مشكلة كهربائية في اليوكون دينالي - عدادات الطبلون تطفأ فجأة

Denali07 @user_221680 · 06-08-2011

السلام عليكم ورحمة الله وبركاته

لدي مشكلة كهربائية بسيارتي اليوكون دينالي 2007 ومحيرتني من فترة وحبيت اشوف اذا سبق واحد واجه نفس المشكلة.

تفاصيل المشكلة:
السيارة: يوكون دينالي 2007 ماشي 50 الف كيلو (استعمال امريكي)

المشكلة تحصل بعض الاوقات وخصوصا عند السرعات بعد 80 كم/س ومن دون معرفة الاسباب او توقع متى ستحدث، وهي عندما تكون السيارة تمشي فجأة تنطفيء الكهرب عن السيارة وتنطفيء جميع العدادات والمسجل والنافيقيشن وتشتغل لمبة الاي بي سي والتراكشن وبعد 2-4 ثواني يرجع كل شيء بالسيارة طبيعي جدا من دون تدخل مني. علما ان المشكلة هذي صارت معاي تقريبا 4 مرات.
لاحظت ايضا ان المشكلة نفسها تحصل عندما اضغط فرامل واكشح نور عالي في نفس الوقت على السرعات العالية. جربتها ثلاث مرات وصار نفس الشي (اكيد ماهي صدفة).

ياريت احد يفيدني بالحل... هل ممكن تكون البطارية بدأ عمرها ينتهي لانها موديل 2007 ونا شاريه 2010 ولاغيرت البطارية من يوم اخذته.
افيدونا افادكم الله وابعد عنكم الاعطال الكهربائية والميكانيكية والحوادث وكل شر :c024:

الكنق11 @user_268050 · 21-12-2011

عندك مشكله كهربائيه

فيه فقد عندك , شيك على التسليك والظفاير ( لان فيه سلك مجروح ميه بالميه )

او البطاريه سعة امبيراته ماتتحمل وتبغى اكبر او اصابع البطارية تبغى تنظيف ..

شيك وموفق خيو

super_safari @user_201024 · 21-12-2011

مشكور يا عزيزي و لعلها إن شاء الله حل جذري.
وفقك الله

msiiii @user_209462 · 21-12-2011

s

super_safari

حياك الله أخوي msiiii و شكرًا على إفادتك الجميلة.
اطلعت على موضوعك:
http://www.assayyarat.com/forums/thread253102-2.html

لكن ما رديت , هل توصلت للحل؟

في تحديث للموضوع في المشاركة رقم 7

والي سويته انه فكيت مسمار السلك السالب الاسود الخارج من البطارية الى بودي السيارة ونظفت وكشط الحديد مكان المسمار والسلك ونظفته ببخاخ واحد مزيل الصدأ ومنظف الكترونيات ومانع للالتماس حسب المكتوب عليه هو نفسه البخاخ الثاني الي كاتبه في الصفحة السابقة. والى الآن لها تقريبا اسبوع او اكثر ما رجعت المشكلة حق انطفاء الطبلون والمسجل والمساحات الي فيها جن ولا حتى طفت السيارة.ووقت المشكلة كانت في اليوم حوالي 4 مرات تحصل والآن الحمد لله.
لكن الاساس والمشكلة القديمة انه مع فتح وغلق النوافذ تضعف اللمبات والكهرباء بشكل عام باقي موجودة.
والريموت ما يشتغل ولا يتبرمج .

super_safari @user_201024 · 20-12-2011

حياك الله أخوي msiiii و شكرًا على إفادتك الجميلة.
اطلعت على موضوعك:
http://www.assayyarat.com/forums/thread253102-2.html

لكن ما رديت , هل توصلت للحل؟

msiiii @user_209462 · 19-12-2011

نصائح للاخوان الي يعانون من نفس المشكلة.. ولصاحب الموضوع اذا رجعت المشكلة لا قدر الله.المشكلة تحصل كثير وحصلت معاي قبل اسبوع وانحلت ولله الحمد. واسبابها للاسف متعددة
ودائما نبدأ من ابسط الامور الى اكثرها تعقيد.
وطبعا قبل اي شي نتأكد انه البطارية والدينمو سليمين .
وبعدها والغالب تكون من اصابع البطارية مرتخية او عليها ملوحة وصدأ مثل ما ذكر الاخ ابو سند في الرد 17 وتنظيفها ببخاخ الكترونيات مثل
CRC QD Electrical Contact Cleaner او آخر اسمه mr mckenic all in one

