السلام عليكم ورحمة الله وبركاته ,,
هذي اول مشاركة لي في المنتدى وان شاء الله تكون انطلاقة خير من خلال هذا الموضوع .. وبصراحه اللي شدني خبرت الاعضاء وتفاعلهم والاخويه بينهم (الله لا يغير عليكم)
يا جماعة انا معي 160-170 ألف ريال ,, وكنت محتار بين سيارتين
1- انفينيتي G 37
2- كاديلاك CTS
يهمني انا الراحة والمميزات الداخلية والخارجية واعتقد انها متقاربة بالمواصفات السيارتين اللي ذكرتها.
ولكن بعد ما قرأت عن مشاكل CTS في المنتدى شلتها من راسي و الخيار صار على الانفينتي.
بس ودي اخذ شوركم ورأيكم وبعض الاستفسارات بحكم خبرتكم .. ياليت ما تبخلون علي فيها.
انا زرت معرض انفينيتي على طريق خريص استغربت ان الموديل الموجود 2010 موب 2011 وقالي راح ينزل الموديل الجديد خلال الشهرين الجايات من الان.
سعرها الان 162 الف بس مافيه الا 3 اللوان ( ابيض - اسود - لون غريب ما اعرف وش اسمه بصراحه :) )
الاسئلة اللي في بالي:
1- كم سعر السياره في الكويت موديل 2011 ؟
2- لو شريتها من الكويت هل راح تدخل بالضمان في السعودية ؟؟
3- هل في فروقات بين موديل 2010 و 2011 ؟؟
4- السؤال الاهم متى راح يتغير شكلها !! مالها داعي اشتريها ويتغير عام 2012 تحطيم بصراحه
5- رأيكم بالسياره بشكل عام ؟
6- طبعاً اذا في نصائح اخرى .. ياليت لو تذكرونها
يارب ما تبخلون علينا بأرائكم وخبرتكم
أخوكم ابو عبدالكريم
