نصيحة من مجرب مازدا ٣ موديل ٢٠٠٧، وبعدين بعتها لانها رفعت ضغطي، في البداية هي سيارة جدا رائعه، ولا تحس كانك راكب ياباني، شكلها جدا حلو، ورساوتها جدا فضيعه، بس يعيبها يا اخي القير مالها يرفع الضغط، قيرها من اسوء القيرات في العالم، لان نوعه cvt وهو فاشل بمعنى الكلمة، نصيحة قبل لا تشتريها، خذ اجار وشيك عليها اذا عجبك تسارعها خذها واذا ما عجبتك وفرت فلوسك لسيارة ثانية، بالتوفيق
وعليكم السلام و الرحمة
السيارة مصنوعة في اليابان و للك فهي تتمتع بجودة ممتازة
و كثير من الناس يقول انها ثابتة في الخط و مستوى الرساوة عالي
قطع الغيار حسب ما سمعت انها متوسطة
مو رخيصة مثل الهونداي و لا غالية مثل الهوندا
و اعتقد ان مواصفات الاستاندر انها فل تماتيك
يعني النوافذ و القير و المرايا كلها تماتيك
وباقي المزايا عادية .. كالمسجل العادي و مكيف عادي
وصراحة شكلها حلو كثير و شبابي ومميز في الشارع
السيارة من الداخل : الجهة الأمامية واسعة و مريحة لكن الجهة الخلفية ضيقة نوعا ما
الشنطة واسعة ؟
