هدد 2011 وارد اليحيى

اسمع ياحبيبي الناس تطلع الدرج وحده وحده من تحت
محد يطلع الدرج من فوق
حبيبي اذا ناوي جيب يروح يشتري vxr نظيف موديل 1997 اذا ملزم على الجيب
غير كذا اكسنت سوناتا كامري على الذمه وفوق كذا يبقاله شي يتصارف منه احسن مما انه يكشخ بجيب قيمته ربع مليون ولاهو قادر ياكل عيش
مثل ماقالو مدر رجليك على قد لحافك ابركلك والقناعه كنز لايفنى

وشي الهدد ؟

هدد = ؟

يبي هدد عشان تعلق دواسة البنزين ويهد في احد الاشارات

250 يشتري فيها شقة بدل الاجار ,,, ياخي خانتني العبرة حتى لو عنده شغله ثانية يعني كم راتبه بالشهر 15 الف مثلا ؟؟؟ لازم يعيد النظر مرة واثنين

السلام عليكم

الاخوان ماقصرو واتفق معهم
كذلك لااعتقد انه سيجد شركة تعطية سيارة مثل هذه بهذا الراتب فالشركات ليست جمعيات خيرية
الطريقة الوحيدة هي جعل شخص راتبه اعلى يشتري السيارة وهو يسدد عنه ( وهذا ما اتمناه لايورط خوية بالاقساط )

وش فيكم على الرجل
يمكن يبي جيب علشان يهرب عليه شي
...
ياصاحب الموضوع والله العضيم ان صاحبك سوف يسئل عن ماله فيما انفقه
لعنبو داراه الناس مو لاقيه بيت تسكن فيه وهذا يبي جيب سياحي بـ 260 الف !!!!!

اخوي فيه شركات تقسيط تشتري لك اي سياره حتى لوكانت مستعمله بنظام التأجير المنتهي بتملك
شركة اليسر شركة متاجر للتقسيط شركة البيت السعودي للتقسيط شركة الوطنيه للتسقيط
والبنوك الاهلي الرياض العربي الراجحي معليك الا الاتصال على الهاتف المجاني واختيار سيارات للتاجير ويرد عليك الموظف ويسلك عن راتبك والتزامات الي عليك ويشوف كم تدفع دفعه وكم القسط الشهري ويطلع لك مندوب للمعرض الي تبيه ويشترون لك السياره
اتمنى اني وافيتك بالمعلومات المطلوبه

.
.
.
متاكد هذا راتبه ؟!! ويبغى هدد ؟؟؟
ولا عنده مصدر دخل اخر يفي بالغرض ؟؟؟ والوظيفة هذه مجرد تحصيل حاصل ؟؟؟

:a1120(82): اي والله انك صدقت ... مع الاسف نذبح نفسنا بالحيا بس علشان نهايط قدام الناس ....


ذكرتني بمقولة واحد من عيال ال صباح (ولد شباب في اوائل الثلاثينات من العمر)

يقول انا (ال صباح) لو البس ساعه تقليد ام 10 دنانير كل الناس راح تقول عنها انها اصليه!
وانتوا ياعيال الفقر لو تاخذون قرض ودين 10 سنوات قدام عشان ساعه رولكس كل الناس راح تنظر لك انه ساعتك تقليد!!!


ياصاحب الموضوع ..... النصيحه لا تخلي خويك ياخذ سياره بالقيمة هذي اللي ممكن تعسر حياته 7 او 8 سنوات قدام والسبب دين!!!
ياخوي انصحه يشوف له سياره مستعمله (او حتى جديده) بس مايتعدى سعرها 50 الف ريال


والله حرام ....
واذا هو معزم يدفع 250 الف يروح يشتري له بيت افضل بـ مليوووووون مره من سياره!

الي يناظر فوق تنكسر رقبته


ياخوي وشله وش للهدد اولا مدام راتبه قليل حنا شعب ذابحنا الهياط


ثانيا احط 250 الف في جيب لا وتايوتا عشان اعجب الناس واقولهم ان معي هدد

ياخي اذا بتحط 250 الف شفلك موتر فخم يريحك وماعليك من الناس

يوم راتبه 4600 وراه يشري هدد فوق طاقته بكثير بكثير بكثير الي رواتبهم على 20 ما شروه ,,, لازم يعيد التفكير :: مد رجليك ع قد لحافك :: والسلام عليكم

طيب القرض بيعطونه 190 الف على هالراتب؟ واليوم رحنا لشركة اليسر طلعت علينا السياره 262الف مقدم 70 الف وقسط 2700بغا يغما عليه خخخخخ