السلام عليكم
مبارك عليكم الشهر
باقولكم قصتي باختصار شديد
انا كنت ابحث عن سياره العمر او سياره احلامي
دورت وبحثت وقلت خلاص ماني ماخذ الي كوري يا سوناتا او ازيرا
بعد ماشفت سعر الاكورد با 120 الف
كرهت شي اسمه ياباني
والي حببني فيها مواضيعكم كنت من زمان ادخل اول باول ومن المواضيع حسيت انها لكزس مو هونداي
المهم واحد من الشباب شراها
وجربتها
امم السياره حلوه بس السلبيات الي حصلتها
السياره مو راسيه كللللللش انا انصدممت لما مشيت 140 كلم على طول خففت والله خفت
لان الطاره امسكها السياره لحالها تروح يمين يسار << اول مره اشوف سياره كذا
امم البانوراما انواع الطقطقه بس ماتزعج يعني صوت خفيف
بس وانا اجربها فتحت البانوراما جيت باسكرها اختربت وعلقت
ماهي راضيه تسكر قلت ايييه هذا الي ماحبه
امم في الظهر حتي وانت مسكر البانوراما تحس باحراره فوق راسك
المكيف عااااادي جدا لما توقف صير بس هوا واذا مشيت يبرد مع ان برودته عادي اشوفها مو مثل الشكل القديم ثلاجه
البريك امم اشوفه عادي يعني ماجربت اضغطه باقوه
الجلد عاااادي يعني لما تركب الظهر ماتقدر تجلس من حرارته
هذي ملاحظاتي عليها باشكل عام
السؤال الي كان يدووور في بالي والحين حصلت له جواب
هل السياره تستاهل 100 الف لا
السياره مواصفاتها عاليه ومستحيل تحصل مثلها في الوكالات الثانيه
بس انا مابي اشتري مواصفات وفي الاخير تنقلب فوق راسي
في ناس باتقولي الضمان انا والله شاري سياره جديده علشان اجلسها في الوكاله ولا استخدمها واستانس فيها
السياره اول ماركبتها مع كل المواصفات الي فيها مادري ماحسيت نفسي في سياره با 100 الف ريال
بعكس الاكورد لما ركبتها حسيت باكل شي في السياره صحيح ناقصه مواصفات كثييييير بس جودتها تذبحني
ومشكلة الكوري اذا شريته وكاله وتاكدت ان كلامي صحيح 100٪ وانك ندمان
ماتقدر تبيعها لان بينزل من سعرها كثيير
فابتصير عضمه في حلقك لانت الي قادر تبيع ولا انت الي متهني فيها
في الاخير اصحاب السوناتا لاحد يزعل من كلامي بس انا يوم جربت السياره قلت يمكن عيب مصنعي
بس كمان جربت سوناتا ثانيه ونفس الملاحظات الي حصلتها في الاولى حصلتها في الثانيه
علشان كذا انا مقتنع من كلامي والي اكدلي المواضيع الي قريتها هنا
وقبل كل شي ابشركم قدمت على افلون ليمتد وكاله
ادعولي ان الله يبارك لي فيها وان الله يوفقني في دراسي
وانا ماكتبت هل موضوع الي عشان الي بيشتري يكون علي بينه باكل شي
نسمع ردودكم
