تبادل خبرات واستفسارات لكل ملاك فورد ( ايدج )

السلام عليكم ورحمة الله وبركاته

يشرفني الانضمام لكم

أخواني الحمدلله أخذت أمس سيارتي الايدج 2011 ليمتد1 دفع رباعي

بس واجهت مشكلة في الشاشة ياليت واحد يعلمني كيف أتعامل مع الشاشة لني بصراحه ماعرف شيء فيها (مايعرف انجليزي:c0038:) ودي أعرف كيف أغير الوان والأشياء المميزة الثانية
ألي اعرفه في الشاشه هو المكيف والمسجل (fm و الكست بس) و توصيل الجوال بالسيارة بس

وشاشة الطبلون حكايه ثانيه ماعرف لها بعد بس اعرف كيف ابدل الشكل الي فوق مثبت السرعة

الشيء ألي قاهرني بعد ماخذتها من الوكالة سألت واحد بالمعارض يقول توني شاري مثلها ماشيه 9000 كيلو مافيها شيء 110000ريال بس
يعني ان سعرها يطيح بمقدار ثلاثين ألف ريال من يوم طلعها من الوكاله شيء يقهر من جد:blue:
الله يعوظنا خير إن شاء الله

اخوي oussi بالنسبة للاوامر الصوتية مشكلتها اللكنة ويبي لها تمرين شوي واذا توهقت في الاوامر الصوتية قول what can i say وت كان اي سي ( ماذا استطيع ان اقول ) راح تطلع لك لستة بالاوامر الصوتية المهمة بالشاشة واختار الامر الي تبية وقولة وتقدر تتابع الاوامر بالشاشة وهو راح يعلمك طريقة قول امر معين ..

مثلا طريقة تشغيل المكيف تقول climate كليمت
وهو راح يقول say command
وانت راح تقول on او rcyc on او max a/c طبعا 10 الاف امر يبي لها وقت عشان تتعود عليها وتقولها صح وبالنسبة للارقام يبي لها وقت عشان تتعود على نطقها بالطريقة الواضحة ومشكلة الارقام موجودة في اكثر الاوامر الصوتية للسيارات مو بس الايدج ..

وبالنسبة لاحوي zezo نعم موجودة و تقدر تتدور عليها في ebay واتوقع تحصلها في جرير وفي اكسترا

ايه اخوي انا مركبة ب 1750 عن طريق معرفة بس هذا يعني انه مبالغ فيه بالسعر هذا 2500 على شان كذا قلت انبه الشباب انه الموضوع فيه اخذ ورد والله من وراء القصد ..

والله ممكن يكونون نزلوا بالسعر :c0214:

مبرووووووك الله يعطيك خيرها ويكفيك شرها ,, انا سيارتي بتطلع اليوم ان شاء الله

بس حبيت اسئلك اخوي الزينون انت مركبه بــ 1750 !!

لاني انا سائل عنه وقال لي الموظف انه بــ 2000 مدري 2500

الله يبارك في عمركم جميع وجزاكم الله خير ..
انا لما قلت اعجبني الاكسبلورر مو معناته انه الايدج ماهو عاجبني. بالعكس والله ما اقولها اجامل على حساب راحتي او على حساب من يبحث عن المشورة، في وقت هو محتاجه وهذا ما يميز التجارب انها تكون مجردة من تعصب للسيارة..

- نذكر ما يميزها وبعد سلبياتها على شان نلقى حلول اسئلكم بالله بدون تعصب ونبي نستفيد ونفييد

وهذي صورة الشنطة والشبك اللي جات معا السيارة وتوني انتبه مكتوب عليها لنكولن !!


ايضا اليوم علق معاي المسجل !! ): :c0038:
من ثاني يوم الله يستر و انا على الطريق بعد ما كنت شابك الجوال بلوتوث ولا فك التعليق الا بعد ما وقفت السيارة وطفيتها عند البيت قلت خلني اشوف باقي معلق رجعت شغلت اشتغل بدون مشاكل ايضا انا دوامي خط كل يوم رايح جاي 110 كم ما حسيت بالهوا اللي معا المرايه اللي يقولوا عليه الشباب بالعكس اشوف العزل ممتاز ولا تضايقت منه والمكيف والله اخليه على اقل شي وبارد ماشاء الله مدري لان دواامي ليل يمكن !

