وعليكم السلام ورحمة الله وبركاته ،
طلبك مستحيل يابعدهم ، الونيتات ارتفع سعرها حتى المستعمل منها ،
فيه ونيت من انتاج مصانع نيسان بالصين بس ماعليه علامة نيسان ، شكله يشبه تماماً الددسن ، وكيله الرستماني بالإمارات ويقال ان الوكيل افتتح فرع بمخرج 17 بالرياض ولا أدري عن صحة المعلومة ،
غمارتين ، قزاز كهرب ، دركسون هواء ، ريموت كنترول ، ابيض داخلي رمادي ، بسعر 43 ألف ريال فقط لاغير !! جديييييد بقراطيسه .
سمعت معلومة مو متأكد منها ان قطع غياره نفس قطع الددسن !
يكلمني راعي معرض يقول اشتروا منه كمية مزارعين من شقراء والاحساء ولا اشتكوا منه حتى الآن ،
تلقاه بمعرض التويجري بحي النسيم ، تخلي معرض الصقر على يمينك وانت متجه شمال لطريق خريص ، يجيك المعرض على يدك اليمين .
لاتنسى صلاة الاستخارة :)
