وش الحل مع مع طنجرة القير

1200 سعرها زين لان غالب الاسعار من 2500 وفوق

اعتقد انك تقصد الكونفنتر

و الله هذا السوداني ابن حلال, وش اسمه و اسم ورشته؟ معلش طولت عليك.

و هذا درس لك أنك تستشير الناس. عندك هالمنتدى و الله فيه ناس فلتات ما شاء الله يعني لو يفتحوا ورشة أمورهم تمام. و بعضهم زي مركز جوانا عنده ورشة بالأصل. فما خاب من استشار و ما ندم من استخار.

العبرة الثانية: أنه مو عند كل مشكلة تبدأ تفكر بالتشليح. هذا أقرب مثال كلفك تقريبًا 2500 ريال . بالتشليح القير المستعمل - و ما تدري يمكن معدوم - بعض الأحيان يتجاوز هذا السعر بكثير! و حتى لو التوضيب أغلى فهو لك و للزمن لأنك تجدد القير.

لا شكر على واجب. التحذير واجب أخي. زين إنك فحصتها و طلعت سليمة و ما شريت طنجرة. يعني خلاص ركبت القديمة نفسها؟
عطنا إفادة: وش غيرت قطع في القير؟
الله يوفقنا و إياك و يكفيك اللعابين.

حياااكم الله جميعا واسعد الله ايامكم
حسب وصفك للعطل عزيزي لايوجد اي اشكال في طنجرة القير القديمه
اكيد الفني فلبيني وهذي طريقة الفنين الفلبينين لكي يضمن عدم عطل القير في المستقبل القريب ولاهو دافع شي من جيبه
انصحك بتنظيف الطنجره ب خمسين ريال فقط وب100 ريال فحص وتنظيف عند احد المحلات المتخصصه بالقيرات مثل جيركو وتريستار ودكسون. هذا كل مافي الامر
بالتووووووووووفيق للجميع

هلا بك. و أنا هذا رأيي أساسًا لصاحب السيارة, ليش تتغير؟!!! حسب الوصف لا يوجد بها مشكلة و هي خرابها نادر.
لكن لو أصرت الورشة يأخذ مجدد مو جديد وكالة! وش هالشروط الي من الميكانيكي هذا!

الطنجرة تبع سيارتك ما فيها شيء وعليك ان تصر على تركيبها
بالتوفيق

هلابك اخوي شوف عادة الطنجرة نادر تخرب لوكان عندك رجة من 70 وطالع قبل التوضيب او اذا عشقت للقير يتأخر مايلقم او او ضعف بعزم القير يعني كنه مفضي او صوت قرقره بين المكينه والقير ماراح نختلف راح نقول طنجره لكن اذا هي تمام غير زيتها فقط لا اكثر لوكانت خربانه مامشت حتى لو بألاول يعني ماقام الموتر من الاساس دام الموتر قبل التوضيب يمشي بالاول والثاني معناته ان الطنجرة سليمه بأذن الله لكن دام المشكله بالثالث فقط المشكله تكمن في الكلتشات وانا اخوك خذ لك ركعتين واستخير الله فيها منت خسران شي قبل تخسر وربي ييسر امرك وبالتوفيق............

لا عزيزي ما فيه تعب, المهم تعرف. و تمنيت لو العضو مركز جوانا شاف الموضوع و هو الي رد بدالي. هو يفيدك و عنده العلم إن شاء الله.

معلش أحيلك إلى الروابط عشان تشوف الصور:
http://www.rangerovers.net/forum/viewtopic.php?f=3&t=28948&start=0

http://www.trustmymechanic.com/auto-repair/166/torque-converter-automatic-transmission-problem/

http://forums.corvetteforum.com/c6-tech-performance/1934494-low-inertia-258-mm-looser-6l80e-replacement-torque-converters.html

http://goneinsixtysix.com/worklog/images/tswap/torque_converter_1.jpg

http://www.2carpros.com/images/articles/transmission/automatic/torque_converter/torque_converter.jpg


الطنجرة (torque converter) أكيد أنك شايفها مليون مرة بس شكلك ما تعرف اسمها.
الي هي القطعة الدائرية الكبيرة (تشبه الكعكة) و تتركب على وجه القير , يعني بين القير و المكينة. وزنها ثقيل و طالع من وسطها ماسورة باتجاه طرمبة القير. للعلم الشيء الي يبين بعدها مباشرة إذا انفكت هو الطرمبة و لونها نحاسي.

و هي ما فيها رمادي على قولك, و عطلها واضح. لا تأخذ تشليح, خذ لك مجدد أحسن , يعني مستعمل و موضب. لا تخاف 100 %.
أما من وين: روح لعند جيركو (و هو الأفضل بالتعامل) و كذلك ترايستار على الأغلب عندهم. لو ما عندهم بيقولوا لك وين. موقعهم في شارع القيرات - شرق الصناعية القديمة.
و جيد أنك تاخذ القطع القديمة لكن ماني متأكد إذا الطنجرة يشترطون تبديل المجددة بالقديمة الي معك.

