السلام عليكم ورحمة الله
مدري وش اقول في موضوعي بس الوضع زاد عن حده وطفح الكييييييييل :mad1:
بقول لكم قصتي ...
انا لي فتره افكر اقتني سياره رياضيه جديده وقلت في نفسي اطلع لفه بسيطه اخذ فكره عن السيارات قبل لا اقرر :)
خذت صاحبي وقلت له تعال نشوف الجديد في وكالات قطر
طلعت مع صاحبي وانا قلت له هذي السيارات اللي في بالي
نيسان 370z
انفينيتي g37 كوبيه
سوبارو sti سيدان 2011
متسوبيشي ايفو
بنز بوعيون كوبيه 350
طبعا اول شيء رحنا لوكالة نيسان لانه خاطري في الـ 370z بس للحين ماقررت وهي كانت الاحتمال الاقرب اني اخذها .... وقلت لخوي الميزانيه القصوى 160 اذا السياره يابانيه و 200 الف للمرسيدس
بختصر الموضوع ...
في وكالة نيسان
الـ 370z سعرها 240 الف رياااال؟؟؟؟؟
وكانت صافه جنبها جيتي ار 2009 وقالي مسوين عليها عرض وسعها 300 الف ريال
والله انسدت نفسي من اسعار نيسان وقلت معناته انفينيتي بتكون بنص مليون!!!
والله طلعت وانا حدي زعلان
رحنا وكاله السوبارو
الامبريزا sti سيدان بـ 188 الف ريال :a1120(82):
قلت تبا لكم ....
رحنا للمتسوبيشي وطلعت الايفو بـ 210 الاف ريال :mad1:
لحول!!
رحنا للمرسيدس .... وكانت مسكره الوكاله بس كان معروض خارج المعرض بوعيون كوبيه حجم 200 (يعني محرك 1800 سي سي 4 سلندر) والسعر 210 الاف :a120(115):
نرجع لعنوان موضوعي ...... من بعد اللي شفته قررت اني اخر السنه هذي استورد السياره اللي في خاطري من امريكيا وماعلي من الناس اللي تقول وارد الخليج احسن .... ابركب وارد امريكيا وافتخر بعد :bigggrin:
مقارنه بسيطه للاسعار
قيمة الـ 370z في قطر 240 الف .... نفس السياره ونفس المواصفات في امريكا بـ 140 الف ريال (فرق 100 الف ريال)
قيمة الـ GTR في قطر (2009) بـ 300 الف مع العرض ... في امريكا 2012 بـ 330 الف ريال (فرق 30 الف وفرق كبييييييييير بين مواصفات 2009 و 2012)
قيمة الامبريزا في قطر 188 الف ريال .... في امريكا 130 الف ريال (فرق 60 الف تقريبا)
قيمة الايفو في قطر 210 الاف ... امريكا سعرها 130 الف ريال (فرق 80 الف ريال)
المرسيدس 200 في قطر سعره 210 ..... في امريكا 350 كوبيه (محرك V6) بـ 210 الاف (نفس السعر بس فرق كبير في المواصفات والمحرك)
:a1120(82): سؤال .... لين متى جشع الوكالات عندنا ؟؟
لين متى راح نسكت وكل يوم نشتري من عندهم بأغلى الاسعار وخدمه بعد البيع زي الزفت؟
يعني لو الفرق 10 الاف ولا 15 الف بقول حلال على الوكيل لانه يتعب في استيرادها وعنده مراكز صيانه وموظفين يصرف عليهم ......إلخ
لكن فرق مابين 60 إلى 100 الف ليييييييييييش؟؟
ابشتري سيارتي من امريكيا وشحن يكلف مابين 4 إلى 10 الاف (يعتمد على نوع الشحن) و 5000 ريال حق جمارك وبكون وفرت اقل شي 45 الف ريال الى 80 الف ريال
شعاري من اليوم ورايح ....
ياااااااااازين المستعمل النظيف ....... واذا جديد يااااااااازين وارد امريكا :wavey:
