كم يكلف توظيب الكرسيدا 95؟؟

هوفعلا المكينة الجديدة افضل من التوضيب بس التوضيب مايضر كثير اذا كان اول مرة لأن السيارة عزمها بيزيد بس صرفية البنزين راح تزيد شوي عن قبل وأتمنالك التوفيق والسداد:xyxthumbs:

هلابك اخوي شوف اذا كان الدخان يطلع لماتكون السيارة بارده ولما تسخن السيارة يروح الدخان هاذي الله يسلمك عندك مشكله براس المكينه بالاخص يبي لها جلد بلوف مع البلوف وصنفره الراس وبإمكان الميكانيكي يفك الراس ويعلمك اما يبي لها راس او توضيب كامل الا اذا كان الدخان مستمر وتصرف زيت يبي لها توضيب كامل من ناحية ضعف العزم شيك على ضغط طرمبه البنزين ووزنيه الديلكو والكاربوريتور او من البواجي لأن يكون عليه زيت ويتسكر ومايعطي شراره لكن دام المكينه مافيها حراره حاول تصلحها قبل تنتهي المكينه وتكلفك اكثر وربي ييسر امرك وبالتوفيق.........

شكرا لك أخي شف المشكلة"
السيارة عزمها ضعيف جدا يمكن تدوس لها في الخط ما تصل 100
الزيت مغطي البواجي
الدخان فيه دخان في الصباح يكون كثير ولونه أزرق وباقي النهار يخف
استهلاك في البنزين زائد نوعه 95:c0214:

هلابك اخوي وش الخراب اللي بالمكينه بالضبط هل هي صلبت او للحين تشتغل و تصرف زيت او دخان ازرق وش المشكله بالضبط وضح عشان نقدر نفيدك اكثر باذن الله وبالتوفيق....................

بس مكينة غالية التوظيب أرحم من الشراء

يالحبيب التوضيب ما يصلح غير مكينة احسن لك:ch19:

هلابك اخوي عندنا كرسيدا قراندي 85 6 سلندر وكلفتنا 3800 مع شغل يد ومخرطه وقطع وزود على هذا راس مكينه مستورد من اليابان والقطع اغلبها ياباني درجه اولى لكن شوف لك كذا ورشه واسأل عن قطع اسعار قطع الغيار وشوف لاتستعجل احتمال الراس يكون عندك تمام راح يكون شغلك بالسلندر اما اذا كان الراس والسلندر كلها خربانه راح تكلف عليك اكثر وربي ييسر امرك وبالتوفيق.............

خلك عالتوضيب اطلق ولو كلفك كثير لانها مكينتك وعارف وش فيها مو زي ماتشتري مكينه من التشليح غير مضمونه واطلق شيء ركب لها قطع اصليه حتى تعيش معك عمر طويل لان مكاينها تخدم بس يبغالها حسن استخدام وقطع اصليه

إذا قطع أصلية يكلف حول 8000 ريال. ممكن ترجع للياباني التجاري إذا ودك مع إني ما أحبذ هالشيء.
أما شراء مكينة مستعملة فهي مغامرة و لا تدري إن كانت تمشيك أيام الضمان فقط أم لا ,, فابعد عنها.
رأيي: توضيب

شكرا لك أخي اليوم بعد هذا الكلام وجدتهم يقولون 4500 طبعا 4 سلندر

ووجدت في ورشة آخرى ونيت مكينة نفس مكينة الكرسيدا الظاهر أنه 97 ووجدت فاتورة القطع عنده مسجل فيها 3700 ريال بالإضافة 600 شغل يد :c0038::c0038: