فورد اكسبلورر 2008 متعطل القير مايتحرك

اكسبلورر 2008 @user_105646 · 23-07-2011

يا اخوان السلام عليكم ورحمة الله وبركاته

صحيت قبل قليل من النوم وقمت بتدوير سيارتي

ولكن المفجأة كانت في عدم تحرك القير من وضع P

فالفير مصلب ولايرضى يتحرك

بحثت عن المشكلة في قوقل

وقالوا احرك القير واحطه على N والسوتش غير شغال وبعدين اشغل السييارة

والله حاولت ومو راضي خفت اكسر التروس اذا حركته بقوة

ياليت تردون علي بسرعة لان السيارة مازالت متوقفة

M~أمير بكلمتي~M @user_58367 · 24-07-2011

وعليكم السلام ورحمة الله وبركاته

تم ذكر المشكلة وحلها في أحد المواضيع

M

M~أمير بكلمتي~M

تصلب عصى القير

يشتكي البعض من تصلب عصى القير عند وضعه في P واذا نزل لا يشتكي من شئ

والسبب ان لمبات الفرامل لا تعمل والسبب حساس لمبة الفرامل

طبعا كثير من الورش وللاسف الي يقولك توضيب قير والي مادري ايش من ابداعات المتفلسفين

الحساس قيمته 90 ريال تركيبه ماياخذ 20 ريال

صوره

الي عليه دائر حمراء

لحالات الطوارئ: حينما تكون في سفر وتواجه هذي المشكله ولا يتوفر كهربائي
يوجد حركه مؤقته لتبديل القير من الـP الى الـN وهي بفتح السويتش درجه بسيطه قبل تشغيل لمبات الطبلون
ومنها انزال القير للشرح بالتفصيل تابع الرابط التالي:

http://www.assayyarat.com/forums/showthread.php?t=180070

انتهت ولله الحمد

للأستفادة أكثر راجع الرابط التالي :
http://www.assayyarat.com/forums/thread156199.html

أخوكـ

مخربها @user_24088 ..:: TAHOE//YUKON GRP. MEMBER ::.. · 24-07-2011

امين وياك اخوي

والله يا حبيبي انا ماراح افتي لك واجيب فيك العيد
انا اللي اعرفه حاله سابقه واحتمال خويك معاه حق لكن حساس الفرامل وش له علاقه ؟؟

احتماله ترا خويك قصده نفس القطعه اللي انا ذكرتها
لان انا اقصد القطعه اللي لما ترص على الفرامل تفك ولما تشيل رجلك من الفرامل تقفل وهي اللي انا اتوقع انها قافله عندك وموقعها تحت عصى القير

فإحتمال انا وخويك نقصد نفس القطعه ولكن اختلفت الأسماء و الشرح

ياليت تقول لي وش اللي صار معاك

اكسبلورر 2008 @user_105646 صاحب الموضوع · 23-07-2011

الله يجزاك خير اخوي
والله في واحد يقول من الحساس حق لمبة الفرامل
مدري وش رايك في كلامه

مخربها @user_24088 ..:: TAHOE//YUKON GRP. MEMBER ::.. · 23-07-2011

السلام عليكم

هذي المشكله مرت على واحد من الشباب في دوج تشارجر
والمشكله بشكل مبدئي مو من القير
القير ان شاء الله مافيه الا العافيه

المشكله عندك في قطعه تحت الديكور وهي اللي تتحكم بالعصى وحركة العصى
هي اللي خربانه وتحتاج تغير
وتغيرها الظاهر ماياخذ ربع ساعه
كلها فك الديكور حول القير وتبديل القطعه وترجيع الديكور
وقيمتها في التشارجر حول 300 ريال
في الفورد اتوقع ماراح تكون أغلى من كذا

بس شوف فني كويس وهاته عند السياره ويغيرها وهي واقفه مكانها

ربي يسهل أمرك