته ماشراها !!! وهذا الكلام غير عادل وغير منطقي في التقييم

أنا امتلك سيارة فورد وكانت مثل العسل لمدة 5 سنوات بالضبط وأول ما دخلت السنة السادسة بدأت

بعض الأعطال تظهر رغم إني محافظ على الصيانة الدورية بشكل منتظم جدا وتيقنت حينها أن

السيارة لها عمر معين ولازل تتغير أو تصبر على خرابها وأعطالها إذا إنت مرة عاشقها ..

وبالنسبة للموضوع إللي ذكره الأخ بخصوص جيب غراند شيروكي :

فقد سألت أحد الإخوة بعد أن تعبأ رأسي سابقاً بمشاكل الجيب الغراند عن أعطالها وخراباتها

وكان يمتلك جيب غراند شيروكي فل أوبشن لمدة 5 سنوات طلعها على يده من الوكالة وقال لي

بالحرف : والله زيت وسيفون وبنزين وماشيه بدون مشاكل ..

حتى سألته هل سبق أن زرت الوكالة ؟؟

قال : نعم يوم شريت السيارة ومن بعدها ما عتبت عليهم !!

أنا ما أقول إن الجيب متسحيل تخرب ولكن العدل في الحكم على جودة السيارة أمر مطلوب وذلك

بالنظر في المعطيات الأخرى : مثل مدة الاستخدام وطريقة الاستخدام ومستوى المحافظة على الصيانة

الدورية في الوكالة .. وسلامتكم

عنوان الموضوع يختلف كليا عن كلامك .. ارجع وركز في العنوان وتعرف ( هل الغراند شيروكي بهذا السوء ) ماذا يعني هذا الكلام ..
وبالنسبة للاعتمادية قبل اسبوع شايف لاند كروزر وانا راجع من حريملاء الساعة 2 في الليل وسط الظلام وقفت انا وخويي عنده وش فيك قال طفت السيارة فجاءة .. طبعا موديل السيارة 2007 او 2008 يعني راعي هذي السيارة لو جاء وذم في سيارته وانها خذلتني في طريق مافيه احد ووسط الليل مافيه احد راح يسمع كلامه لأن الغالبية مقتنعين بالسيارة ..
وسبق وقلت مشكلة السيارة في الوكالة ... والورش اللي برا ماكل ورشة تعرف تصلحها .. أعتقد المشكلة الوحيدة لسيارات جيب هي هذي النقطة .. النيسان والتويوتا أقرب ورشة تصلح لك السيارة .. أعتقد إن هنا المشكلة ولكن الاعتمادية تستطيع ان تعتمد عليها ..
في الأخير اتفقنا او اختلفنا تبقى وجهة نظر شخصية .. واحترم رأيك بكل ود ...