لا اعلم هل الطريقة معروفه او غير معروفه
ولكن حبيت افيد اللي مو عارفين الطريقه لاني بصراحه توهقت وعرفت الطريقه عن طريق الصدفه
تعطل علي ريموت السيارة عجزت واخذت ليموزين للبيت وجبت الريموت الثاني وفتحت السيارة وبالصدفه
قلت السالفه عند الشباب وعلمني واحد من الشباب طريقة لفتح السيارة اذا الريموت عطلان طبعا معاه لكزس وبالفعل لقيت نفس الطريقه مو جوده عندي في الكادينزا وهيا:
في طرف مقبض باب السائق الايمن الجزء الاخير من المقبض تلاحظ انو الجزء هذا عبارة عن غطاء تقدر تفك الغطاء هذا من تحت باستخدام نفس مفتاح السيارة ومن ثم تلاقي فتحة كيلون عادية تدخل فيها المفتاح وتفتح السيارة اتمنى انو يستفيد منها الاخوان حتى لا يتوهقو توهيقتي وجعلهم ما يحتاجونها ودعواتكم يا اخوان وجزاكم الله خير
كلمت حق استفدت من هذا المنتدى ومن مشاركات الاخوان كثيرا في اختيار معشوقتي كيا كادينزا فلهم كل الحب والتقدير
