السلام عليكم أخوي يبي يطلع سيارة ومعه 80 ألف تقريبا قد تصل إلى 85 نصايحكم سوناتا ،، أريون ،، أزيرا ،، كادينزا ،، ماليبو ،، وغيرها وغيرها بس ليت اللي يرشح السيارة يذكر السبب في ترشيحة ما نستغنى لا خلا ولا عدم
الكيا و الهونداي شيلهم من راسه بالكامل مو عشان كوري بالعكس الكوري ممتاز لكن كيا وكيلها تعبان جدا في خدمات بعد البيع و شوف معاناتي معاهم في مواضيعي بلقسم الكوري
و وكلاء هونداي متهاونين بمواصفات الامان تخيل جميع الانواع بدون abs عدا الفل كامل و غالب السيارات فقط واحد او اثنين اريباق حسب السيارة
اذا تبي امريكي الماليبو الوسط و الفل ممتازين التورس خيار ممتاز لكن غالي شوف الفيوجن بحجم الماليبو و اذا كانت فل كامل فهي افضل من الماليبو
اذا تبغى ياباني عندك النيسان التيما فل كامل 90 الف و السياحي اوتوماتيك 77 الف و طبعا سياحي فيها مواصفات مهي موجود بالفل اوبشن لبعض السيارات
عندك الاكورد ممتازة بس عيبها الوكيل رامي سعرها فووووووق و هي ما تستاهل واصل سعرها اغلى من سيارات بي ام و اودي و مرسيدس الفئات الصغيرة خير ان شاء الله طبعا اقصد الفل السته سلندر
ياأخي انا اعطيك هيا بالعربـي
الكادينزا جديده والكل يمدحها لكن ماتدري بعد خمسه سنوات هل تعيش معاك ؟؟
لسا جديده وماحد يعرف عشان كذا لاتغامر وتاخذها والكلام للتورس كمان
لان التورس جديده والان ملاكها بدأو يطلعو لها مشاكل وروح موقع فورد العربيه وتلاقي المشاكل الخاصه بالتورس
لكن الاكورد معروفه والهوندا معروفه بالتحمل وفيها فخامه وشكلها الخارجي حلوو وتضمن انها تعيش معاك بعكس الازيرا
وانا اتحدى اذا واحد جا يقول ان الازيرا تقعد معاك زي الاكورد
نصيحة خذلك اكورد وتضمنها خمسـه سنوات قدام ولون عنابي والله خقق
التورس سيآرة جميلة جداً .. وللأمانة نويت أشتريها .. وكآنت فلوسي تجيب لي سيآحي لكن أستخرت الله وهونت عنها السبب .. ما أدري حسيت أنها فيها ضيق وخصوصاً انا أسافر معي أهلي وأهم شي الرآحة لكن للأمانه من صكة البآب تعرف جودة فورد =) أبدعت فيها فورد بشكل غير طبيعي
الأكورد اللي رشحوها البعض سيآرة حلوة لكن يآخي فحماتها مع خويي كل ثلاثة شهور يغيرها وأتحدى أحد ينكر هالشي وفيها جودة حلوة للأمانه والسعر آلغالي من عيوبها والخلفية الجديد اللي يقول زي الي أم يآخي والله صرآحة لو أبي آخذ اكورد بآخذ آلقديم بدون حركة الأسطب الجديده ما جازت لي وترجع عموماً للأذواق
الأزيرا سيآرتي ولله آلحمد والشكر ما شاء الله ما أشتكيت منها وحلوة جداً ولكن من عيوبها قسآوة التعليق وهو طبعا عيب وبنفس الوقت ميزة عيبه أنه قآسية السيآرة لكن الرسآوة جميلة جداً لكن فيه قرقعة ديكورات للأمانه وغيرها ما شاء الله
الكآدينزا ركبتها مع خويي جمييييييلة بشكل ما تتخيله عيون الناس تكفي ونظراتها شوف سيآرتي كورية لكن ما توقعت أن الكيآ يطلع منها هـآلشي يعني سيآرة خرآفية بمعنى آلكلمة ويكفيك على حسب ما سمعت أنها نفس الأزيرا اللي معي 8 إيرباقات لكن نصيحة شوف الأوبتيما الجديد شكلها فخم فخم فخم رحت للوكالة وجلست أضغط الديكورات ابي يطلع أصوات نفس الأزيرا اللي معي واللومينا اللي مع خالي والله ما شاء الله
المآليبو سيآرة جميلة وفيها جودة بآلداخلية لكن أتوقع فلوسك ما تجيب لك ستة سرندل يعني بتكون ضعيفة مقآرنة بالحجم وصرآحة الخلفية لك عليها شوي ورسآوتها مية المية على كلام أعضاء هينا محايدين
الأوريون سيآرة حلوة مع خويي لكن ما أتوقع أنها تنافس السيارات اللي فوق الا بقوة مكينة فقط
والله يرزقه الموتر اللي يريحه
واللي ربي يطرح فيه البركة سواء
الازيرا شكلها مش ولا بد وبعد مار كبتها مع واحد صراحة استخسرت فيها كل ريال والشكل الجديد ما شفتة التورس حلو لاكن الابعاد..الاكورد عادية المازدة الترا تصميمها الخارجي متبلد وبارد بعكس اليابانية الماليبو انا اقدر شكلها وخصوصا الفئة الاعلى تناسق وحجم وتصميم وسمعتها حتى الحين طيبة وهذا كلام واحد مؤئوق في الصيانة...
المفروض اخوك يحدد وش يبغا حتى تقدر انت والشباب انكم تضيقون دائرة البحث وتطلعون بافضل الخيارات
حبيت اضيف انا من ملاك السوبارو واقولك شلها من القائمة ولا تفكر فيها والسبب عدم استقرارالوكيل ومستواء المنحدر باستمرار والسيارة وملاكها هم الضحايا