-جربت الاوامر الصوتيه جدا سهله ما حسيت بصعوبه بالتعامل معاه او عدم استجابة :ch19:

- يومي عند الوكالة سألت الموظف اذا فيه تحديث جديد قال مافي ولو في انت حدث بدون ما تجي الوكالة قلت له يخوي اخاف تصير مشكله وابلش قال لا عادي وسهل ؟ :c0214:
- بعد بغيت اسئل اخوي فاير انا جوالي جالكسي 2 هل فيه وصلة زي الايفون فيها av ?

اقول ياقمر
بخصوص الاوامر الصوتية
قاعد اقول فون
بالاول كانت خويتنا تقولي فون ساي كومند
الحين اطالع في الشاشة بعد ماقول فون يكتبلي سكسس وتسكت :(
وش السوات ؟؟

الف الف مليون مبروك ياقمر
وتستاهل كل خير
ويعطيك خيرها ويكفيك شرها ان شاء الله
والله انا انفشخت بالزنون ركبته ب 2300 :blue::blue:
انا اوريك فيهم اليوم بتهاوش معهم
بالنسبة لشنطة الاسعافات ياليت تحطلها صورة اوضح لأن انا ماطلع عندي شنطة اسعافات ولا الشبك حق الطفاية :blue:
وترا اختيارك للأيدج افضل بمراحل من اختيارك للأكسبلورر لاتندم ياقمر بالعكس سويت عين العقل انك اخترت الايدج
ومبروك مرة ثانية

هلابك اخوي ...

ابد ما يبي لها كلام ودها الوكالة يفحصون الكاميرة الخلفية والشاشة و اتوقع المشكلة بسيطة برمجة

وتنحل المشكلة .....

^^^^^^^^^^

مبروووووووووك على جوهرة فورد ويعطيك خيرها ويكفيك شرها ....

وياليتك مصور الاكسبلورر كان صار صفق صحفي لك و استمتعنا بالصور .....

قولوا ماشاء الله تبارك الرحمن ... ولاحظو شنطة الاسعاف والشبك



ابشركم تم استلام السيارة امس في الليل والسيارة ماشاء الله تبارك الرحمن من ابدع مايكون



وصراحة اشكر جميع الاعضاء على تفاعلهم في طرح التجارب

خارج الموضوع اللي خرب علي صراحة في يوم الاستلام شفت الاكسبلورر واقف يجهزونه صراحة روعه وتمنيت اني تأخرت شوي واخذته مع اني والله مبسوط من الايدج جداَ وطلع فوق توقعاتي وقالي الموظف ان الاستاندر فوق 133 والله مبالغة بالسعر غير طبيعية اضف لذلك ياشباب ترى الزينون فيه اخذ ورد ولا توقف عند السعر اللي يقولون ترى مركبة 1750 من خلال الموظف

مبارك يالحبيب

بس أنا عندي مشكلة ملاحظه إن عند وضع القير على الرجوع للخلف تأتي صورة الكاميرا ولكنها تقلب زي التلفزيون أو إريل زمان ومن ثم تثبت ، وأحيانا أضطر لإعادتها للـN ومن ثم أرجعها للـR

دمت بخير واعتذر عن تأخري في التهنئة

الله يستر عليك ويوفقك ويبعد عنك كل سوء
افضلك انك تحجز بالوكالة وتشيك عليها
ونصيحتي لاتقولهم انك سويت وزن هوا ولا شي برا
قولهم الصوت طلع فجأة وريح راسك
هم يبون اي حجة علشان يقولولك ليش سويتها برا الوكالة راح الضمان
خليك في السليم وريح راسك ياقمر افضلك

بالتوفيق

ربي يعافيك ويسعدك ويبيض وجهك ومشكور وكلكم فيكم الخير والبركة

Fire Box ايدجاوي كبييير ماشاء الله عليه من غيره كنا حايسين وربي يعطيه الف عافية

خخخخخ حلووة
يعطيك العافية وموفق