قدر الله حصل حادث على ولدي

سبحان الله فيه ناس تشيش وتحرض الرجال على فعل الخطأ ياخي الرجل في لحظه غضب وخوف على مصير اخوه وهذا رده فعل طبيعيه جداً المفترض عليك تحط نفسك مكانه وتمتص غضبه طالما ابنك غلطان وهو لم ينفذ ماقاله من تهديد مجرد كلام ولم يسب ال سعود حفظهم الله وهذا من كلامك بل قال مايهمني ال سعود ويقصد فيه تطبيق الشرع في حال لو نفذ كلامه في ابنك حفظه الله لك .... اقصر الشر وعوض الرجال وافتك من شره ولا تفتح على نفسك ابواب المحاكم وربي لتحفى رجولك في اسياب المحاكم وبالاخير بتدفع التعويض

صح أنه مصدوم وولدك الغلطان

بس بعد كلامه ذا وسبه لال سعود المفروض يسحب ويعشعش بسجن نايف لين يموت حتى انت وأهله ما يدرون عنه خير شر

انا اقول اشتكه ووكل محامي احسن لك

ooooooooooooooooooooooooooooooooooooooooooooooooooooooooooo

500الف اشتريله واحد وكالة احسن لا ولكزس بعد

ooooooooooooooooooooooooooooooooooooooooooooooooooooooooooo

شكله من الناس الي ماتستحي على وجهه يتلفظ على دولته وحكومته ويهدد ابنك بالقتل وبشكل علني

شفني وانا اخوك

طلع الولد بكفاله اذا ماطلع للحين

وارفع اعتراض للهيئه الشرعيه بالمحكمه وخله يتمرمط 6 شهور حتى يعطونك موعد المحكمه وتكون انت جمعت على الاقل المبلغ الي تعطيه

وارفع عليه قضيه تهديد بالقتل هذي ماهي سهله وبلغ الطرف الثاني انك رافع عليه قضيه بالتهديد واذا انت معترض على مبلغ التقدير قله تبي 35 الف ولا الوعد بعد 6 شهور بالمحكمه لان التنازل بيد الطرف الثاني ويقدر يحدد كم يقدر ياخذ منك

بعضهم يقدر شغل وكاله وقطع وكاله ويروح يشتري تشليح ويحط نص المبلغ بمخباته .........

.
.
.
اخيي الكريم ,,, اذا تسعيرة التصليح المتوسطة طلعت 55 الف ,,,, اعتقد انه المفروض يتم تسعير السيارة ( تالف ) ,,,, ويتم تسعيرها من شيخ المعارض , وذلك بتقدير قيمة السيارة قبل الحادث , وقيمة السيارة بعد الحادث , وانت تتحمل الفرق

يعني مثلا جيب بمواصفاته تلاقيه في الحراج بـ كم ؟؟؟ 50 ولا 60 الف مثلا ؟؟
السيارة الان لو باعها تشليح كم تجيب ؟؟؟ 10 الاف مثلا ؟؟

يطلع الفرق 40 الف ريال , قيمة التعويضات !!!

تأكد التسعيره قطع غيار ولا تالف ؟؟؟

الحمد الله على السلامه وقدر الله وما شاء فعل


اول شي المفروض تأمن على السياره كلها 360 ريال وتفكك من دفع مصايب


الشي الثاني ما انصحك تعترض على تسعيره الورش وتطالب بشيخ المعارض

لأنه بيعطيك سعر اعلى من الورش زي ما صار مع واحد من الشباب


صدمه واحد غثيث وكلفت الصدمه في ورش المرور 3500 وعيى يدفع بحكم ان المبلغ مبالغ فيه وطالب انه يقدر عند شيخ المعارض ويوم قدرها هناك عطاه شيخ المعارض تسعيره 4000



ولدك غلطان وهذا قصاء وقدر واتمنى انك تعطي الرجال فلوسه من دون ما تمرمطه


زود ما ابتلاه ولدك بحادث واضرار جسديه او نفسيه وسيارته مافي امل ترجع مثل اول وبيبيعها بخساره ..تجي وتكملها انك تتمرمط انت وياه بالشهور في المحاكم

واستغرب من الردود الي تقول مرمطه ووصلها محاكم وكرهه في فلوسه !!! الرجال الحين هو المصدوم وهو المتضرر .. مو معقوله انكم تقفون ضده عشانه طالب بأقل حقوقه

احب اقول لكم تعوذو من ابليس ولا يبلاكم ربي بواحد يصدمكم ويقعد يمرمط فيكم وقتها بتعرفون قيمة كلامكم

عطه فلوسه بدون نفس يعني مرمطه عطه شيك بدون رصيد وسحبه لين يمل وبالنهاية عطه دراهمه , عشان مايطول لسانه

الله يكثر من أمثال صاحب الرد هذا !!
انت شخص حاولت تصلح الله يجزاك خير ,عكس بعض الردود للأسف ماتوقعتها رح تكون بالموضوع ...
عموما أخوي ( [COLOR="Black"]أحلى البشر ), نصيحة حل الأمر مثل ماقال الأخ (AL-YOUSEF) كلامه سليم 100%

والحمدلله على سلامة الجميع ![/COLOR]

حاول تحل الموضوع ودي قبل لا تحول للمحكمة لأن المحكمة عادة تطول اكثر من شهر الى 6 شهور

يعني تخلص معه بالطرق السلميه افضل لك دام الخطأ على الولد 100 %

اذا حولتها محكمة او اعترضت ما اشوف لها فائدة لأن نسبة الخطأ محسومة للطرف الثاني

اما المبلغ هو وضميره

والتلفظ وارد في حالة الغضب انت حاول تتفاهم معه والله ييسر امرك

الحمدالله على سلامة ولدك ومايشوف شر
والحمدالله انها جت بالحديد ولا باللحم
على العموم ياعزيزي دق الحديد وهو حامي
ارفع شكوى على هذا الشخص بسبب تهديد ابنك بالقتل والتلفظ على آل سعود
واتصل على 989 واشرح لهم الموضوع باللي صار مع ولدك والطرف الثاني
واذا جيت عند المحكمه اطلب من القاضي النظر بالكلام اللي تلفظ فيه هذا الشخص
من التهديد بالقتل والتلفظ على الدوله .

وبالتوفيق لك .. ولا تنسى تكلم الطرف الثاني انك بترفع دعوه قضائيه بحقه على تلفطه
وقوله راح القاضي يحلفك بالله اذا قلت هالكلام ولا لا !