السيارة يمدحها صاحبي عنده وحده ويعتمد عليها وسعرها معقول
موفق لكل خير ومبروك مقدماً
الله يبارك فيك وان شاء الله ما يخيب اختياري
اذا انك راعي بر لا تتعدى الفورتشنر
والاكسبلورر ماجربته لاكن سمعته طيبه عند الاكثريه
وبالنسبه للون ماني متأكد لاكن تقدر تطلب المندوب انه يوريك السياره على الطبيعه
بالتوفيق واهم شيء لاتنسى الاستخاره
بارك الله فيك بس الموظف قال لي ان اللون الاسود على الفل رائع جدا بس ما شفته
أخوي السيارة ما عليها كلام
من وجهة نظري فيها عيبين
الأول إنه 2010آخر موديل وودك تواكب الجيل الجديد
الشي الثاني يقولون المكينه ضعيفه ,وهذي تقدر تحكم عليها من خلال القيادة التجريبية
إذا الشكل ما يهمك والمكينة كانت عاجبتك فتوكل على الله وصل الإستخاره
والله يا خوك انا ما اقدر انتظر 2011 والله يكتب مافيه خير
اخوي السياره ماعليها كلام بس ترا عندك خيارات كثيره
ومنها شفرلية ترافس ومازدا CX9
ما فتني امر على الترافرس والاكاديا بس الدفع الرباعي منها غالي شوي
الإكسبلورر ممتآز , كثير نآس جربوه ..
بس آنت آستخر .. و قبل كل شي جرب القيآدة
وشوف , ترآ هذآ حق من حقوقك :bigggrin: عشآن بعدين
مآتنخدع وتعض آصآبع الندم ..
بارك الله فيك
بالتوفيق ان شاء الله
سيارتي اكسبلور 2008 ابيض توكيلات الجزيره فتحة ومراتب جلد
السيارة طيبه جدا ولله الحمد في السفر والبلد والبر فيه بس ملاحظه انها قاسية نوعا ما في المحلات الوعره والمشكله في نوعية الكفر حق الوكالة
توكل على الله ولاتنسى الاستخاره
مشكور على النصيحة
اذا انت راعي بر وترقى ارصفه عليك بالفشفش انا اشهد انه حمار مكده ومكينته قوووووويه جدااا
اما سواقتك ناعمه وهاديه خذ الاكسبلورر موتر عملي بس مكينته ضعيفه
والله انا سوقتي بين وبين والفشفش متخوف منه وكثير قالوا ابعد عنه مايصلع الا للشباب وانت راعي عائلة.وبعدين وسائل الامان شبه معدومة
