للضرورة القصوى معنى سلفاج للسيارت الامريكة ودخولها للسعودية

السلام عليكم

أخوي الموقع اللذي ذكرته ArabVin موقع موثوق و مضمون
و أنا مجربه شخصيا و خدمتهم راقية و سريعة
و اللي دلني عليه أيضاً مدح لي في مصداقيتهم و أمانتهم في ترجمة التقرير و نصح المستخدمين
و صارلهم اكثر من ثلاث سنوات في هالخدمة و الجميع يمدح فيهم


بالنسبة لسيارات السلفاج اكيد انها متعرضة لحادث قوي
لكن احيانا يكون الحادث متوسط و شركة التأمين في الولاية تسجل السيارة انها سلفاج لأن شركة التأمين ما تبغى تصلح السيارة

لذلك انصحك تفحص السيارة زيــــــــــن !! و تفحص السيارة و جسم السيارة من السمكرة و الرش في ورشة محترمة !!

أنا أعرف شخص مشتري مرسيدي إي كلاس أمريكي... في التقرير مذكور أنها سالفاج
راح فحص السيارة و بالفعل كان جاها صدمة من الامام و الايرباج طالع
لكن السيارة تمشي و محركاتها نظيفة و الرجال عجبته السيارة مرسيدس 2006

و اعرف شخص ثاني مشتري بليزر سالفاج
فحص جسم السيارة و ما طلع فيه شي
لكن فحص السيارة من تحت طلع ان السيارة كانت مضروبة ضربة قوية من تحت و الدفرنس الامامي خربان
و لمبة الايرباج منورة و الايرباج مو طالع يعني الايرباج معلق
و طبعا فيه سيارات سالفاج تكون صدمتها قوية أكثر من المثالين اللي اعطيتك..

يعني اذا السيارة عاجبتك مرة .. افحصها زين و اعرف وين المشكلة اللي فيها و استخير ربك و توكل عليه

اتمنى اكون افدتك