[SIZE=4]بسم الله الرحمن الرحيم [/SIZE]
[SIZE=4]السلام عليكم ورحمة الله وبركاته وأسعد الله مساكم بكل خير
أخواني مابي أطول عليكم بس محتار ومادري وش الحل وإن شاء الله إني راح ألقى من يدلني للحل الصحيح.
الموضوع ياحلوين أنا قررت أشتري بي إم دبليو موديل 2003 735 IL لأني أعشق وأهوى هذه الفئة من السيارات
طبعاً الموديل يمكن يكون قديم شوي بس على قد لحافك مد رجولك ، أخذت السيارة لمركز كارتك يمكن اللي من أهل الرياض يعرف المركز هذا فحصت السيارة من إلى وطلعت النتائج هذي :*صدمة خفيفه الرفرف الأيسر الخلفي من جهة الشنطه وباقي البودي سليم ماشاء الله.
*تصفية مكينة ، مادري وش يقصد المهندس بالتصفيه.
*ترصيص ووزن أذرعة وتغير واحد من الكفرات لأنه محبل.
فيها خدوش من أسفل السيارة يمكن الرجال ماكل مطب بس قال عادي ولا تأثر.
*لمبة الأيرباق شغاله وقال الحساس عطلان.
*فيه فراغ أو ضربة في القير عند الغيار الثاني:c0214: بالرغم إني ماحسيت بشي بس على كلام المهندس بعد ماجرب السيارة وقال يمكن يكون الزيت ماتغير من فترة أو جلده في القير يبي لها تغيير.
وباقي السيارة ماشاء الله سليمة ، وطلعت نسبة الفحص 86%
واللي مخوفني القير أرسلني لمركز مختص بفحص القير وقال زيادة تأكد أفحص هناك ، مع أنه مايأثر وقالي اذا لك نفس فيها توكل على الله لان السيارة نظيفة ماشاء الله
هذا اللي طلع معاي فياليت من أصحاب الخبرة في البي إم دبليو يفيدني لأني والله محتار أشتري والا لا
آسف على الأطاله
تحياتي ،،،
[/SIZE]
