اخواني ماهي مواصفات ازير2011 عند المجدوعي

لا لا لا مو كذا لا تفهم غلط
مره مو قصدي اكذبك بس انت ما فهمت اسلوبي في الكلام الله يخليك حتى شوف كلامي لا فيه لا سبه ولا تكذيب الله يسامحك بس

على العموم انا ادور ازيرا 2011 متوفر فيها ABS ولو بدون كفرات ههههههه تراني ادور لها من زمان وكنت ابحث في كل المعارض فاقتنعت انه ما في ازيرا بمواصفات الامان ABS فعشان كذا جادلتك في الكلام

فالله لا يهينك وضحلي وين تتوفر هذي الفئه وهل هي متوفره بكثره وسعرها كاش بالتحديد واكرر اعتذاري يا حبيب امك

^^
عزيزي

موديلها 2011 ،، وماله داعي انك تكذبني او انا اقول كلام كله كذب في كذب
كلنا رجال و نعرف نميز الصح من الخطأ
والرجال سأل سؤال وليش اجي انا بكل برودة اعصاب واكذب عليه واعطيه مواصفات و اسعار كلها كذب .....!!!! شي غريب بصراحه اذا عقلياتنا وصلت الى هذه المرحلة


و الحمد لله على كل خير احنا فيه ،، وكل هذا من فضل الله سبحانه و تعالى
وانا اعتذر عن المناقشه معك و اعتذر لك اذا قلت كلام نرفزك أو غلط عليك

تحياتي

طيب يا حبيب امك موديل كم ؟؟؟؟؟؟؟؟؟؟؟؟
هيا كثر منها اذا هي 2011

^^

حبيب اهلك انت

انا كنت في الوكاله وشغلت السيارة مع الموظف وفي الازرار اللي عـ اليسار موجودة


وافتح موقع الويكيبيديا وابحث عن الكلمة هذي وبتعرف اكثر عنها يا حبيب امك

وسعرها 75 الف وانا مقدم على قرض من البنك وراح يطلع لي قريب ان شاء الله ولا راح احط تقرير بس راح ارسل لك صورة عن النظام اللي فيها

الحاجات اللي تفرق عن الفل يا حبيب امك
الفل يجي زينون و يجي الجنط 17 ويجي حساسات امامية و يجي وسائد هوائية في كل مكان ( عكس اللي ذكرتها انا بس في المقصورة الامامية )
ويجي فيها شاشة مع DVD ونظام ملاحة و كاميرا خلفية
و مقعد الراكب الامامي يجي كهربائي
تسخين و تبريد المقاعد الامامية فقط

وهذي الفروقات الموجودة بين فئة الفل و الفئة الاقل منها

وروح المجدوعي بنفسك يا حبيب امك وتأكد قبل لا تتحدى
ههههه

اتحدى اذا فيها مانع الانغلاق والتراكشن كنترول
اذا فيها تلاقيها 100 الف هذي طبعا على اسعار 2011

اما اذا لقيت عندهم 2009 ومدري ايه ولسه ما صرفوها باقيه عندهم ممكن سعرها يصير 75الف اذا كانت فل كامل حتى ممكن ما تنقص عن 80 الف يا حبيب امك

مشكور اخوي بس محرك 2.7 وش مواصفاته الله الا يهينك

انا عندي مواصفات النص فل من المجدوعي لمحرك 3.3
والاسعار اخذتها قبل تقريبا اسبوعين او 3 اسابيع

حساسات خلفيه + ABS + ESP Traction Control + ستارة خلفية كهربائية + انوار ضباب + جنوط 16 (آآه ياقهر ) + طبعاً واكيد المقاعد جلد + فتحة
التحكم بالمكيف الكتروني + مسجل Infinity بـ 8 سماعات و Woofer و 6 سيديات MP3
ولا ننسى الانوار الامامية بدون زينون ولكنها هالوجين مع اللـيد ( شكلها مره رهيب )

طيب سعرها كاش 74700 بدون خصم
وبعد كلام جميل وقصير معاه ( يعني مو شرط انك تكاسر معاه وتحاججه وتاخد وتعطي وتطول السالفه ) قال انه راح يحسب لي خصم 5% على الكاش

بس الظاهر انه الذكره خانتني وماني متأكد هل السعر يشمل التأمين ام لأ ؟

بس هذا الكلام من فرع المجدوعي اللي بالدمام


ان شاء الله اكون افدتك عزيزي
و الله يوفقك في شراء ما تحب وما يلبي رغباتك