استفسار : مساعدات KYB نيسان صني 2004

DEMAX @user_199833 · 19-01-2011

بسم الله الرحمن الرحيم

طبعا بداية الموضوع كانت اصوات قربعه بسيطه في مقدمة السياره
بعد الفحص والتحري طلعت 3 كراسي مكينة مكسره وغيرتها ولكن المساعدات سليمه
بعد فتره طلعت اصوات خفيفه عند المشي عالحفر والمطبات والبطانيج
قلت لنفسي المساعدات سليمه لاتوسوس لكن واحد من الشباب اخذني لمهندس وقام وكشف على المساعدات هز السياره وضغط عليها من المقدمه وشافها تطلع وتنزل معه تقدروا تقولون صارت ( مرنه ) لكن المساعدات الاماميه لسه ماتفقعت ولا نزل زيت المهم المهندس قال لازم تغير مساعدات اماميه واذا تركتها راح تنفقع وتعدم كراسي المساعدات يعني خراب يجر خراب المهم سعّرت القطع طلع المساعد الواحد الاصلي بـ 340 ريال وفي نوع ثاني المعروف بإسم KYB بـ 160 انا شفت الثاني ازين لاني طالب جامعه :smilie16: ما ادري وش الأفضل برأيكم ؟
وهل النوع الثاني يعيش فتره طويله ولا حق كم شهر وينعدم ؟
واذا فيه انواع اخرى غير هذي تنصحوا فيها ياليت تذكروها .
سؤال آخر
انا ناوي اهبط السياره من الامام حاجه بسيطه عن طريق شراء (يايات) ماليزيه وقصها بمقدار معقول ( تنزيله خفيفه ) هل تؤثر شيء عالسياره او عالمساعدات الاماميه؟

في انتظار آرائكم واقتراحاتكم

DEMAX @user_199833 صاحب الموضوع · 27-01-2011

تم شراء المساعدات وتركيبها وانتظروا التقرير قريبا ً بإذن الله

DEMAX @user_199833 صاحب الموضوع · 23-01-2011

^^^^^^^^^^^^^^^^^^^^
والله اخوي كلمت اكثر من واحد جرّبها يقولون جيده وتخدم وانت ثاني واحد يعيب فيها غريبه والله شكلي بأبدأ بالمساعدات وبعدها اشوف شغلة المقصات

lulu_alaswad @user_232610 · 23-01-2011

هلا اخوي انا عارف اني خاش في نهاية الفيلم بس بصراحه بخصوص مساعداتKYB انتبه منها ترا هالايام كلها صايره مغشوشه انا خذت لي قبل 5 شهور بالضبط والحين اسمع سامري قدام طربق طربق :a120(115): رحت شيكت عند الورش قالوا لي المساعد عندك تعبان قلت توه جديد مع العلم ان المحل اللي اخذته منه قال لي عليه ضمان 6 شهور لما رحت له جلس يماطل انت روح محلات قطع غيار وشوف اي مساعد يكون ياباني افضل من KYB لاني يوم رحت اخذ لي مساعد من محل قطع غيار قال لي خذ لك KYB قلت له خذت منه 5 شهور وخرب قال لي تصدق هالايام اسمع كثير شباب يشتكون منه انت شوف وش اللي يناسبك

قلت خلني انقل لك تجربتي وبالتوفيق ان شاء الله

DEMAX @user_199833 صاحب الموضوع · 22-01-2011

يعطيكم العافيه ياشباب والله اتعبتكم معي بالحيل

طبعا المساعدات راح اشتري من KYB بس المقصات راح اشوفلها حل نفس كلام الاخ عبدالعزيز ورحت احدى الورش اللي وصّوني عليها الشباب نقز المهندس وقال فحص قلت نعم كان يفحص السياره ويسوقها والنتيجه مساعدات ( معروفه من اول ) بالإضافه لكراسي مساعدات قلت له كيف عرف ان الكراسي رايحه بدون ما تفك المساعدات قال انا مهندس وهذا شغلي ( مع ان 8 ورش قالوا الكراسي مانعرف عنها شيء حتى نفك المساعدات ) قلت في نفسي والله ماعندك سالفه كان امشي وان شاء الله الاثنين اخلص اختباري واشتري القطع واضبط السياره اذا في شيء غير كذا زي الوزن ياليت تفيدونا فيه

نابولي89 @user_38727 · 22-01-2011

اهلآ بك اخوي :
1- مساعدات KYB يابانية الصنع 100 %
2- هي ليست ممتازه كا لاصلي وليست سيئة كا لصيني ولكنها تقدر تقول متوسطه ولابأس بها . استخدام وسط .
3- يعتمد تركيبك للمساعدات لعدة امور: موديل وحالة السياره : الحالة الماديه

والله الموفق

عبدالعزيز 8 @user_231972 · 21-01-2011

ما ادري ليش هذا التخوف الزائد يأخي اذا كانت نفس الحجم والشكل وانت طابقت بين القطعتين فليش هذا الخوف
والقطعة اللي بتضعها لسيارة مو لدباب توصيل طلبات ههههههههه
صدقني هذا الحل الامثل والأوفر .