واحيانا تكون من التوصيلات الارضية السالبة الموصلة في جسم السيارة مثل ما حصل معي كان مجرد تظيف مكان مسمار السلك الموجود يسار البطارية بمنظف الكترونيات مثل الي مذكور.والى الآن ما رجعت المشكلة حتى عزم السيارة اتحسن بفرق كبير .

واحتمال يكون التماس في احد الاسلاك وانشاء الله نبعد عنها لانها من اكثر الامور تعقيد في الكهرباء.

واحتمال آخر وهو جهاز اسمه (The Body Control Module) واختصاره BCM وحسب علمي موجود في اليوكون والسوبربان والتريل بليزر والانفويومكانه في الاغلب يكون اسفل المقعد خلف السائق ومن علامات تعطله ضعف او قطع عام في كهرباء السيارة وانطفاء الطبلون المسجل مثل ما ذكروا الاخوان واحيانا يحصل امور كثيرة غيرها مثل عندي المساحات الخلفية تشتغل لحالها او الريموت والنوافذ وقفل الابواب ما يعمل او تفتح لحالها وحلها بتغييره وبرمجة الجهاز الجديد.

وممكن واحد ثاني يكون حلها بامور غير المذكورة ولكن هذه اغلب الاسباب المعروفة واكثرها انتشار.

Denali07 @user_221680 صاحب الموضوع · 19-12-2011

صحيح اخوي كارتر
انا كنت اواجه نفس المشكلة وبعض الاعضاء خوفوني من الظفيرة لكن طلع المشكلة في البطارية بدأ ينتهي عمرها والاصابع مرخية مثل ما اتفضلت.
الله يبارك لك ويبعدنا ويبعد عنك المشاكل الكهربائية والميكانيكية.

كارتر @user_276938 · 19-12-2011

ياجماعة انا حصلت معي نفس المشكلة
مره ماشي على طريق سريع واعطي النور العالي وفجأة يفصل كل شي بالسيارة كأن مافيها كهرب العدادات فصلت والدرقسون قفل لمدة ثانيتين تقريبا
ومرات اكون ماشي داخل الديرة فجأة كل شي يفصل مدري وش السالفه
ومرات ابغى افتح السيارة بالريموت ماتفتح وافتحها بالمفتاح واحط المفتاح بالسويتش الا السيارة ماتدق كأن مافيه حياة بالسيارة وانتظر شوي بعدين تعود لها الحياة صراحة احترت مدري شسوي
قلت خل اشوف البطارية يمكن فيها شي وافتح الكبوت وألقى كيبل الموجب مرتخي تماماً لدرجة لو تنفخ عليه يطيح من اصبع البطارية واقوم واشده والحمد لله من يومها ماصارت المشكلة
فاللي تصير معاه المشكلة يشيك عالبطارية والكيابل
احسن مايروح لكهربائي وينصب عليه
صراحة كنت ناوي اوديها الوكالة والحمد لله اني ماوديتها لانهم مية بالمية راح ينصبون علي ويقولون كان فيها كذا وكذا علشان تدفع لك كم الف
على فكرة سيارتي يوكون ٢٠١٠
وشكررررراً

FireBox @user_233434 · 22-08-2011

اخووووي المشكلة صارت مع واحد اعرفة ...

المشكلة طلعت من البطارية ... البطارية الي كان مركبها الامبير حقها اقل من المطلوب تاكد من الامبير المطلوب او الصحيح من الكاتلوج او الوكالة وركب البطارية الصحيحة .....

