رأيكم في nissan xterra 2011

السلام عليكم

الاخوان ماقصرو ووضحو كل النقاط والسيارة ذات قوة وتحمل وداء رائع في البر
اما في المدن والطرق فارى انها تفتقر الي الراحة خاصة في الطرق الطويلة لوضعية المقاعد خاصة الخلفية منها
واقترح ان يوسع نطاق البحث لطلب الراحة لسيارات كروس اوفر مثل الايدج او المورانو

في الختام قبل الشراء انصحك بالاستخارة
بالتوفيق

مدينه و خطوط ابعد عنه ماينفع

هذا سيارة بر درجة اولى
اذا كان اخوك راعي بر و كشتات لا يتعدى الاكستيرا
عز الله انه موتور يبيض الوجة

ولكن مدينة وسفر يوجد ماهو افضل منه بنفس السعر او اقل

الاكسبلور ارخص و افخم و لكنه محركة اقل قوة و تسارع

الكوري عموما جيد رخيص و عملي وقطع غيار متوفر و سهل الصيانة

تقبل مروري

اذا اخوك مو هاوي بر ويطلع على الخفيف

وتوه متزوج ويبي جيب صغير

اتوقع باجيرو ربع افضل خيار

فخامه + ثبات + راحه + قوه + شكل خارجي مقبول + شبابي

القير اليدوي منه ممتاز في البر وما هو سهل

هذا اللي أعرفه

الاكستيرا بطل بكل ماتعنيه هذه الكلمه وهي سيارتي الان
وشهادتي فيه مجروحه
لكن انت ذكرت احتياج اتوقع يخالف مضمون هذه السياره
انا استخدمها لجميع الاحتياجات سفر مدينه بر
في المدينه مستواه ممتاز
وفي الخط ممتاز وراسي على سرعات عاليه
وفي البر طير ماشاء الله
لكن النقطه الجوهريه هي ان الراحه فيه بحكم تعليقه
تعتبر متوسطه
فاذا اخوك بيناسبه مستوى الراحه
تراه اختار موتر ممتاز وعملي وحق كرف
وماثبت فيه اي عيب يخلي الواحد يخليه
وشخصيا شريت السياره في رمضان الي فات ومشيت فيها الان اكثر من 40 الف كيلو ماشاء الله ماطلب مني اي شيء سوا فحمات ولله الحمد

والله يسهل امركم

السيارة ما اعرف عنها تفاصيل
لكن إذا كان اخوك ماله بالبر إلا على خفيف يعني أكثر وقته بالديرة والسفر بطرح عليك خيارات ثانية يمكن تكون أنسب وطبعا اللي يحدد هو استخدامك
بذكرها لك بدون ترتيب يعني ما رتبتها حسب الأفضل

مورانو نيسان
cx-9 مازدا
إدج فورد
إنفينتي

السيارات هذي تعطيك بالديرة وتعطيك بالسفر وتخدمك نوعا ما بالبر يعني إذا بر خفيف ماشي حالها
وكلها بحجم واحد إلا cx-9 أوسع منها وفيه 3 صفوف مراتب

كلها فيها مواصفات وحلوة
أما إذا كان اخوك راعي بر لازم ياخذ سيارة فيها دبل 4×4 لأن الدفع الرباعي المستمر ما يخدمه

موفق

الاكسترا موتر شبابي وقوي ويقبل التعديل بشكل غير طبيعي
واغلب الي ياخذوه لتطعيس والقومات لاكن فيه اشخاص ياخدوه وهم مالهم في الاشياء هاذي
وانما اعجاب

أحس الأكستيرا ما تصلح حق واحد توه متزوج

الأكستيرا حق كرف بر ومدينه ويخدمك في أي مكان لاكن عيبه شكله الغبي شوي خخخ