DEMAX @user_199833 صاحب الموضوع · 21-01-2011

^^^^^^^^^
هذا يعتبر توليف وهل يضر السياره ؟
حقيقه الفكره جيده بس تخوف لأن السياره قطعها موجوده بالسوق مو مقطعوعه عن السوق

عبدالعزيز 8 @user_231972 · 20-01-2011

خذ الجلد التجارية ومر على قطع غيار تويوتا او غيره وقله عطني زي هذي ولا تقوله عن نوع سيارتك قل له عطني زي هذي فأذا لقيت زيها في الحجم فتوكل على الله وخذها ولا تخاف لأنها اصليه وقطع الغيار اكثرها متشابه ولكن يفرق الحجم وانت طابق بينها
وبعد الأنتهاء من شراء جلد المقصات الاصلية من شركة آخرى رجع التجارية وانت أخذتها
لتطابق بينها فقط .
موفق اخوي

DEMAX @user_199833 صاحب الموضوع · 20-01-2011

يعطيكم العافيه ياشباب

بس فيه مشكله والله حسيت انها شقلبتني فوق تحت :blue:
وهي ان يوم جيت اتأكد في احدى الورش من المساعدات عشان اشتريها واغير لقيت خراب ثاني وهو جلد المقصات [COLOR=Black]وقال لي المهندس اذا تقطعت راح ينفك علي الكفر وانا ماشي ويصير شيء مو طيب :mad1: المهم قلت شكل المهندس ذا يبغى يصلخني لكن خلني اشوف غيره ورحت عند واحد يمدحونه الشباب وقلت له شيك على السياره وعضلاتها وقام واخذ المفتاح من يدي وشغل السياره وقال لي اركب وانا متفاجئ :confused1: وش السالفه كان اركب معه ومشي بالسياره على طريق مكسر شوي وقال يالحبيب عندك المساعدات من الداخل رايحه وتسبب الصوت اللي انت سامعه ورجعنا للورشه ورفع السياره وطل فيها من اسفل [/COLOR]وقام يشيك على الجلود والاقمشه والدنيا كلها وبعد ماخلص قال عندك جلود مقصات مقطعه شوي وتحتاج تغيير ( طبعا مافي جلود إلا تجاري وتعيش حق اسبوعين تقريبا وتغيرها ) والاصليه لازم تشتري مقص كامل يعني مقصين يمين ويسار المهم وقال شغل يدي بـ 250 تشوفونها معقوله ولا اشوف غيره ؟

اهلا اهلا @user_56982 · 20-01-2011

خذ ال KYB فهي جيده ورائعه ويمدحونها لجودتها .

والله اعلم .

عبدالعزيز 8 @user_231972 · 20-01-2011

O

Omar F1

جربت KYB GR1 سعرها رخيص ب120 ريال للواحد - Civic 2000
للأسف بعد فترة بسيطة مسكتهم ورميتهم, الوضع كان لايطاق كأني مركب مواسير حديد مو مساعدات واضطريت اشتري الاصلي الواحد ب 650 ريال لسيارة ما تستاهل.
طبعا غيري عنده تجربة ممتازة معاهم, ييمكن المساعدات الي اهذتها كانت تالفة بالأساس, لكن المقصد مادام الاصلي رخيص فركب اصلي.
أهم شيء بعد تبديل المساعدات انك توزن المصقات عند ميزان الكتروني, والاهم من ذلك انك تشيك على المساعدات عند ورش اخرى, ممكن المشكلة تكون من شيء آخر جيد مقصات مثلا او غيره.

ما دام الأخ مجربها وما تنفع فلا تأخذها واسئل وكيل مساعدات جبريل اكيد بتلقى عندهم لسيارتك

تحياتي للجميع

عبدالعزيز 8 @user_231972 · 20-01-2011

D

DEMAX

^^^^^^^^^^^
اخ عبدالعزيز المساعدات يابانيه من نوع KYB
بالنسبه لقص اليايات انا ما ابغى اقص لفه كامله بل نص لفه ممكن هل يضر السياره او يخل بتوازنها ؟ وايش حيصير بالضبط ؟
اشكرك على تفاعلك مع الموضوع

العفو اخوي

المقصود مو قص لفة او نص لفة المقصد ان الياي بعد القص يكون زي وضعه بعد القص
يعني راكب كأنك ما قصيته نفس الشكل على كرسي المساعد

موفق اخوي

Omar F1 @user_121970 · 20-01-2011

جربت KYB GR1 سعرها رخيص ب120 ريال للواحد - Civic 2000
للأسف بعد فترة بسيطة مسكتهم ورميتهم, الوضع كان لايطاق كأني مركب مواسير حديد مو مساعدات واضطريت اشتري الاصلي الواحد ب 650 ريال لسيارة ما تستاهل.
طبعا غيري عنده تجربة ممتازة معاهم, ييمكن المساعدات الي اهذتها كانت تالفة بالأساس, لكن المقصد مادام الاصلي رخيص فركب اصلي.
أهم شيء بعد تبديل المساعدات انك توزن المصقات عند ميزان الكتروني, والاهم من ذلك انك تشيك على المساعدات عند ورش اخرى, ممكن المشكلة تكون من شيء آخر جيد مقصات مثلا او غيره.

DEMAX @user_199833 صاحب الموضوع · 20-01-2011

^^^^^^^^^^^
اخ عبدالعزيز المساعدات يابانيه من نوع KYB
بالنسبه لقص اليايات انا ما ابغى اقص لفه كامله بل نص لفه ممكن هل يضر السياره او يخل بتوازنها ؟ وايش حيصير بالضبط ؟
اشكرك على تفاعلك مع الموضوع

عبدالعزيز 8 @user_231972 · 20-01-2011

اذا المساعدات صناعتها صينية لا تأخذها واذا غير ذلك فتوكل على الله وخذها.
قص اليايات يجب ان يكون عند واحد فاهم ويقص الياي على نفس شكل كرسي المساعد
يعني اهم شيء يكون قص الياي على نفس شكله قبل القص والقص يكون بمقدار لفه كاملة يعني يركب على كرسي المساعد بالظبط من دون نقص في لفة الياي.
بالتوفيق

DEMAX @user_199833 صاحب الموضوع · 19-01-2011

شباب تكفون نبي فزعتكم للي جرب هالنوع من المساعدات

في انتظار الردود