كامري تسعاوي @user_65175 · 22-08-2011

المشكله حصلت مع اثنين من الشباب (اذا كشح بالنور العالي تطفى السياره والعدادت ترجع تشتغل عادي)
وطلعت المشكله بسيطه جدا ولا احد توقعها ((اصابع البطاريه )) غيرها وشوف تروح المشكله .. ربي يوفقك

GM_TAHOE @user_23867 · 22-08-2011

S

SS-Q8

السلام عليكم .. اخوي مشكلتك ليست من البطارية وليست دينمو وليست من الظفيرة

البطارية اذا فيها مشكلة السيارة ماتدق سلف لان البطارية ماتكون شغالة بعد تشغيل السيارة , الرك يكون على الدينمو
واذا دينمو السيارة فيه مشكلة تطفي عليك بالمرة ماتشتغل ولكن لا يمنع ان تفحص فحمات الدينمو وفيوزاته
واذا ظفيرة قد يكون التماااس ولكن الظفيرة سليمة ,, تحتاج نفض وايرات وبحث عن الواير الملتمس والي اتوقعه هو ABS sensor

والسبب ياخوي ان نظام الانغلاق ABS يشتغل بعد سرعة 80 عشان يحافظ على توازن السيارة في الطرق السريعة.. ومثل ماتفضلت بعد سرعة 80 تبدأ المشكلة وهذا دليل عند اشتغال نظام ABS يصير خلل بالسيارة وهو قد يكون التماس

مشكلتك حساسات ABS تحتاج الى تبديل , أو يوجد التماس في وايرات ABS
افحص البريك ABS بالكمبيوتر وشوف شنو يطلع لك وحرام تدفع مبلغ وقدره والمشكلة بسيطة. روح لأي فاحص بريكات وافحص عنده 4 حساسات وافحص جهاز ABS ومكانه تحت السيارة صوب مقعد السائق وبلغنا الله يعافيك في الي يصير معاك
هذا والله اعلم

كيف يشتغل نظام ABS بعد 80 كلم ؟؟؟ هذي اول اسمع ان نظام اي بي اس يحافظ على توازن السيارة اخي وظيفت نظام اي بي اس هي في الفرامل فقط وهو منع اغلاق الدسكات على الهوبات بشكل كامل مما يسبب انزلاق الاطار مما يسبب فقد السيطرة على نظام التوجية

الظاهر اخوي انت تقصد نظام مانع الانزلاق اللي هو نظام ستابلتي تراك هذا يكسب السيارة رساوة رهيبة ويمنعها من الزحف او الانقلاب ويعمل هذا النظام من سرعة 30 تقريبا وتشعر فيه من بعد اول تحريك للسيارة من بعد تشغيل السيارة..

واخوي صاحب الموضوع قال انه يبو ان المشكلة انتهت لديه

qateef @user_210556 · 21-08-2011

شيك على ااصابع البطارية

SS-Q8 @user_136096 · 20-08-2011

السلام عليكم .. اخوي مشكلتك ليست من البطارية وليست دينمو وليست من الظفيرة

البطارية اذا فيها مشكلة السيارة ماتدق سلف لان البطارية ماتكون شغالة بعد تشغيل السيارة , الرك يكون على الدينمو
واذا دينمو السيارة فيه مشكلة تطفي عليك بالمرة ماتشتغل ولكن لا يمنع ان تفحص فحمات الدينمو وفيوزاته
واذا ظفيرة قد يكون التماااس ولكن الظفيرة سليمة ,, تحتاج نفض وايرات وبحث عن الواير الملتمس والي اتوقعه هو ABS sensor

والسبب ياخوي ان نظام الانغلاق ABS يشتغل بعد سرعة 80 عشان يحافظ على توازن السيارة في الطرق السريعة.. ومثل ماتفضلت بعد سرعة 80 تبدأ المشكلة وهذا دليل عند اشتغال نظام ABS يصير خلل بالسيارة وهو قد يكون التماس

مشكلتك حساسات ABS تحتاج الى تبديل , أو يوجد التماس في وايرات ABS
افحص البريك ABS بالكمبيوتر وشوف شنو يطلع لك وحرام تدفع مبلغ وقدره والمشكلة بسيطة. روح لأي فاحص بريكات وافحص عنده 4 حساسات وافحص جهاز ABS ومكانه تحت السيارة صوب مقعد السائق وبلغنا الله يعافيك في الي يصير معاك
هذا والله اعلم

Made for ksa @user_184992 · 12-08-2011

الله يسعدك ويبارك لك فيها ويعطيك من خيرها ويكفيك شرها .. اليوكن سيارة المستقبل لي بإذن الله .

