بي ام والعشق الازلي

عني انا نفس حالتك...لمن الحمد لله توفقت..

يوم تخرجت من الثانوي امتلكت سيارتي البي ام الفئة الخامسة 2002..

وما اخفيك كنت اشيل هم واوسوس واخاف شي يخرب بالسيارة..

لاني تعرف عايش عالمكافاة والوالد الله يحفظة اذا السيارة طلبت كثير يبيع..

اذا تبي تشتري لازم تعرف تدبر نفسك مع القطع الغالية..وتدور هنا وهناك طبعا يبيلها وقت

مثلا.. جيت مرة لقيت شخص صفق المراية وصارت مخلخة.رحت كذا محل قالو تغير.

قيمتها 3000 ريال لفيت الصناعية لقيت مستعملة 800 ريال..لفيت كذا ورشة الين حصلت

واحد فنان فك الغطا حقها وقعد يلعب بالمفك والزرادية وصحلها ب 15 ريال !!!

وخذ مثلا لديتر قيمة 2200 ريال ..تغيرة على مية الف..فرامل 1150 ريال كلها تمشيك خمسين بالقليل..دينمو 1800 ريال .

لكن عندك الهوبات 800 ريال للواحد لكن عمرة طويل ..مساعد قيمتة 1600 ريال للواحد

تغيرر الزيت مع الفلتر كل 5000 ب 300 ريال.

ولاحظ ان الفئة الخامسة يجيك كفراتة رن فلات..قيمتة حول ال 2500 ريال..

صاحبي يبي يغير كفرات طلعت قيمتها حول ال 10000 ريال !! انخبل..

رحنا دنلوب حصلنا نفس مقاسة 17 قيمة 450 للكفر ياباني اصلي وممتاز جدا..بس طبعا مو رن فلات.

بسيطة ..450 ضرب 4 = 1800 ريال

اشترا جنط مستعمل وخلاة استبنة بالشنطة ب 1000 ريال بكفرة..

المجموع = 2800 .. بدال 10000

هذي قصدي بمعنى دبر نفسك..

اتنمى الجميع يستفيد من قلتة فوق خصوصا ان الغاليبة يقولون اننهم يدفعون حول 2000 ريال للكفر..

ونصيحتي لكن طلع سيارة عادية ودعس فيها وهربدها وطلع الي براسك فيها بعدين خذلك بي ام عشان تهتم فيها وراسك يكون رايق.

شكرا

انا شاري كفر بريلي حق الأودي A6 مقاس 19 و ب 2400 ... و زي ما قال الي قبلي اركب كفر مدري وش اصله ع سياره غاليه,, ( وش أحس فيه )...

و نصيحه كانك تبي تكشخ , اكشخ على سياره فتح رجلك .. بهذله الورش ترى تكرهك ب السياره والساعه الي اخذتها فيها ...

اعتقد ان الخيار الافضل لو رغبان في بي ام هو BMW 3 SERIES
ماعرف عنه كثير بس اعتقد قطعه بتكون ارخص بحكم انه فئه اقل من الخامسه

:)

الله يرزق كل من رد بي بي ام 2011 يارب واللي ما رد بي اكسنت }}}}خخخخخخخخخ يارب

لا بلعكس حبيبي واشكرك على ردك وتجربتك بس انا والله اعشق البي ام بس ما اعشق الورش:a1120(121):

والله الموفق وبصراحة قصتك ماساوية و الله يوفقك ويرزقك بي بي ام 2011 760 يارب

الله يوفقك اخوي وعلى فكرة ابوي مدير كبير بشركة يقدر يشتري بي ام او مرسيدس لاكن معاه لنكون موديل 2000 و يقول الفلوس اللي ابشتري فيها سيارة بذيك القيمة اخليها لك ولخوانك

