السلام عليكم
كيفكم يا اخوان
الجواب باين من العنوان
انا ناوي على سيارة خلال الشهرين القادمين
وبصراحة انا ودي في اف جي كروز
طبعا لاني سمعت انها جاء عادي اقصد الغير مع دفع رباعي جزئي
يعني وقت ما تبي الدبل شغله مو مثل اول عادي بس الدفع الرباعي مستمر
بس انا اذا شريتها ناوي اطلع فيها برا السعودية في اجازة الصيف القادمة يعني تقريبا بعد سنه
المشكلة اني الان ما ادري في اراء كثيرة سمعتها
في ناس يقولون ما تقدر تسافر فيها ابدا وهذا معروف من زمان
بس اللي سمعته قبل كم يوم
انك تقدر تسافر فيها بس كمان تدفع مبلغ مثلا انت حددت البحرين يحسبون عليك مبلغ لكل شهر او شهرين
او مثلا فكرت تروح اليمن تكون التسعيره مختلفه عن البحرين مع حساب المدة اللي الواحد بيجلس فيها خارج السعودية
صحيح هذا الكلام او لا
لاني انا ودي اسافر بالسيارة برا اسافر فيها عن طريق البر
السؤال هنا صحيح هذا الكلام او مجرد كلام فاضي
لاني انا بنفسي ما صدقت ابدا
بس حبيت اسألكم
اللي اعرفه انه نظام التقسيط تقدر تسافر فيها لانها بتكون باسمك
بس انا استلم راتبي نقدا وقدره 5500 نقدا
انا اعمل في شركة عقارات وانشاءات
والراتب استلمه نقدي
لاني شغال في نفس المقر الرئيسي بس الموضفين اللي بعيد عن المقر الرئيسي مثلا في الرياض او الدمام يستلمون عن طريق حساباتهم
اخر الشهر يجي واحد مصري ويسلم كل واح ظرف وفيه الراتب
فما اقدر اطلب سيارة اقساط
والمشكله مو هنا وبس
رحت عند اصحابي اللي ينشد فيهم الظهر
لقيت اللي عنده قروض وما يقدر (( وهذا معذور ))
لكن لقيت بعضهم واللي مصاحبهم من اكثر من 10 سنوات
يتبرا مني ويفكرني بشرد عليه وما بدفع الاقساط (( وهذا اللي معدنهم يظهر في الازمات ))
