قولو ماشاء الله تبارك الله
بحمد الله طلعنا هيونداي النترا 2012 والله الفضل والمنه
وطبعاً كالعادة أي أحد يطلع سيارة جديدة لازم ينجدها خصوصا إذا كان عنده أطفال
وأنا لي فتره قرابة الشهر وأنا أدور على تلبيسة مقاعد لسيارتي الجديدة وبالتحديد كنت ابحث عن التلبيسة الاماراتية لتجربتي السابقه لها في سيارتي السابقه , ولفيت شارع الغرابي بالرياض لف ومالقيت اللي ابيه
المهم كل ما سألت أحد عن منجد كويس قالولي ( اسماعيل ) :blue: كل ما دخلت شارع قالولي مالك إلا (اسماعيل)
طبعاً رحت ( لاسماعيل ) وبالصدفة لقيت عندهم سيارة قاعدين يركبون مراتبها , المهم اني ما اقتنعت بالتفصيل كثير ومع هذا قلت خلني اجرب , وأنا أروح له قلت بكم التفصيل , قال بـ (450) , قمت ادور على قماش يناسب الألوان اللي عندي , المهم الرجال يكلمني من راس خشمه ومن غير نفس وكل ما قلت له ابي القماش هذا قال ( خلص ) :mad1:, وأنا اطنشه واروح لفرع ( اسماعيل ) ثاني , وطلع الثاني ازفت من الأول ويقول تستلم التلبيسه بعد خمسه ايام , وأنا أروح واخليه:mad1:
المهم وأنا ادخل في شارع في الغرابي والقى مراتب مفكوكه في محل صغير وشكلها اعجبني , المهم شكيت ان المراتب هذي وكاله , المهم نزلت من السيارة واشوف المراتب الا هي تلبيسه , سألت الهندي قلت هذا شغلكم ؟:confused1: قال ايه , ويجيني صاحب المحل اسمه / محمد العوبثاني , والله ونعم الرجل:xyxthumbs:
قلت له ابي البس مراتب الالنترا هذي عندك , قال مافيه مشكله وعلى طول طلع لي خامه قماش يابانيه ممتازة ولون قريب من الألوان اللي عندي , وعجبتني جدا
قلت له : المهم الخوف الحين من التفصيل , أنا أول مره افصل عندك , وسيارتي جديدة وحاط دم قلبي فيها وباقي اقساطها خمس سنوات قدام , والصراحة أنا خايف تعدمون عليه المراتب .
قال : لا تخاف ان شاء الله نخليها لك 85% مثل الوكاله
قلت له : كيف طريقة شغلكم ؟ هل تستخدمون المسامير ؟
قال : لا ما نستخدم المسامير في المراتب الأمامية , وفي مراتب الجموس والجيوب والصاوالين والسيارات العائلية ونستخدم بدالها ( لزق تشك شك ) أما في المراتب الخلفيه لسيارات السيدان فنحط مسامير فوق مسامير الوكالة وهذا اجباري لأن خلفها الشنطه بالاضافة إلى ان تصميمها كذا من الأساس , وفعلاً بعد ما فكو المرتبة الخلفيه لقيتها مشدوده بمسامير من الوكاله .
المهم قلت له متى يخلص ؟ قال : بكره انشاء الله تجي تركب .
قلت له كم السعر ؟
قال : 500 ريال
قلت له : مو كثير 500 ريال , قال : احنا عندنا خامة القماش ممتازة بالاضافه إلى اننا نشتغل برواق وبطول بال , ومانستعجل على الشغل , ونحاول نطابق خطوط المرتبة على التلبسه بشكل ممتاز , لأن يهمنا في الاخير نكون راضين عن شغلنا ويكون الزبون راضي , وانت الحكم
قلت له : توكلنا على الله
فكو المراتب كلها : إلا مرتبة السائق وقعدت يوم كامل بدون مراتب , على أساس اليوم الثاني تكون جاهزه ويبقى مرتبة السائق يركبونه في ربع ساعة ونخلص .
وعجبني عندهم طريقة الفك والتركيب كانت بحذر شديد , عشان ما يجرح ديكور السيارة الداخلي أثناء اخراج وادخال المراتب , واللي كان يفك المراتب هو نفسه ( محمد العوبثاني )
مالكم بالطويله
جيتهم اليوم الثاني والصراحة اندهشت من دقة التفصيل , إلى درجة اني لما شفت مرتبة الراكب الأمامي قلت لهم ليش ما لبستوها ؟ وهي اصلا ملبسه .
اخليكم مع الصور وانتوا احكموا بنفسكم
ابو بنطلون ابيض هذا محمد العوبثاني صاحب المحل
لاحظ انه ما حط فتحه وسحاب , ولكن لبسها زي تلبيسه الوكاله وفتحات الاكواب ظاهره
اللي عليها مسند الرأس تلبيسه والثانيه وكاله قولو ماشاء الله
لأصحاب الخرائط
الاحداثيات
24° 38.817'شمال
46° 43.212'شرق
شارع الغرابي الرياض
جوال : 0551305022
وركبت ايضاً انوار عند الاقدام مع تحكم في قوة الاناره من الخافته إلى القويه
وكان تركيبه ممتاز وما خرب الديكور عليه
المهندس / البرنس <<<< اسم الشهره :bigggrin:
جواله 0567632810