يا الغالي انا كفرات سيارتي يوم شريتها ميشلان

الواحد الخلفي ب 2100 ويوم ركبت اللي تقولي عنه كوري وموعاجبك

اختلفت السياره في راحتها وليونتها العبره في الكفرات مو سعرها وصناعتها

انا ماقلت لك ركب صيني والا تايلاندي الكوري افضل جوده من الياباني

وكذا والا كذا منو اللي بيأمن في كفرات لاكثر من سنتين

انا من 18 سنه الى يومك ما اركب الا كوري ولا اشتكيت منه بغض النظر عن السياره

لان الكفر ماله دخل في نوعية السياره ولايغرك نوعية الكفرات اللي تجي من الوكاله

هذي صفقات بين الوكالات و وكلاء الكفرات

اما الفلات هذي نوعيه قاسيه جدا والحمدلله حنا مو مقطوعين من المحطات في الطرق

ولا ينحد عليها الى اللي سياره تكون بدون سبير

آنتبه ياخوك لاتوهق نفسك السياره ممتازه لكن برضو قديمه ومستعمله يعني عرضه للاعطال بشكل كبير ،، نصيحتي لك ابعد عنها واشتر وكاله سياره صغيره احسن لك وبلاش وجع الراس واذا على انها ماتسوى ومو من المقام ،اعرف ناس كثير وزملائي رواتبهم على 15 & 20 وعندهم فلوس ماشاء الله وسيارتهم عاديه جدا فورد وجمس، ويعلم الله اني كنت بحس بنفس شعورك لمن دخلت الجامعه لكن الحمدلله مشيت حالي بفورد وبعدين طفشت منه واشتريت كابريس غزاله واحلى وناسه ولمن تخرجت اعطيته اخواني والحمدلله الان وضعي المادي يسمحلي اشتري بيت مو بس سياره ماشاء الله ،،
الله يرزقك ببي ام وكاله من حيث لاتحتسب ويرزقني بلي اتمنا يارب

^
^
عندي الاكس 6 الفلات تاير الدنلوب ب 2200 والبريلي ب 2800 وجنطي 20
والكفر العادي موش فلات تاير ب 1850 !

الوالد 740 بريلي ب 3800

اما اني بركب ع سيارة قيمتها فوق ال 300 الف كفر كوري .. ما تدخل مخي

اليوكن مغير كفره قريب قوديير ب 800 !!!

مدري الصراحه من وين جبت الكلام ذا اتوقع قلة خبره منك وتمشي على كلمه يقولون

انا معي اكس فايف وشاري كفرين خلفيات وتعرف مقاس الجنط 20 وتعرف ايضا عرض الكفرات كم

شاريهم الواحد بملغ 780 ريال ونوعيه كوريه ومعروفه ولينه وسرعه مفتوحه هانكوك





يا اخي هذي الفئه الخامسه مو السابعه 760 حقت فرفره وسفريات زيها زي الاكورد

تحافظ عليها تمشي معك وفيه اشخاص يسافر سفريه وحده يعدم السياره فيها

وناس تكد سياراتها فرفره وسفريات ولايجيها شي اهم شي الصيانه الدوريه لاي سياره كانت

والبي ام الفئه الخامسه نفس او ارخص من ناحية قطع الغيار من الاكورد


يا صاحب الاعلان نصيحه تبعد عن السي 300 تاريخها سيئ مقارنه مع البي ام

وعليكم السلام ورحمة الله وبركاته ....

أخوي أنا مريت بنفس الوضع وكانت معاي 45 ألف ريال تقريبا ....

طبعا أعشق العلامة الزرقاء لدرجة تفوق الجنون لدرجة إني أتحلم فيها بشكل شبه يومي !!!

كانت عندي 3 إختيارات إما سيارة صغيرة جديدة ( أكسنت - صني ... إلخ ) أو سيارة عادية

مستعملة ( ألتيما - مازدا 6 - ليجاسي - أزيرا ) أو بي إم مستعملة السابعة أو الخامسة

موديلات 1999 - 2003 لكن قلت لو ماشتريت بي إم راح أوسوس ويمكن تضيع دراستي

وأنا أفكر فيها طبعا ماقدرت أقاوم عشقي الأزلي واشتريتها وكانت أجمل لحظة في حياتي !