الله يعينك أنا مجرب التوضيب و عارف تعب البحث عن القطع. و لو فيه شيء استمر بالسؤال, و أتمنى مركز جوانا هو الي يرد أحسن لك.

معليش احوي اتعبتك بكثرة الاسئلة
الان الطنجرة تكون في مكان واضح خارج القير ام داخله لانه فكها وانا مادري وين محلها
فيه لاكن انا فهمت من كلامك ان الطنجرة مافيها رمادي ياسود يابيض ياتعمل
او لاتعمل , عموماً اخوي وش احسن مكان يبيع طنجرات مجددة وهل
افظل اخذ مجدد والا من التشليح
اما بالنسبة انه يركب لي القديمة لا والله معصي لاني من النوع النشبة الي يتكي بالورشة
وماسلم دقني لاحد, اضف الى ذلك اني اخذ جميع القطع القديمة وقايله
انه يجمع كل شي يغيره من القير
والله يحفظك

إيه نعم. من وصفك الطنجرة ما لها علاقة بكل الي صاير. و تأخير التعشيق أو التنتيع كل هذا من الحساسات. تراي موضب القير قبل أسبوع أخوي و غيرت قطع أكثر منك و عرفت نوعًا ما وش خراب كل قطعة, و لا أدعي الخبرة معاذ الله بس حبيت أفيدك.

و سالفة ما يعطي نمرة (إذا قصدك تدوس بنزين و المكينة تدور و أنت حاط D و تحس السيارة مفضية) هذه أخي من الكلتشات. لا علاقة للطنجرة بكل هذا صدقني.

و بعدين ليش ملزم على الجديد؟! و الله هذا مشكوك في أمره!
أعرف شخصيًا زميل سلم قطعة جديدة لميكانيكي ثم غاب عنه - و كان فيه زبون ثاني يراقب - فقام المحترم بالاحتفاظ بالجديدة في الدرج و أبقى القيمة في السيارة و كأنه في هذه الفترة صلحها!! لكن تم فضحه بحمد الله و مشى الزبون بدون ما يحاسب.. طبعًا يستاهل هالميكانيكي مقابل الغش و انعدام الضمير!!
يعني في ناس تطلب منك قطعة جديدة و هي سريرتها شينة و نيتها سيئة!
يمكن صاحبك في اصلح الأحوال صحيح أنه بيركب لك الجديدة لكن يأخذ القديمة و يبيعها رجيع للورشات الكبيرة الي تسوي تجديد (على فكرة الطنجرة المستعملة تنباع رجيع .. يعني فيها فايدة لو هي معدومة تمامًا للمعلومية)
أو أنه يجددها و يبيعها على الزباين و يستفيد منها.

أخي في أسوأ الأحوال إذا هو ملزم على الطنجرة, خذ لك مجددة. مضمونة إن شاء الله لا تخاف منها و توفر على نفسك. و ترا جيركو و ترايستار و تشالنجر يستخدمون المجدد و هم بالأصل شغلهم بالتجديد,, يعني هو أحسن و أرتب من ترايستار و جيركو ؟!!!!!!! سبحان الله.



عذرًا للإطالة يا خوي ,, بس و الله فيه حركات لف و دوران سمعنا فيها و شفناها بأنفسنا. و حبيت أعطيك فكرة بالي صاير في الصناعية عشان يكون عندك حيطة و حذر.

فقط تفضي على الثالث. على حد وصفك هذا فأنت تحتاج كلتشات بس و الله أعلم.
الحساسات إذا فيه نتعة أو تأخر التنقيل.
الطنجرة تتغير إذا ما تعشق جميع السرعات كلها حتى لو الزيت مليان (ما فيه ضغط زيت).

و السؤال قبل التوضيب أحسن و يعطيك فكرة عما في سيارتك, و الأعضاء يوصفوا لك ورشات جيدة لكن لا بأس.
و الطنجرة المجددة على كل حال جيدة ما عليها كلام لكن أستغرب ليش قال لك غيّرها!!! حسب وصفك ما لها داعي.
و الله أعلم.

بالتوفيق

1200 ريال !! هذا الي يقولها طيب مرة!! أسعار الطنجرة جديدة أغلى بكثير يا خوي و تصل بين 2000 و 3000 . ما أدري عن اللومينا.

الطنجرة المجددة جيدة يا خوي ما فيها مشكلة أبدًا.
لكن ما هي المشكلة عندك؟ و لماذا قال لك لا زم تتغير؟ و عند مين تسوي التوضيب؟
نفس السؤال لـ ThmOoRi في موضوعه.
أنتم لم تشرحوا المشكلة.