أبغى سيارة وكالة بس متحير!!!!

اخوي السياحي 2012 يجي 6 ايرباقات ومانع انزلاق واي بي اس :xyxwave:

فورد فيوجن.

شكل + تخدم معك + وكيل جيد

قبل كم يوم مريت على التوكيلات لقيتها بـ 64 ألف

أنصحك بفورد توروس

أو

هيونداي سوناتا نص فل بانوراما

أو

فورد فيوجن فل كامل , في حدود سعرك 2011

,

و الله يوفقك :)

مشكور على الرد

بس يخوي مع احترامي لك انت تقول هوندا سياحي بس على قول العضو bluesea864 تبدأ أسعارها من 86000 يعني قرعة بهالسعر يعني حتى ايرباقات مو موجودة ومكينة 4 سلندر ما أعتقد إنها تستاهل ذا السعر

ماركيز او فكتوريا احسن شي

اكورد سياحي وبقووووه صراحه السياره ماعليها كلام يكفيك انها من هوندا يعني اعتماديه للاخر

تسلملي على الرد

طبعًا أنا ما حقرت الكوري بشكل عام أنا حقرت الكيا بس
وبالنسبة للهونداي أنا شخصيًا أحترم هذي الشركة

وعلى طاري هونداي شرايكم بالأزيرا 2012 أنا أشوف مواصفاتها روعة وعلى حسب موديلاتها اللي قبل هالشكل أشوف الناس تمدحها من جميع النواحي فوش رايكم بالسيارة وكم قيمتها فل أوبشن في المجدوعي

وكلامك على الأوروبي هي صحيح سيارات اعتمادية بس تعال افتح مخباتك إذا اختربت

وشاكر لك مرورك أخي العزيز

على السيرة انصحك بشكل عام ما تستعجل و جايك رمضان بعروضه . شي ثاني وهو توني متوصل له اليوم وهو انك حاول تعطي الفرصة للشركات الجديدة وشهادة شخصية سيارة ابوي كيا اوبيروس ما عليها عزم و تبريد وهي موديل 2006 فلا تحقر الكوري

شي ثاني حط في الاعتبار الشركات الاوروبية خصوصا لو كان عندهم عروض حلوة
انا من شوي مرت علي دعاية فولكس جيتا و ستروين سي2 و رينو ماقنا وبشكل شخصي برضه اشوفهم سيارات كويسة لكن يبيلي اتاكد و اخذ فكرة اشمل عنهم ولعلمك كلهم بنفس ميزانيتك يعني

وبنشوف لوين بيوصل موضوعك لأنه يمثل اسئلتي انا بعد والله يوفق الجميع

مشكوور وما تقصر على الرد أخوي
أنت قول لي وش اللي بالك من سيارة وأكون لك شاكر



تسلم على الرد
صراحة أحس الفيكتوريا حقت شياب يعني حق واحد عمره خمسين فما فوق مع احترامي لأصحاب هذي السيارة ولكن هذا رأيي الشخصي وتسلم مرة ثانية على الرد



أول شي تسلم على الرد
والله الألتيما حلوة وقوية وكل شي بس أنا سمعت عنها إنها كل خراب يعني هذي ما بتكمل معي 5 أو 6 سنوات



مشكور وما تقصر
أنت عطيتني خيارات ما شاء الله

الألتيما تكلمت عنها

والأوبتيما أنا ما أدري كيف بس ما أتصور إذا شريت السيارة وبعدين أطلع فيها أشوفها كيا والله أحسها ولا شي هالشركة صراحة

السوناتا من أول السيارات اللي فكرت فيها حتى إن سعرها مناسب وحلوة وكل شي بس ركبت في وحدة يا شيخ والله جابت ليي المرض في رساوتها في الخط الهوا يلعب فيها يمين ويسار والعزل الأرضي صراحة خايس تحس كأن الاسفلت قالط وياك في سيت الراكب بس هذي تنفع حق داخل المدينة لرأيي

والفيوجن صراحة ما عليها كلام وشركة فورد شركة عريقة وما يعيبها شي بنظري غير شكلها أما الباقي لا يعلى عليه

الميتسوبيشي ما أعرف عنه شي بس قالوا ليي ابعد عنها ما أدري ليش بس هذي نصيحة قالوها لي

المازدا 6 قريت عنها البارح واستغربت من المواصفات اللي فيها تقول لكزس مو مازدا أول مرة أدري إن هذي المواصفات موجودة في المازدا 6 أنا ما أدري عن مساحتها من الداخل ممكن شخص يقارن مساحتها بمساحة سيارة ثانية عشان أعرف كم؟ بس عيبها الوحيد إن ما تمسك سعرها وقت البيع وأعتقد هذا مو عيب عندي لأن السيارة اللي آخذها تعمر معي يعني تقعد معي لين تروح التشليح.

واللي يبغى يعلق على كلامي يتفضل أنا أتقبل الآراء وأشكر لك رأيك أخي العزيز



مشكور وما تقصر على الرد

الكامري صراحة سيارة قوية واللي خلاني أروح لسيارات ثانية سعرها على مواصفات صفر وكلام المنتديات

الأكورد سيارة أشهد ليها بالقوة والرساوة والفخامة لكن قطع غيارها نار كأنها أوروبي (كلام المنتديات)

ومشكور مرة ثانية أخي


مشكوور على الرد وما تقصر

تكلمت عليها وأقول مرة ثانية مواصفاتها جبارة بس ما أدري عن اعتماديتها صراحة وخراباتها والأهم مكيفها لأن تعرف جونا زي روسيا



مشكووور وما تقصر
تكلمت عن هذي السيارات
وتسلم على الرد من جديد



معليش ثقلت عليكم وأحس الكل يقول إن ما يعجبني العجب بس وش أسوي الواحد يبغى سيارة ممتازة والسيارات هالأيام لازم تشوف فيها بلاوي

كيا اوبتيما ( http://www.assayyarat.com/forums/thread243900.html ) :xyxthumbs:..

عندك الفكتوريا
اعتقد اكثر سياره خدوومه
وقطع رخيصه وكل واحد يعرف لها
وتراها اخر سنه لها وراحه وتصميم كلاسيك

واذا ماتبغى الكلاسيك شفلك الفيوجن يقولون خدومه

ولا التيما زي ماقالو الشباب بس انا افضل الفورد

المازدا 6
سيارات المازدا حقت كرف وتعيش سنوات
بالاضافة ان شكلها جميل وشبابي ..
يعني طلبك تقريباً بهالسيارة

^^^^

انا مع الرد اعلاه

80 الف مبلغ ممتاز ويجيب لك سيارات جيدة وانت شوف الشركة اللي ترتاح لها

تويوتا كامري

هوندا اكورد ( تبدا من 86 الف )

مازدا 6

ميتسو جالانت

الامريكي انا ما اتابع الا فورد عادة

عند الفيوجن اذا تبغى شي شبابي

والفيكتوريا اذا تبغى شي رسمي ( تبدا من 85 ال ريال )

وبالتوفيق

وعليكم السلام ورحمة الله و بركاته

بصراحة مبلغك يعطيك خيارات ما تخلص ، وبقوة !!
نيسان التيما
كيا اوبتيما
هيونداي سوناتا
فورد فيوجن - فورد مونديو - فورد كراون فيكتوريا
ميتسوبيشي جالانت
مازدا 6

مدري فيه اكثر بس يكون بعلمك انه هذي خياراتي الشخصية و بميزانية مشابهة لميزانيتك ولا عرفت وش اطلع منهن

اتمنى الشباب يفيدوك

انا افضلك فكتوريا