استفسار عن الكابرس ؟

اذا شغلت السيارة عن بعد : ما تقدر تعشق السيارة وما تقدر تمشي بالسيارة بدون ما تدق سيلف لازم تحط المفتاح ، نظام حماية ضد السرقة .

اعتقد مافيه برمجة عشان ما يشتغل المكيف عند التشغيل عن بعد


واذا عندك معلومة غير كذا فنستفيد منك


وتقبل تحياتي

وعليكم السلام

الزر P للحساسات ، وطريقة تشغيلها عندما يكون التعشيق على الـ R أو على الـ D ، يعني اذا عشقت الدي أو الآر حتولع اللمبة تماتيك ويعني الحساسات شغالة ، وإذا عشقت على الـN أو P راح تنطفي اللمبة تماتيك ويعني انطفت الحساسات ، والحساسات تعمل في حدود 10كلم يعني اذا زادت سرعة السيارة تنطفي الحساسات تماتيك .



وتقبل تحياتي

الحل للآنمبير . تغير القطعة (مؤشر البنزين) بدون تغير العداد كامل وتعاد برمجة السيارة ..

واذا انت من سكان الرياض حياك .. تواصل معي وتنحل مشاكلك ارسل رسالة خاصة ..
وموفق خير بموترك ومتسفي شرة .

لا والله اخوي السياره ما شاء الله حلوه ونظيفه

لكن اكثر الخربات الي فيها اشياء بسيطه وهاذا شي طبيعي في اي سياره مستعمله وفيه اشياء انا ما عرفت استخدمها اصلاً:a120(115):

عندك CD يوم شريت السياره قعدت العب فيه وطلعت السيديات ليش ما طلعت اول ما ادري
وصار باب CD توب :xyxthumbs:

المشكله اني ما اعرف انجليزي واجد:a1120(121):
انا متاكد انه فيه برمجه تخلي المكيف ما يشتغل اذا شغلت السياره عن بعد :a1120(82):

بالنسبه لانبير البنزين واحد قالي خلك على عداد الكيلوات المتبقيه وبس
لكن في الشاشات الي في الطبلون خرابيط واجد ولا عرفت اي وحده فيهم هو عدد الكيلوات المتبقيه:confused1:

عرفت اخلي الشاشه الي في نص الطبلون عداد الكتروني بس خخخخخخخ:bigggrin:
هاذا الي اعرفه :c0038:

عندي سؤال صغير هل اقدر امشي بسياره بدون ما احط المفتاح في السويتش :confused1:

ممبروك عليك السياره ومابغا احطمك بسس السيياره مدهوووكه ومكروووفه

نص الكماليات خربانه اما بالنسبه لنسبة المكينه كااان <عندي كراون فكتوريا
2001 جلس معايه ثلاث سنوات كارفو كرف ومطلع عيونه

ولمن جيت ببيعه الي فحصه طلعت نسبة المكينه 86% بس الله يبارك لك فيه ويعينك

على التصليحات:smile:

تم شراء السياره ولله الحمد

ما شاء الله تبارك الله
صراحه السياره روعه

عندي مشكلتين واتمنى القى لها حل:

1- لما اشغل السياره عن بعد تشتغل كل الانوار حتى الريوس و يشتغل المكيف على اخر شي ولما اركب السياره ابغى اطفي المكيف ما اقدر لازم احط المفتاح في السويتش عشان اقصر على المكيف,هل يمكن اني امشي بسياره بدون ما احط المفتاح في السويتش وكيف ابرمج السياره عشان المكيف ما يشتغل؟


2-انبير البنزين خربان ومنسدح على جمب وما دريت عنها الا يوم شريت الموتر على بالي ان البنزين فل لاكن طلع خربان ما اقدر اعرف البنزين الا اذا ولعت لمبة البنزين في الطبلون هل فيه طريقه اصلحه فيها؟

فاادوك الشباب

بحياتي ماشفت كابريس استعمال امريكي وحتى لو تدخل موقع ebay تلقا الكوابرس كلها اخر موديل لها 96

والباقي الظاهر ما يجي لأمريككا

وهذا دليل ان السيارة مالها كفاءة وابعد عنه قد ماتقدر

حلوووو حيل 83 بنسبة للمشي 120 الف اشووفه حييل زين

بس الكابرس ما انصحك فيه

شباب فحص المكينه نسبته 83% يقولي حق الفحص المكينه جيده

وش رايكم 83% حلوه ولا

شباب والله الكابرس مغري وشكله حلو

بس اخاف اخذه واتوهق

مع ان الموتر نظيف و الرجال راعي الموتر استخدامه حشمه وما مشى الا 120 الف
وفحصته عند افضل المراكز وقالولي الموتر ما فيه شي غير كراسي المكينه وبكرات سير بس اشياء بسيطه

والله الى الحين متردد اشتري ولا

انا بالنسبة لي ما افضل كابريس مستعمل يا جديد على يدك وتحافظ عليه يا بلاش

لكن اجاوب على استفساراتك :
p هو حق الحساسات بس كيف تشغلها سوا مدري صراحة ما قد جربت
S هذا وضعية السبورت
التراكشن

الشاشات الخلفية : اغلب اللي عندهم رويال عندهم المشكلة هذي واغلبهم مغير الشاشات على الضمان لكن فيه ناس راح عليهم الضمان وسحب عليها لانها غالية جدا
روح الصناعية عند حقين الصوتيات والمختصين وراح يشوفون لك حل لها وحتى السيديات اللي معلقة بالداخل هم راح يحلون لك المشكلة لان مع الحر تصير في كثير من السيارات

المكينة والله ما ادري صراحة اش النسبة اللي كويسة ما اقدر افيدك

اخوي نصيحه لوجه الله حاول تبعد عن الكابرس واللومينا وخذلك موتر لك ولللزمن

حتى لو انك محافظ ترى السيارة مستعمله والسيارات هذي ماهي حقة استخدااام

وبالتوفيق ان شاء الله

P او S

اظن واحد يفك انزلاق وواحد يعطيك الوضع الرياضي

هذا اللي اعرفه

وش دعوا 40 مشاهده ولا رد