السلام عليكم
اخواني بعطيكم السالفه
وارجو منكم المشوره لاني في حيره من امري
قبل شهر ونص حجزت اكسبلورر 2012 اكس ال تي وطلبت فيه بعض المواصفات مثل مراتب الجلد والزينون واللون اللولوي والديفي دي وطلع سعره 160000 وكسور وانا الى الان انتظر توصل الشحنه
والحجز كان ب 3000 ريال
لكن المشكله الحين احس اني قمت اميل للجراند شيروكي اوفر لاند
قيمته 161 الف يعني قريب جدا من قيمه الاكسبلورر
ويوم قريت عن مواصفاته لقيته يفوق الاكسبلورر بكثير منها قوة الاحصنه اللي يعني عدد احصنه الاكسبلورر 290 حصان والجراند اتوقع مومو متاكد انه حوالي 360 حصان وهاذي مب سهله يعني قريب ويوصل عند الباترول في عدد الاحصنه 400 حصان
غير كذا داخليته عجبتني كثير واللي يميز الاكسبلورر عنه من وجهة نظري ماي فورد تتش ونظام السنك والشكل الجديد للاكسبلورر
ابي رايكم يا اخوان
هل اخذ الاكسبلورر وانتظر
ولا اكنسله واخلي الثلاث الاف تروح واخذ الجيب
بغض النظر عن وكيل الجيب انا عارف ان وكيل الجيب المتحده ازفت وكيل بالسعوديه وما عنده سالفه وعارف ان قطع غيار الجيب غاليه وغير متوفره بكثره
لكن انا ابي اتكلم عن السياره فقط
وش رايكم تكفون والله اني محتار وطول الوقت افكر
