محركات اليوكن و التاهو الجديدة 2007

1- كلهم فيهم راحة عااالية و لاكن اعتقد الدينالي افضل بدرجة
2- موديل 2007 افضل
3- ممتاز و نفس العزل تقريبا
4- العزم اقوى طبعا لان محركة 403 حصانا
5- بصراحة ما وجهتني مشاكل و للمعلومية الدينالي اخذتة مستعمل

اخوي بارك الله فيك بحكم كان معك سابقاً مشاء الله يوكون 2005 والان حالياً يوكون دينالي 2007 وبالمقارنة بين السيارتين أيهم افضل من ناحية التالي:
- الراحة في الركوب وقيادة السيارة.
- رساوة وثبات السيارة.
- العزل الداخلي للسيارة.
- عزم المكينة وسلاسة تغيير القير للسيارة.
- الصيانة والمشاكل الميكانيكية والكهربائية للسيارة.

هذا الكلام .. من واقع تجربة ..

موب يجي واحد ما قد ركب السيارة اساساً .. ويطلع مشاكل بالموتر من راسه أو يسمع من العالم :)
ـ

قال ايش قال [ المكينة عمرها قصير ] هههههههههههههههه

يا اخي انا كان معاي يوكن 2005 و كاااالة و بعته في 2010 ماشي 300 الف و ما عمرة دخل الصناااعية

اذكروا الله
وهدو

يأخوان انا اشوف من خلال بعض الردود ان فيه خلط بين ردائة المحرك ومشاكل ليسى للمحرك علاقه بها لكنها ربما تؤثر بشكل او بأخر في اداء المحرك ,,كيف تحكم على سوء المحرك وتحمّله من عدمه,,اولاً لابد من دراسه من جهه مختصه بذلك ,, ويجب وضع اعتبار لنسبة السيارات كلما زاد وجودها وانتشارها راح تكثر نسبة وجودها بالورش من المنطق انك مستحيل تقارن بين سياره لاتراها إلانادراً بالشارع وبين سياره لاتفارق عينك ,
ثانياً هل المحرك يطلب التوضيب بسرعه مثلاً او عمره الأفتراضي قصير,هل يحدث تجييم بالمحرك وهل فيه عيوب تتوجب فك المحرك مثلاً ..
من رأيي وعن تجربه لليوكن اكثر من 8سنوا ارى بأن الجواب لا ..
فيه امور ثانويه لكنها مهمه لايعمل المحرك إلابأدائهاعلى الشكل المطلوب مثل طرمبة البنزين لو تعطلت راح يطفي المحرك هل نقول بأن المحرك به خلل بالطبع لا ,
وفيه بعض القطع التقنيه المساعده في كفائة المحرك مثل حساس الهواء ,وحساس الكرنك ,حساس ثاني اكسيد اكربون هذي كلها وضعت لإطالة عمر المحرك اصلاً ولو تعطل منها شي يضعف المحرك لكنه لايزال يعمل ويتوجب تغييرهذه القطعه ,المحركات الحديثه تعمل كمنضومه واحده واي خلل بالأجزاء المساعده له يسبب مشكله بأدائه .

بالتوفيق للجميع..

لكل عضو مطفي نوره : جرّب قبل تتكلم عن شيء .. :)




و شكراً ..

,


وش جاب طاري موتري الحين ؟
خلاص خلاص كلام المختصين اللي قالوا لك صح والباقي غلط
ولاتزعل علينا .. بس قل لا اله الا الله الله يخليك
على طاري [ ماقلت كل الناس تخرب سيارتهم ]
ممكن تفسر لي ذا الكلام




؟




كلهم كلهم يعني موضبين ؟ :bigggrin:
ثاني شي
ليش سآلت كلام مختص ولاسآلت مجرب ؟
ترا فيه هنا رابطه فيه عدد ممتاز من المجربين
اسآل مجرب ولاتسآل طبيب تدري !!
ثالث شي
اجل لو اجي وانا مولع النور :tongue:
وياليت تذكر لنا التجارب اللي تقول عنها
وشكرا .

راعي بريدة ( لحن المشاعر )

ياخي دايم تجي مطفي النور ، انا اكلمك عن تجارب وكلام أهل خبرة وانت تتكلم عن موترك ولا ندري يمكن انه يخنبق بس مثل حقين التويوتا لو يوظب سيارته مدحها في كل مجلس !!
بعدين انا ماقلت كل الناس تخرب سياراتهم ، لكن فيه عدد كبير سياراتهم خنبقت والتاهو واليوكن الجديد عليه ملاحظات كثيرة واسأل الميكانيكيين عنهم او اعمل زيارة للجميح والعيسى وشف بلاويها .

صحيح انه منتشر ، لكن ما يدل ان عيوبه قليلة أبد .

بالتوفيق ،

امرك عجيب ؟

شلون القطع الاستهلاكية عمرها قصير ؟ وش وكالتك انت ؟ هههه

شكلك من مُلاك سيارة تشيري الصينية


يا أخي هذي سمعة .. مافيه تلاعب من وين جايب هالكلام انت !

