السلام عليكم ورحمة الله وبركاته
شباب وش أخباركم عساكم طيبن ان شالله
أفتونا الله يجزاكم خير الجزاء
بداية السالفة طبعا أني معي ابيكا 2006 اربعة سلندر عايدي
كانت ماشالله كل شي فيها تمام قدر الله علي وخلطت مويه وزيت وسويتها
طبعا ماغيرت الرآس بس يقولي خرط الرآس ولحمه وزينه ومسحه وكل شي تمام
المهم أنا عدت السالفة قلنا على خير
مشيت بالسيارة شهر طبيعي ذاك اليوم صكت برآسي إلا أجربها مشيت 160
شوي إلا الحرارة تطلع تطلع هديت
بعدها رجعت وقفت شوي أشوف الحرارة نزلت طبيعي ورجعت كملت مشواري
رحت محل رديترات نسم للرديتير وبعدها عبى السيارة مويه وقالي جرب
المهم رجعت يوم ثاني وقلت خلني أجرب وأمشي 140 وشوي أشوف الحرارة بدت تطلع
أهدي وأوقف عندي الأشارة
ورجعت الحرارة تنزل المهم بعدها بحكم أني صرت داخل الصناعية تطلع شي بسيط وترجع تثبت
وتسوي كذا وفي الأخير تستقر
المهم رحت للي سويت عنده الرآس قالي يابن الحلال ماهو الرآس انا متأكد ودها محل رديترات وخله يسويها ولاتدفع بعد
وديتها محل رديتيرات سيخ الرديتر وبعدها جلس يغسل المكينة بالجهاز
إلا وهول يقولي عندك البلف خربان :c0214:
مايقلب مويه بسرعة ؟!
استغربت من كلامه
رحت بعدها عند واحد كذا ثاني
واحد قالي البلف ماله علاقة ولايسويها أبدا
عندك رآس المكنية بدون شك
رحت عند واحد ثالث
قالي أنا مرت عليك حالتين نفس سياراتك وكان البلف خربان وغيرناه وزانت
والله ياشباب أحترت مدري كيف
أنا لمن أدعس بنزين مايطلع فقاعات من الرديتر ولاشي ولايفور برا
ومدري البلف أنا شريته وبركبه ان شالله وأبغى أفادات وخبرات أكثر منكم
وحلول والله يووووفقكم ويسعد من ساعدني
