السلام عليكم ورحمة الله وبركاته
اخواني كل عام وانتم بخير
عندي فورد قراند ماركيز 2003 فيه رجه 99% انها بالقير صار لها تقريباً 8 شهور لاني تعبت من نصب اهل والورش واحد يقول بالعمود واحد يقول كراسي القير ...إلخ
الرجة وانا ماشي بسرعة فوق 80 تجي خفيفه لحظة وتروح كأنك داعس على عيون القطط وانت تمشي 300 :a120(115): ام الوصف , رحت ورشه للقير فيها سوري قال عندك الطنجرة وهذي بتكلفك 1000 ريال كامل العملية وضمان 15 يوم وكأني اقتنعت بكلامه بعدين قلت لا وسافرت بالعيد بعد ما رجعت للرياض رحت ورشه ثانية وقال افحص السيارة كمبيوتر وبين معك المشكلة قلت وين نفحص قال عندي المهم فحصت عنده قال عندك كلتشات القير وهذي يبلها توظيب بتكلف 2000 ريال كامل العملية وضمان 3 شهور .
يا اخوان اللي يعرف المشكلة هذي ويعرف حلها لا يبخل علينا تكفون والله اني تبهذلت وخايف من نصب الحرامية وخراب سيارتي
* ملاحظة
نصحني احد اصحابي بتغيير الزيت وفعلاً غيرت الزيد والفلتر واختفت المشكلة وبعد 20 يوم رجعت
