راح ابيع التشارجر وسبب ! وراح اشتري التورس وسبب !

اخوي اغلب القطع غاليه تكون قطع خارجيه وسبب الحوادث ..
وحل هالمشكله انك تأمن تامين شامل حتى لو كان غالي ماعليه ماراح تدفع 10 الاف مره وحده ..

لو التشارجر دفع أمامي ممكن نبرر السعر لكن دفع خلفي وغالية المقدمة للدرجة هذي
مافي وكالة تقدم خدمة يستحقها العميل إلا عبداللطيف جميل فقط
التورس نفس المشكلة قطع غالية وغير متوفرة إلا بالوكالة الموزعين عندهم قطع للفكتوريا والإكسبدتشن والإكسبلورار
باختصار تبغى تريح بالك لا تخرج عن سيارات أبوجميل لأنه موفر القطع وسياراته مرغوبة عند البيع الباقية أشكال ممتازة وتعب كبير بعد فترة

صدام+شمعه يمين+اشاره يسار+فيبر(اللي بين الشبك والصدام)
4200ريال
قراند ماركيز 2008
صدقني اسعار الواجهه عندك زين لكن الظاهر بعد ماصدمت فيها طابت نفسك منها

أنت تقول أن مقدمة السيارة أنعدمت

إذا ً الـ 10 ألاف ريال في نظري مناسبة جدا ً كسعر تكلفة للصيانة وقطع الغيار

خصوصا ً وأن سيارتك تشارجر وليست أكسنت ولا يارس ! يعني تصنف من ضمن السيارات الفخمة

هل تصدق بأن سيارة أخي هوندا أكورد 2007

كلف تقرير إصلاحها لدى الوكيل عبد الله هاشم مبلغ وقدرة 32 ألف ريال !

علما ً بأن التلفيات كانت

رفرف أمامي أيسر + شمعة + صدام + رمان الكفر الأيسر + علبة فلتر هواء + كلبسات بلاستك

!!!!!!!!!!!!!!!

تكلفة السعر اللي ذكرته لسيارتك الدودج تعتبر مناسبة

نصيحتي لك

لا تشتت نفسك بين السيارات وأنواعها

وخليك ع سيارتك أفضل , خصوصا ً وأنك راح تخسر كثير من قيمتها أثناء البيع

وتأكد بأن كل سيارة مثل ما أن لها إيجابيات ومزايا لابد وأن يكون لها بعض العيوب

موفق للخير ،،،

كابريس وأنــا أخوك ممتاز من ناحية قطع الغيار فيه قطع رخيصة مرة وفيه قطع غالية شوية
انا استعملت كابريس وزعارفها زين تستخدم استخدام ممتاز بدون مداعس ومقاومات وكرف راح تعيش معك وما تطلب
اما من ناحية الأمان فاترك لك الكلام اللي تحت عشان تحكم وما عليك من كلام الناس :

التحكم والثبات : اقل فئة في الكابريس فيها
نظام تعليق LCS
ESP
ABS
EBD
EBA
TCS

+




الـ LTZ بـ 115 الف
الـ LS بـ 96 الف
الـ SS بـ 132 الف
الرويال بـ 140 الف في الجميح شامل المصاريف الإدارية وتأمين ضد الغير

بيني وبينكم الواحد الان يدور على اكثر السيارات امان وش الفايده مواصفات بدون امان مثل الكوري ولا اللي يقول كيف نعيش بلا كابرس اوكي قوه ومساحه كبيره وحلوه لكن جوده مافي صناعه ماهي امريكيه على الجديد اقصد
والله الياباني حلو وخذلك مثل الهوندا والله عن تجربه متانه داخليه وجوده مثل الالماني وصياناتها حلوه وماهي غاليه حتى لو اخذت الفل v6 وهي التي انصحك فيها سياره تعطيك وخراباتها قليله عن تجربه ليش ماتفكر في هوندا ومنته خسران تحياتي لك

ازيـرا أو كادينزا

كيف نعيش بلا كابريس
مكينة 8 سلندر جبارة
شاشة
راحة
من اوسع سيارات العالم
ومتوفرة وشعبية
قطع الغيار اسعارها متنوعة في الرخيص وفي الغالي

السلام عليكم والله يااخي انت على راسي مادامك تعز الالماني , يا اخي الالماني يعطيك الامان انا اؤمن الاعمار والاجال بيد الله لكن انا احجيلك من ناحية الاسباب merceds , bmw , audi , opel , volkswagen كله على راسي وحش الشارع ملك الشارع وااااااااااااااااااااااااو

هذا اللي مخوفني منها
ودي اخذها بس اخاف من القطع وعدم توفرها
شكلي بآخذ ازيرا
قطع متوفرة وفيه حركات حلوة ولو ان شكلها مو ذاك الزود

والله ياخوك أنا مثلك أدور سيارة وناوي أشتري بنهاية السنة .. ومحتار ولالقيت سيارة تلبي أغلب طلباتي ..

كنت حاط التورس في بالي لكن بعد السؤال والبحث لقيت انها غير مناسبة أبداً من ناحية توفر قطع غيارها وأسعارها المبالغ فيها جداً .. تخيل واحد انفقع عليه المساعد بسبب حفرة راح للوكالة قالوا غير متوفر !! ويبيله على الأقل حول الشهر !! الكبوت سعره حول ال5000 الاف !! مكينة الشباك فوق 1500 ريال وغير متوفرة !!

فورد سيارتها القديمة قطع غيارها مناسبة ومتوفرة مثل الفكتوريا والاكسبلورر والاكسبدشن .. لكن سياراتها الجديد التورس والفيوجن والايدج ماتنقرب .. علماً بأن أغلب سياراتنا في العائلة فورد وميركوري ..

في بالي الآن كخيار أفالون رغم أن مقدمتها كشكل ماعجبتني أبد وسعرها غالي شوي ..

السلام عليكم ورحمة الله وبركاته

والله يالغالي انا عن تجربة واقدر اقولك ولا احد يقدر ينكر هذا الشي
ان الفورد كراون فيكتوريا هي ارخص قطع غيار الى الان
صحيح ان شكلها قديم لكن صدقني ان ما اظن اي شكل يضبط عليها
وهي لها عشاقها محبين القيادة الكلاسيكية والمريحة
اضافة الى قوة تحملها واعتماديتها و وصيانتها السهله

اما ان كنت محب للكشخه والتطور انصحك ب الكوري وبالتحديد ازيرا 2012
صحيح هونداي تمادت في اسعار القطع يعني ما اقولك رخيصه
لكن مستحيل توصل مواصيل مثيلاتها
مثل : افالون ، التورس ، الماكسيما ، كادينزا
وتوفرها كبير بالرغم من انها جديده < عن تجربة الاخ
وقيادتها الراسيه وتصميمها الانسيابي والجديد وجودة صنعها يعني من جد ( تحفة )

ولو كنت حآب ان الشكل متواضع والداخليه برضو وقطع مقبوله نوعاً ما
عندك الاوريون قراندي روعه مواصفات وتحمل وماكينه


هذا ما لدي اتمنى اكون افدتك
و اتمنى ما تنسانا من صالح الدعاء في هذا الشهر المبارك
اعاده الله علينا وعليكم باليمن والبركات

والله الموفق ,,

كل السيارات الجديده عموما غاليه في تكاليف اصلاحها وكذلك قطع الغيار .

وانت الحكم

أمريكي ما راح تلقا و لا ياباني يمكن تلقا كوري ..!!

و الله اعلم و الحمد لله على سلامتك..!!

في الحقيقة كل السيارات قطع غيارها نار و السبب احداث اليابان