السلام عليكم ورحمة الله وبركاته ..
مساء الخير على الجميع ..
ابي منكم النصيحه الطيبه والي تثلج الصدر ، انا من عشاق السيارات الألمانيه ومعاي شبح موديل 93 مقاس 500 شاص صغير استخدام ياباني .. شريته من الامارات ماشي 110000 كيلو وكرفته لمدة اربع سنوات والحمدلله اللحين ماشي 360000 كيلو ولا اشتكى من شيء ولا تعبني في الورشات وحاب اغير السياره .. الشبح ابعطيه الوالد وحاب اشتري سياره ألمانيه ثانيه ..
واول الخيارات اللي براسي أني أشتري بي أم دبليو 8 سلندر من مقاس 735 أو 740 أو 745 موديل 2004 أو 2005 ..
المهم ياشباب أني متخوف من هالسياره قالوا لي كمبيوتر وبتتعبك في الورشات والخ
واحد من خوياي بالدوام معاه 2005 بي ام 6 سلندر .. مدري مقاس كم أتوقع أما 728 أو 730 الرجال يمدحها ويقول لي دور النظيف ومن ناحية الخرابات يقول مافيه شيء الفلوس الي تبي تدفعها في ياباني او امريكي كـ قطع غيار او تصليح .. نفسها بالبي ام قلت له كيف يقول الامريكي او الياباني تبي تدفع فحمات ومقصات ومساعدات وسيور والخ من الاشياء الاستهلاكيه لكن ماتصبر معاك بترجع تدفع الاشياء الاستهلاكيه السريعه مثل فحمات وكفرات والبي ام يقول ميزته انه يقص ظهرك بالفلوس مره كل سنتين بس ترتاح تنسى القطعه اللي حطيتها فيها ..
سؤالي اللحين هل البي ام دبليو اذا لقيت نظيف مافيها خرابات معروفه تعذبني مستقبلا واللي عنده فكره عن اسعار القطع يذكرها لي .
وقلت في نفسي لو شفت الكل يقول فيها وفيها الخيار الثاني لي اني اشتري بي ام دبليو من 2001 وتحت او شبح 98 وتحت .. طبعا السياره اللي بشتريها 8 سلندر ..
بعد ماجربت الـ 500 بالشبح ولا شيء عندها الـ 320 ..
راحه مو طبيعيه في الـ 500 ..
وتكفون يالربع عطوني النصيحه اللي تريحني والله يجزاكم الخير ..
مشكله الألماني اذا تولعت فيه :)