الوالد ماكان عنده مانع أي وحده فيهم لكن أنا أتحمل اللي يجيني :smile:

سألت ناس مجربين كثير ومعظمهم ( إن لم يكن كلهم ) نصحوني أبعد عنها
( طبعا قاعد أستشير حتى ألقى أحد يقول لي إشتريها :smilie16: ) ....

كنت أضحك على نفسي وأقول المكافأة راح تمشيني معها لكن المكافأة لو خليتها كلها لها
ماكفتها
، تقريبا 400 ريال تروح بنزين ( التانكي تقريبا بـ 60 ريال ) تكفيني تقريبا 4 أو 5 أيام

طيب الكفرات ؟ الهيدروليك ؟ الزيت الثمان علب ؟

يوم إنقطع سير المكينة وقطع سير المكيف معه وكسر بكرة طرمبة الماء

وعفت بكرة المكينة وكلفتني 920 ريال ، خربت جلد البلوف وتصليحها بـ 4150 ريال ،

خربت الهيدروليكين الكهرباء اللي قدام وقيمة الواحد 1800 ريال ....

النتيجة إني بعت السيارة بعد 4 أشهر تقريبا والآن بشتري أكسنت :mad1: !!!

لكن بصراحة ماندمت لأني أنا اللي جازفت وانجلدت وبعتها :bigggrin:

طبعا كانت السياة نظيفة جدا ... والحين كل حيلتي إني أردد :

من سره زمن ساءته أزمان :bigggrin:

طرحي لتجربتي للعبرة والنصيحة ....

لكن تخلص الجامعة وخير إن شاء الله :bigggrin:

وآسف على الإطالة .....

يا اخي والله البعثة حلوة بس انا رجال ما اقدر اصبر على فرقا امي وابوي والمشروع اخاف اخسر خلينا بالمضمون احسن

تـبي رآيي وتـًصير ذًيب : ..


لـيه بـ الـ 55 الف ، مآتدرس برآ ؟

عـندك مثـلآ آلامآرآت آدرس آدآرة آعمآل وكون نفسك بـ 55 آلف ؟
وتعبي الكرآج سيآرآت بـ آذن الله ؟ فـكر بمستقبلك آفضل ..

خذلك كم مستوى آنقليزي ، وآدرس آن مآخآب ظني بـ 49 الف ، ريآل ب آلآمآرآت آفضل ، منهآ تكون مستقبلك ، وتستفيد ..


وآذآ مآتبي سوَ لك مشروع بـ الـ 55 آلف .. هذآ رأييَ ..


بـ التوفيق :

اجل ابتوكل على الله واريح راسي واشتري وكالة و الحمد لله وشكرااا لكم جميع وعقبال البي ام ان شاء الله لي وللجميع

السي 300 امممم
شوف بعيدا عن كوننا بمنتدى سيارات ..

من اخ لاخ

انا قبلك بالجامعه كان معاي 65 الف .. وفكرت مثلك

وبالاخير اخذت وكاله ع قد دراهمي ..

وحاليا الحمد لله معاي بي ام


اذا بتاخذ مستعمل من شخص تعرفه .. وتعرف استخدامه .. توكل ع الله

اما المغامره في السوق .. .. ترا مهما كان المستعمل مع هالنوع من السيارات .. متعب جدا


فيه فكره انك ممكن تدفع المبلغ اللي معك كله مثلا دفعه في سياره مثل افالون و لكزس اي اس .. بي ام الفئه الثالثه

والقسط يصير خفيف عليك .. لو تقدر مثلا هالكلام بس برضوا فكره حبيت اعرضها عليك يمكن تنفعك ونكسب دعوه في ظهر الغيب

الله يكتب لك الخير ويوفقك ..

هلا اخوي حتى الكلزلر ابعد عنها بتعبك

الاخوان ماقصرو اعطوك الصافي لحالتك

تحياتي لك
ولك التوفيق ...