Denali07 @user_221680 صاحب الموضوع · 11-08-2011

السلام عليكم
اخر اخبار المشكلة
بعد تنفيذ جميع نصائح الأخوة الاعضاء، قمت امس بعمل اختبار تجريبي قاسي للسيارة. ماخليت اي شي في السيارة الا وشغلته بالاضافة الي أني شبكت شاحنين واحد يشحن اي فون وواحد اي باد، وشغلت جميع دفايات المراتب علي الاخر والمكيف الخلفي وانوار الضباب والفلشر والنافيقيشن والمسجل الخلفي ومثبت السرعة وكل شي ممكن يسحب بطارية ومشيت بالسيارة مشوار ساعة ونص بسرعات مابين عالية ومنخفضة مع كبس عالي وفرملة قوية والحمد لله الوضع جدا طبيعي ولا طلعت المشكلة.
احب ان اجدد شكري لكل من اتحفني برده ومشورته. يعطيكم العافية جميعا ولاحرمنا الله منكم.*

فزاع 20 @user_238555 · 09-08-2011

اخوي صارت عندي نفس المشكله في يوكن 2001 فل اوبشن وليس دينالي واستهترت في الموضوع شوي حتى أنني كنت مسافر أحد الأيام ليلاً وفجأة تطفي السيارة وانا ماشي 140 تقريباً ثم تشتغل بعدها واصلت المسير لأني كنت متأخر في الليل وأهلي معي ؟ وباقي عن مدينة الطائف حوالي 90 كيلو وصارت معي المشكله حوالي 3 مرات ؟ بعدها قالوا لي الأهل نحس ان فيه ريحة حريق وقفت ودورت أي اثار للحريق ولكن لم اجد شيء؟
الحمد لله وصلت للطائف ومن اليوم الثاني رحت لورشة ( الدولية ) كهربائي فلبيني اسمه ( اتوي ) رائع ولكن مشكلته انه مايداوم بأستمرار ( يشرب الماخوذ) بعدها شيك على السيارة وقال لي المشكله في الظفيرة اللي في الطبلون فك الطبلون بــ1500 ريال وركب لي ظفيرة جبتها من التشليح بعد مادخت لين لقيت ظفيرة ؟ وقعدت السيارة في الورشة شهر كامل ؟ أتمنى من الله ان لا تكون مشكلتك ظفيرة لأنها بصراحة معقدة وشغلها صعب ويادوب تلقى ظفيرة ( عموما كلفتني حوالي 4000 ريال ) علاوة على التأخير في الورشه ولكن المهندس (اتوي ) رائع بكل ماتعنية الكلمه

Denali07 @user_221680 صاحب الموضوع · 09-08-2011

مشكور اخ محمد على السؤال
سوينا كل النصائح اللي شارو بها علينا الإعصار الكرام. أخذت مشوار بالسيارة وكل شي يبدو طبيعي لكن المشكلة ان الدنيا زحام هذي الايام في كل مكان حتي الخطوط السريعة فماحصل لي أني اجرب السيارة علي نفس السرعة اللي ظهرت فيها المشكلة. لكن ان شاء الله تكون مشكلة عارضة.
اكرر شكري لك ولكل من شارك في الموضوع لا حرمنا الله منك ومن جميع اعضاء المنتدى.

محمدالعوض @user_267479 · 09-08-2011

بشر صلحت السيارة ؟

،،،،،،،،،،،،،،،،،،،،،

فيق @user_23374 · 09-08-2011

اول شي تأكد من البطارية .. يمكن صاحب السيارة اللي قبلك مركب بطارية صغيرة فما تلحق .. و شيك على الدينمو .. في جهاز يفحص لك البطارية و الدينمو و يعطيك برنت فيها ..

اذا ما فاد .. افحص السيارة بكمبيوتر tech2 و يبين لك وين المشكلة ..

و الله الموفق ..

Denali07 @user_221680 صاحب الموضوع · 08-08-2011

بجرب وان شاء الله يكون الحل على يدك. شاكر مرورك ومشاركتك.