^

صدقت .. كفيت و وفيت


ـ

مشكلة اللي يتكلم عن محرك ما قد جربة .. او يتكلم عن شيء اصلاً هو ما عندة خلفية عنه هههه


يا جماعة الخير .. لو المحرك ما يعيش ما شفت شعبية الموتر وين واصلة !



شكراً لك صاحب الموضوع :)

شي غريب
عمرها قصير .. طيب سؤال
يعني كل من معه محرك فورتك لا وصل 100 الف تعطل عليه المحرك ؟
الا اكيد هالشي كلهم لهم وقت محدد وتتعطل عليهم المكينه !!
ياعمي هم ربحانين منا والوكاله ربحانه منا 100 %
وقفت على قطع غيار المحرك !!



,

اخي لحن المشاعر

سياسة أغلب شركات السيارات في الوقت الحالي تغيرت
تجد ان أغلب القطع استهلاكية وعمرها قصير كي يضطر المستهلك لشراء قطعة أخرى
وبذلك تربح الشركة أموال طائلة بعد ان اخذت سمعة جيدة من موديلاتها القديمة .

ولاشك ان ربح الشركة أكثره على قطع الغيار وليس على قيمة السيارة نفسها .

محركات الفورتك من افضل المحركات واقواها وقد اثبتت تحمّلها وقلة اعطالها ,لكن المشكله المستخدم عندنا ما يعرف إلا المفتاح شغل ومش لين تاقف السياره ,,في امريكا لايوجد اعطال مثل ماهي عندنا لعدة اسباب الورش عندهم اقلها افضل من الوكاله عندنا ويمشون وفق برنامج الصيانه ::عندنا الزيوت 80%تقريباً غير مطابقه ولايوصي بها صانع المحرك لسيارات جي ام سي /مثلاً 20W50 لاينصح به بل يحذّر منه ومع هذا يستخدم كثيراً والزيت المناسب لهذي المحركات هي الزيوت التخيلقيه ودرجة لزوجتها 5W50 موضح ذلك بكتيب المستخدم وغطاء مصب الزيت بالمحرك ,كنا نسمع ان الزيوت بأمريكا غاليه وتكلف التغييره الواحده حوالي 200 ريال او مايعادلها نعم حتى هنا الزيوت التخليقيه قيمة العلبه حوالي 35ريال مثل موبيل1 وكاسترو ماقنتك وهي تتحمل إلى 15000كلم وتطيل عمر المحرّك من 4إلى 8 مرات اكثر من الزيوت التجاريه اوالتقليديه الأخرى اللتي متوفره بالسوق ...

^


سيارات جي ام اعتبرها اكثر تحمل وصبر من غيرها .. لكن يبي لها عنايه وحفاظ عليها
بعيوني شفت جمس 79 والله يشهد على كلامي انه ماشي فوق 800 الف والمكينه شد بلد
مع رجال كبير بالسن فاكه وكاله على وقته !!
صحيح حساسه جدا المكاين الجديده
لكن صدقني خبره الشعب فيه 0 % واكبر دليل شوف السيارات القديمه تكرف كرف مهو صاحي ليش ؟
لانه شغل وغير زيت وامش !
ناس ماتعرف الا هالمصطلح القديم جدا
مايعرف شي اسمه اقل شي احمي 3 دقائق .. اغير الزيت كل 3 الاف ومسآله الزيت ولزوجته مهمه جدا
بس المشكله نجي حنا ونتكلم ونقول [ المكاين الجديد اقل تحمل واكثر اعطال في اول عمرها ] !
ياعمي لو هي اكثر اعطال .. كان ما اسكتوا وحسنوا المكاين بالموديلات الجديده
هذي سمعه وانا اخوك
شوف تويوتا يوم صارت مشاكل الدعسه
انبهلت
تبي جي ام تسكت عن هالشي لا ومكينه !
اذا تبي تعرف نظافه مكينه سياره اسآله وش نوع الزيت وكم يمشي عليه
لو قالك امشي عليه مره 5 الاف ومره 3 الاف
هذي اعرف ان مهبل هبال فيها .. لو انت تجلس شهر كامل مره تنام الساعه 10 ومره 12 بالليل
تلقاك من بكره من الساعه 10 دايخ ومافيك حيل صبر ساعتين !!
شوف وش يصير بحالتك وقتها كيف بالمكينه عاد
عموما اسف ع الاطاله
وشكرا لك .

قرأت نشرة عن الإدارة ونماذج من أعمال المدراء
وفيها أن المرشح لإدارة شركة جي إم كان في جولة على قسم
صناعة المحركات ، وعند العرض أخبروه بانهم يصنعون 18 محرك !!!

فلم يُعجبه الوضع واقترح ان يخفض عدد المحركات الى 12 محرك كي تكون أسهل
في تعلم صيانتها ولعلها أكثر اقتصادية واستشهد بشركة تويوتا بأن محركاتها قليلة العدد
واستفادوا من قلة المحركات .

المحركات الأمريكية الجديدة بشكل عام حساسة ولاتتحمل القيادة بعنف لفترات طويلة وهذا كلام عدد من الميكانيكيين المتخصصين والواقع يشهد بأن المحركات الجديدة أكثر أعطالاً من المحركات السابقة في أول عمرها .