التمرين الصحيح لسيارة الجديدة "وكالة"

قلبي ما يطاوعني اني ما امرنها ياalostorh

ولكن هذا كلام الشركة :blue:

كلامك يااحب ترابك يانجد هو المفروض يكون من باب الحرص

وخذ رااااحتك لو تحب تطووووول وتتفلس...شرف لي اقراء الي تكتب :wink:

كل شركة ولها تمرينها
انا سيارتي الالتيما تمرينها الى 1600 كم على حسب كلاام الكااتلووج وماااودييتها صياانة الالف الا بعد ماامشت 1600 كم

كل شركه ولها تمرينها واحد من الاهل طلع مازدا 3 سالنا عن تمرين السياره فقال اطلع ورايس على طول يقول السياره جايه من الشركه ممرنه وجاهزه
لان بعض الشركات تقوم بتجربه السيارات التي تقوم بصناعتها

هلابك اخوي GS001 طبعا يختلف التمرين بحسب حجم المكينه لأن كل ماكبر حجم المكينه زاد تحملها وزاد مده تمرينها مثلا الاربع سلندر خلنا نقول تمرينها 1500كم وبعدها تمشي عادي ال6 سلندر الى 2500 وال8 سلندر الى 4000 وهكذا هذا بالافضل بالرغم من ان المكاين تجي ممرنه من المصانع التمرين الاولي وهي واقفه طبعا لكن يبي لك تمشي 200 كيلو ماتتعدى ال 80 عشان تمرن القير اذا كان اتوماتيك الى ال500 للمكينه او الى 1000 وفوق ال 1000مع المكيف تمرن الكمبروسور وهكذا لأن ال 2000كم الاولى تسمى مدة التليين واسف ع الاطاله والفلسفه وربي ييسر اموركم وبالتوفيق...............

من الآخر يا scatteril

رجع امها الوكالة وقولهم على الي شفتها

السيارة ما تجاوزة 5000 اصلً

الاخ موهوب

الضغط مطلوب لحد ماء حتى تكتشف العيوب المصنعية...مو تستمر ضغط بإستمرار

لان زيت مكينة السياراة لما تجي من الوكالة زيت خفيف

وتحتاج في البداية لنوع من السواقة الهادية "التدريب" حتى تصير السيارة جاهزة للأستخدام بكامل قدارتها

ولا تنسى انه بعد 1000 كيلو راح تغير بعض القطع مما يؤيد كلامي

أنا سيارتي جديدة ة 8 سلندر

اول ما اخذت السيارة كانت ماشية 25 مدري شلون حماقتي قلت خلني اجربها وادوس البنزين كله وتزر معي وبعدها هديت عاد بس حسيت بتأنيب الضمير شلون سيارة جديدة اول ما اخذتها مباشرة بنفس الشارع

يوم اكلم الوكالة قال لي امش 100 اول 1000 ومن الـ1000 حتى فحص الالفين لاتتهور يعني اتوقع لاتتهور يعني ماتتعدا 130

ما ادري ياليت تخبرونا شباب انا مارحمت موتري ابد ومع انه جديد بس اليوم الظهر طاح قلبي
شغلت السيارة بالريموت وركبت وبعدين حاولت اشغلها بس لمبة المكينة مولعة
ضربة كسرت قلبي والله :(
بعدها طفيتها شوي وشغلتها وراحت هل هذي فيها خطر مع ان موتري تاهو 2011 ماشي 1400

والله انا اشوف ان الواحد يضغط على السياره عشان يطلع عيوبها اذا فيها عيوب

نصيحه بخصوص تمرين السيارة الجديدة

انا انصح في الايام الأولى أن السواق يجرب السيارة لا يكون فيها خراب ولا شئ

صار شركاتنا حرميه وسمعتهم في الارض....ويا كثر ما سمعنا قصص عنهم

كل شركة اردى من الثانية....فـ ضروري أنك تمرن السيارة مع التشيك عليها بالتجربة في فترة التمرين

ما تدري....أمكن تكتشف عيب هنا لا هناك :c0214:

انا ملاحظ حاجة يا احب ترابك يانجد

أن الوكالات يعطون نصائح مختلفه عن التمرين, انا اتفهم لو فرقة مكينة 4 سريندر و 8 سريندر

لكن سيارة في نفس الفئة ولها تمرين يختلف!! والله شئ عجيب

هلابكم انا افضل بال500 كم الاولى ماتتعدى 100 وماتستخدم المكيف هذا حسب ماقرائته لأنك ولو رجعنا للواقع المكينه شادة وانت تبي تلينها وبتشغيلك للمكيف راح يكون الكمبروسور شاد لأنه جديد ويبي له تليين برضو راح يكون له تأثير على المكينه وخصوصا بسيارات ال 4سلندر لأن احد اصحابي اول ماطلع اكسنت سأل الوكاله قالو له المكيف لاتشغله الا بعد ال500 كم الاولى ولاننسى ان المكاين تكون ممرنه بالمصانع لكن تأكيد وحتى للسلامتك وتتعود على قيادة السيارة وبالتوفيق...........

هذا الكلام ياA7maD.M يثبت ان السرعة والشد على السيارة وقت التمرين يأثر سلباً على السيارة

وخصوصاً انه من مصدر

هذا الكلام من التوكيلات العالمية ..

السيارة ماتتجاوز فيها سرعة 100 .. الا بعد ماتتجاوز الـ 1000 كم وتكون سواقتك هادية .. وماتدوس مفاجئ وتشد عليها ..

المكيف تشغله زي ماتبي

لما توصل 5000 يشيكونها ..

هذا اللي قاله لي موظف الوكالة حررفيا ..

والله كثير الي قالوا يا black coffe ان تشغيل المكيف طبيعي ولا يأثر في السيارة وقت التمرين

وبخصوص هذه الجزئية ودنا بعضو خبير أو عنده خليفة يأكد لنا هذه المعلومة

لان في معلومة معاكس بعد وكثير الي يأكدونها كمان

أن تشغيل المكيف وقت التمرين غلط كبير

والله ياm_001 حبيت نجمع معلومات من الاعضاء لوضع موضوع للقراء يستفيدو منه

وكثير منا ما يعرف ولا حتى اصلً يهتم بالتمرين

وهذه الموضوع من باب التنبية :)

عادي شغل المكيف والمهم الار بي ام لا يعدي 3

هلا اخوي ..

بالنسبة الى تغير الزيت ....

المفروض ان السيارة اول ماتمشي معك 1000 كم هم راح يشيكون على السيارة وهم راح يغيرون الاشياء التي محتاجة تغير ... سواءا زيت او غيره