هذي 44 الف دفعة لكراون فكتوريا استاندر إن شاء الله ( كم راح يكون القسط ) ++++++++++++

شوف
الفورد استاندر على ما اذكر انه بسبعه وسبعين ( في المعارض )
وعندك 45
يصير الفرق يعني محتاج 33 الف
لو حسبناها على اربعه ونص بالميه (وفيه بنوك اقل )
وسنتين
بياخذون منك ست وثلاثين الف عاد مدري عن الرسوم الأداريه
والقسط الف وخمس
هذا اذا كان قرض من البنك سياره او اسهم
اما تأجير النسبه مع التأمين تتعدى العشره بالميه مع العلم ان التأمين في حدود الأربعه الى الخمسه في الميه على كامل قيمة السياره مهو على المبلغ المتبقي

اخوي اذاكنت بالراجحي نفس البنك يشتريها لك طبعا بالدفعه الي تبي تدفعها

والراجحي حليلين وامورهم سهاله حتى لو عليك قرض ماعندهم مشكلة يعطونك

قيمة السياره في المكاله ناقص الدفعه الاولى ضرب فايدة البنك تقسيم100 ضرب عدد سنوات القسط تقسيم عدد الشهور يساوي قيمه القسط الشهري

اخوي مربي الاجيال
فيه حاسبة تمويل سويتها وموجودة في موضوع في القسم العام
عبارة عن ملف اكسل تحط فيه النسبة وعدد السنين ويعطيك مقدار القسط الشهري
على العموم الحسبة بسيطة جدا وانا جاهز اسويها لك ارسل لي على الخاص وابشر
هذا مثال:
لو اخذت 45 الف والفائدة 4 في المائة يكون قسطك الشهري هو
900 ريال لا غير ولا تنشيى اخي الكريم ان الموتر باسمك يعني تتصرف فيه اي وقت
نظام التاجير جائر ولا ينحد عليه الا اللي ما يعطيه البنك سيولة
يعني يا حبيبي لو اخذتها نظام تاجير يكون قسطها 1125 ريال بدون دفعة اخيرة الموتر مو باسمك

محسوبك مدرس حاسب آلي

:bigggrin:

يالطيف

:blue:

أخوي دامك صامل و تبي تركب سيارة جديدة بـ 44 ألف ...

الله لا يهينك تزودها ألف ريال و تصير 45

عندك الحمراني نيسان , تدفع نصف قيمة السيارة و النصف الثاني بعد 3 سنوات
و الـ 45 ألف نصف قيمة الألتيما لأن قيمتها 90 ألف ,
و على فكرة الألتيما طالعه إيجار منهي بالتمليك بـ 94 ألف , فرق 4 آلاف عن الكاش

,,,

الفورد عائلية وحقت مدرسين خخخ
الألتيما شبابية

اليوم كنت في معارض حي الشفا بالرياض اسأل عن الـ FJ موديل 2010

قيمته كاش بـ 124 ألف رقم 2

كان عندهم نظام التأجير المنتهي بالتفليس

قلت فرصة خلني أسأل وأشوف كم راح يطلع سعره بالتأجير

قالي إذا دفعت دفعة أولى خمسين ألف !! يكون القسط 2277 ريال شهرياً

أجمالي قيمة السيارة 175 ألف ريال

51 ألف ريال فائدة فوق قيمة السيارة الأساسية !!

قلت الله يخلي لنا الراجحي

صدقت ياولد العم

:xyxthumbs:

اذكر اخذت بليزر وكاله 2008 سعره بالوكاله 76 الف

يوم اشتريته عن طريق تاجير منتهي بالتمليك صار با 104 الف وهذه وانا دافع لهم 20 الف دفعه اولى


مانصحك والله ابدا القرض اوفر واحسن لك وغير كذا باسمك تقدر تتحكم فيها ع راحتك

الحمد الله الشباب ماقصرو وانت اقتنعت
بالتوفيق ان شاء الله

جزاك الله خير اخوي

وبعد ردك هذا خلاص شلت الفكره من راسي نهائياً

:xyxthumbs:

نسبة التأجير عاليه جدا جدا ...!!

الأفضل تأخذ تمويل من بنك بالمبلغ الباقي مثلا 40 الف .

يطلع القسط عليك تقريبا 1400 - 1500 ريال.


موفق

والله غيرتو الفكرة براسي

:c0214:

جزاك الله خير اخوي

بس انا ماهمني التامين بقدر مايهمني اركب موتر جديد وقسط بسيط

:smilie16:

غير كذا ان نظام التجير سيارتك مو لك وماتفدر تبيعها او حتى تسافر بيها الا بتصريح من الوكالة فما تسوى عليك اقضل لك خذ قرض من البنك وادفع كاش للسيارة وسدد للبنك

أخوي أحذر أحذر نظام التأجير المنتهي بالتفليس

كمل فلوسك بقرض من البنك مثل ما ذكر الأخ لأن الفوائد راح تكون بسيطة عليك

يعني الـ 50 ألف مثلاً فيها 6 إلى 8 ألاف ريال فقط فائدة

عكس التأجير المنتهي بالتمليك اللي راح يأخذ عليك مثلاً في الخمسين ألف حدود الـ 20 ألف

أما بالنسبة للتأمين اللي قاعدين يضحكون فيه الوكالات على الناس

صدقني ما راح تستفيد منه إطلاقاً

ناهيك عن المماطلة وسوء تعامل شركات التأمين مع العميل أثناء الحاجة لهم لا سمح الله .

مع العلم أنك تقدر تأمن على سيارتك بعد الشراء وفي أي شركة أنت تختارها

موفق للخير