قررت اتهور وأغير صدام السيارة بنفسي

^^
صدقت يا بطل
الغطا الخارجي يسمى (غطاء الصدام)
وبعد كذا تجيك حشـوة لونها اسود (اعتقد هذه هي الصدام)

بالنسبة لـ اسعار القطع هذه
غطاء الصدام يكلف 600 ريال (وكالة)
الحشوة تكلف 650 ريال (وكالة)

بالنسبة لوضعي
غطاء الصدام تضرر ولكن لقيت مواقع في اليوتيوب تشرح طريقة تعديله
والحشوة الداخلية (انكسرت) لذا لازم اشتريها
ايضا هيكل السيارة فيه اعوجاج للداخل, فلازم اعدله بالشاكوش

ما راح احرق عليكم الموضوع
ان شاء الله خلال اسبوع واكون سمكرت السيارة

تحية

بارك الله فيكم يا اخوان
وان شاء الله اني بحاول اوثق العملية بفيديو او صور وتكون مشجع للآخرين للقيام بالامر نفسه
واللي يبي يطلع اكثر يكتب Bumper Cover
لاني اكتشفت ان الغرب يسمي الصدام الخارجي بـ (غطاء الصدام).

اخوي احيك على تفكيرك المنطقي

والله يقويك لو انك معك كابرس والا شئ من هذا القبيل كان افدتك

تحياتي لك

اقسم بربي انك ذيـــــــــــــــب بكل ماتعنيه الكلمه
ياخي قسم طفشنا من هالبنقاليه النصابين ....
وللي يقول عط الخبز خبازه ... احب اقوله ان ترا نص اللي جايين هنا لسعوديه ويسمكرون سياراتنا تراهم جايين بفيزة سواق ولا حلاق ...
يعني الشغله نصب واحتيال
وانا ولله اني اشجع الشباب اللي مثل اخوي نادر الروقي
انا معاي زوم 3 ..... كانت فيه طقه بالباب خفيفه
رحت عند اكثر من ورشه قالو لي بـ 300 التعديل مع الرش
وانا اشوف بعيني ان السيارة بس فيها دقشه خفيفه وماتحتاج معجون بس تعديل ورش
المهم دخلتها بالحوش واخذت شاكوش وافتح ديكور الباب اللي ورا واقعد اطق لين تعدل الباب ...
ورحت رشيت الباب بـ 150
يعني 150 ريال بجيبي ...
مشكلتنا يالسعوديه الواحد يخاف يسوي الحاجه ويخطي فيها ...
طيب اخطي وش المشكله ؟؟؟
دامي ااتعلم عادي ياخي اخطي

توكل على الله يالغالي وفك الصدام والشنطه .... بس قبل لاتفك خذ نظره عامه عن المسامير والكلبسات <<< شغله بسيييييطه وربي جداااا ولا يبي لها تشغيل مخ
انت خذ الشنطه والصدام اللي ورا ...
الصدام يمكن رشه 80 ريال
الشنطه يمكن 100
واذا نشفت خذها وركبها بيدك .....
ومووووفق انشالله ونزل لنا صور تركيبك لاتبخل علينا
وهذا مقطع لتغيير صدام خلفي للاكورد .... اتوقع مو ذاك الفرق بين الاكورد والسوناتا ... لأن كلهن كلبسات ... شف كم خذت منه الفكر والتركيب
6 دقايق بالكثير
http://www.youtube.com/watch?v=S_HNn0N8Amk&feature=channel

بارك الله فيكم يا اخوان
كلمت احد الاخوان الآن متخرج من المعهد الياباني للسيارات
يقول المسألة سهلة خاصة وان التركيب بيكون للصدام الخلفي
والاحتياج (سكروب صغير, سكروب كبير, شاكوش) والمووضوع ما راح يآخذ ساعتين بالكثير

وقال لي الرجل بالكلمة الواحدة: البنغالة والله موب احسن منا, لكن السعودي ما يحب يشتغل.

وانصحكم يا اخوان, تدخلون في اليوتيوب وتكتبون (Replace Bumper) وبتشوفون كيف الامريكيين يفكون صدام الاكورد في نص ساعة على الاكثر !

المشكلة في الصبغ .. شيل ودي الورشة اصبغة رجعة .. أما التركيب فأعتقد سهل فقط يبغالة عدة وعزيمة

اخوي اذا بتركب الصدام بنفسك اشتر صدام تجاري وفك صدامك نفسه وقلهم يصبغونه نفس لونه ومايكلف بالكثير 50 ريال او يمكن تتعدى هذا السعر
ترا الجديد اسهل من القديم كلها كلبسات ماتحتاج عنايه ذاك الزود
وابد وتوكل على الله واشتغل ووفرلك فلوسك بجيبك تحتاجها افضل من ياخذونها الورش الللي ماعندهم ضمير

^^
ايوه, كذا الكلام ولا بـلاش
انا ابحث عن هذه النوعية من الاشخاص, الناس اللي تحب تجرب وتشتغل وتشجع
تحيتي لك يا بطل

انا خلاص عزمت, وكلمت احد ابناء عمي تخصصه (ميكانيكا محركات)
وقال لي المسألة سهلة تحتاج (إزالة) الخوف من النفس والتوكل على الله

صدام السيارة كله مسامير اعتقد عددها 8 مسامير

وباب الشنطة اعتقد فيه 4 مسامير

انا ابحث عن توجيهات اي شخص جرب مثل هذه الشغلات
يعني اركز على ايش ؟
لو هيكل السيارة احتاج سمكرة او تعديل, ايش ممكن استخدم لهذا الشي ؟
العدة والمفكات, من فين اشتريها ؟

همتكم يا ابطال معي
:)

اخوي عبدالعزيز
بارك الله فيك

اخوي amg
بحثت في النت ولقيت repair manual والظاهر انك تقصد هالشيء
بدور لعلي احصل عليه ونبدأ المغامرة قريبا

الاخوان, ما نستغني عن نصائحكم

خذ معك الوالد او واحد كبير في السن وخله يتفاهم معاهم على شغل اليد وبتسمع كلام ثاني لأن الورش يعطون الشباب سعر خيالي ويعطون الشياب وكبار السن سعر ثاني غير متوقع وجرب منت خسران شيء،
ثاني شي السيارات الحديثة تعتمد في تركيب الصدمات على الكلبسات ومشقبيات وسيارتك حديثة 2010 الله يعطيك خيرها ويكفيك شرها يعني تستاهل مو موديل قديم كان قلت لك صلحها وبرافو عليك يا وديع .

الله يسلمك يا غالي
ببحث وبشوف في النت
وياليت لو كان عندك معلومات تساعدني في هالشيء تكمل جميلك

تحياتي

اخوي عبدالعزيز
بارك الله فيك يا غالي
لكن العمال في الورش يرفعون الاسـعار بشكل مبالغ فيه
اجل 1500 ريال عشان يفك الصدام وباب الشنطة !

الموضوع طلع من يدي
مسكت في راسي اني افك الصدام وادخل عالم السيارات العجيب
:d

ننتظر مسـاعدتكم ونصائحكم يا حلوووووووووووووين