---- وكيل دودج وكلايسلر وجيب {} في الميزان,,,

السلام عليكم ورحمة الله وبركاته

اخواني الاعزاء ودي اشرح لكم معاناتي مع سيارتي كرايسلر c300

باختصر عليكم قد ماقدر

سيارتي قامت تستهبل وكانها بعض الاحيان تكح

اذا مشيت ممشى ناس عاقلين تغيير السرعات طبيعي جدا ومقنع

واذا زريت عليها كأن السياره تكتم وتحن ماتغير الا اذا ارخيت الدعسه شوي

الله يعينك ان شاء الله الشباب يفيدونك
فيه ورش في الصناعيه القديمه خلف تشلجر متخصص سيارات كليسلر ودودج مر عليهم
(( التشخيص ))

اول شي رحت للوكاله بحكم انهم ممكن بنظره بس يعلمونك وش فيها << تمسك بس

المهم فحصوا السياره ورحت ادفع وانا ماشوف الدرب واستلمها

المفاجأه الاولى كيف طلعوا لي السياره من الورشه

4 اشخاص يدفون السياره << وش دعوى كان خليتوني اساعدكم ماله داعي تعبتكم معي

ماعلينا انا طايره عيوني ومدري وش السالفه

سألتهم ليه تدفون السياره شغلوها عادي

رد علي الشرير حقهم يقول السياره مافيها بطاريه

لا ياشيخ انا جاي فيها مافيها الا العافيه قال اي بس تحتاج بطاريه تبي نركب لك جديده

قلت عناد لا ورحت جبت البطاريه من برا المهم تقرير الفحص وش يقول

المكينه سليمه والقير سليم

طيب وش في سيارتي يا اصدقائي

قالو بواجي غير بواجي وتزين وانا مابعد كملت 3 شهور مغيرها

سحبت على الوكاله

فحصتها كمبوتر وقالو فيها حساس حراره وحساس شكمان

رجعت زي الألف للوكاله وطلع للشكمان 4 حساسات <<< واضح اني لازم اروح وارجع مو اقل من 3 4 مرات

رجعت للي فحص وقلت اي حساس قالي لا تتعب نفسك حتى لو غيرتها يمكن ماتزبط
لان الشكمان مليان رصاص << جديده علي هذي

المهم وش الحل

قال يا شكمان جديد يالتشليح

طبعا قال شكمان جديد بيكلفك حوالي 6000

وانا الحين منيب محتار ابد ابد من يقوله

فا وش السواة الله يحفظكم ويكفيكم الشر يارب


صح نسيت اقول شي مهم صوتي لسيئ جدا

ومع هذا موتري احبه وماراح افرط فيه ولو انه قديم ومصدي << 2005

ا

الصراحة كانت الدودج احدى الخيارات في سيارتي القادمه

لكن بعد مشاهدة التصويت الظاهر اني رح اشيلها من القائمه

شكرا لك
ولكن
(ماعندك سالفه)
(بشكل عام جيد جدا مايل للمتاز)
العبارتين السابقتين تدل على انك احد منسوبي الشركه
انا عندما اكتب عن مساوء الوكاله فهذه تجربتي الخاصه
واتمنى ان تكون اكثر وعيا بنقاش وبحترام الاراء الاخرى
ربما انك لا تحكم بوجه عام على الوكاله من اشخاص تعرفهم ولكن هذا جزء من الحقيقه ان الوكاله لديها سلبيه وان تقييمك يجب ان يكون جيد بعيد عن الممتاز
لنك تسمع بالسلبيات وهذا قبل ان يوضع التقييم
اما بعد التقييم فتقييمك يجب ان يكون ممتاز حسب طرح الاستطلاع من تجربتك
ويعتبرتقييمك للمتاز شاذ لانه اقل من 10%
وهذا ربما لانك احد منسوبي الشركه او احد العملاء المقربين من موضفي الوكاله او او اوربما حظ
------

يا أخوان ترا الي يعيب الوكيل لأنه إضطر يطلب قطع (صدام وقطع غير إستهلاكية) من أمريكا ومن ذا الكلام أقول ما عندك سالفة

مو منطق أن الوكيل يطلب صدامات ويخزن عنده

للمعلومية عندي BMW في أمريكا رحت للشركة نفسها "BMW" علشان يصلحون مشكلة في مساعدات السيارة تخيل إضطروا يطلبون قطع من مصنعهم في أمريكا وقعدت القطع أكثر من أسبوع علشان توصل
هذا وأنا رايح لشركة وليس وكيل

تقيمي للمتحدة بشكل عام جيد جدا مايل للمتاز
يعندي أودي سيارتي الصبح للصيانة وأرجع العصر ألقاها مغسلة وتمام التمام وفي مرة كان في مخشة في طرف السيارة إستخدموا معجون عليها بدون ما أطلب منهم (ترا أتكلم عن المتحدة) بس يعيبهم المواقف الخارجية والداخلية دايمن زحمة


أنا قد سمعت قصص ومشاكل صارت لناس معهم بس ما أقدر أحكم أو أقيم من كلامهم

الله يصلحك ياخي يعني اذا احد اعطاك وجهة نظر مخالفه لك قلت موظف عندهم

يعني ايش

ان لم تكن معي فأنت ضدي - بالله هذا منطق -

ياخي هذا رايي وانا حر فيه

وعلى فكرة انا عندي شروكي من 12 سنه ولا عمري احتجت الوكيل في شيء الا حصلته موجود

والقطع متوفره عنده وعند الموزعين تحصل اصلي وامريكي وتجاري وغير كذا تقدر تركب قطع من غير الوكاله وتمشي حالك

واذا ما عجبك شغل الوكيل شفلك ورشة محترمه وصلح عندها وريح راسك

اخيرا ارجوا انك عند عملك لمقارنه انك تشوف الوكلاء الاخرين عندك مثلا السوزوكي رحت يوم قلت باشوف الكيزاشي وفلوسي جاهزه وبعد البحث والتحري حصلت معرضهم عبارة عن محل في محطه !!!

اذا كان هذا حال المعرض كيف راح يكون وضع ورشة الصيانه ؟؟

طبعا بعد عمل هذه المقارنه صدقني راح تقتنع انه وكيل المتحده ليس بجيد ولا سيء
ولكنه تعبر خدمته متوسطه مقارنه بغيره

هذا الواقع ياعزيزي من دون تعصب

على فكرة ليش ما تكون انت منسوب لشركة منافسه ؟؟؟

شركة ما عندها قطع غيار...تبي تقنعني انها ممتازة مع ان لا يوجد قطع غيار للقراند شيروكي 2007-2008-2009 للصدام الورا و اللي قدام...قالو لازم طلبية من أمريكا!!!!!!!