بنزين النترا؟ +المكيف

هـ م ـر @user_181177 · 01-04-2012

السلام عليكم ورحمة الله وبركاتة

اخواني الكرام بودي اسأل ماهو بنزين النترا هل هو 91 او 95 "؟؟؟

علما اني اول ماشريتها كان فاضي البنزين ورحت محطه وعبين 91 !! الله يستر لا اصير تهورت

الامر الثاني بخصوص المكيف احترت فيه ناس يقولون لاتفتحه الا بعد 1000 وفيه ناس يقولون عادي تفتحه قبل فياليت تفيدونا !!

وبخصوص الفتحه هل صحيح ان كثيرة استخدامها يخليها تعلق وتتسسبب في مشاكل لاحقا؟؟

واخيرا بخصوص صيانة 1000كيلو هل تستغرق وقت او تطلع في نفس اللحظه ؟؟

انتظركم مشكورين

جمرالوداع @user_289369 · 19-12-2012

مسا الخير السياره لا تشغل المكيف الا بعد 1000 كيلو اسمع النصحيه من مجرب وحاول لا تتعدا 50 عليها لن مثل السياره لا خربت المكينه يقولوك المصلح مرنها شوي شوي وذا ع البانزين الافضل الاحمر لا كن اذا تبي رخيص عبها اخضر ع ان سمعت الانترا فلها 23 لاحمر

fofo- @user_215875 · 03-04-2012

امش بلسياره لين تطلع اللمبه الصفرا للبانزين
وبرضو آمش ليين السياره تحسس انها بتوقف عليك
وعبي 95

MR.WALEED @user_263322 · 02-04-2012

يارجال ماعليك خوف من البنزين
انا معي كورلا<<<<<ماهيب بعيده عن اللنترا
والله اني اعبي مخلوط
احيان اعبي 91 وازيد عليه 95 اذا خلص واحيان العكس<<<<على حسب مزاجي ههههه
واذا على المكيف تشغله قبل ماتطلعها من الوكاله ماعليها خوف

هـ م ـر @user_181177 صاحب الموضوع · 02-04-2012

طيب انا الان عبيته 91 وفل !!!! وسمعت مايصلح تخلط بين 91 و95 فهل افضي 91 وبعدين اعبي 95 او استمر على 91 !!!!!!!!!!!!!!!!!!

fofo- @user_215875 · 02-04-2012

الـ95 افضل للمكينه

هـ م ـر @user_181177 صاحب الموضوع · 02-04-2012

مشكور يالراقي واعذرني ازعجتك بالاسئلة بالنسبة للبنزين ممكن اعرف سبب التفضيل؟؟

وهل استخدام 91 مضر على السياره؟؟

الراقي.. @user_246795 · 02-04-2012

[COLOR=red]كيف تسوي التمرين!!!؟؟؟

المصدر من اكثر من دليل المالك لعدة شركات...

اولا السيارة لاتحتاج الى تليين فعليا ولكن تحتاج الى احتياطات تتجنبها فقط اثناء هذه الفترة....

لاتسحب مقطورة لاول 1000 ميل او 1600 كم ابداً

لاتقلع بالسيارة!!بمعنى التسارع يكون على القيادة العادية مو تقاوم في السيارة لاول 1600كم

لاتسوق بسرعة ثابتة لمسافة طويلة مثل ...انك تسوق من الدمام الى الجبيل او الاحساء وانت ماشي 100 وبدون وقفات...

حاول انك تزيد من السرعة وتنزل فيها على شكل فترات معينة "مثل كل 10كم تنزل بالسرعة الى اقل من 80كم وترجع تسوق عادي......

"اشوف ان الافضل تتمشى فيها داخل المدينة على الراحة وبعدها امسك فيها خط سريع لفترةات معينة خلال اول 800 كم وبعدها خذ راحتك ..

الشي المهم واللي البعض ما ينتبه له هو تمرين الاقمشة!!!او فحمات الفرامل زي مايقولون في الشرقية!!

لازم تعرف ان الهوب باقي جديد والقماش كذلك ...واثنين ماهم ماخذين على بعض

حاول انك تهدي قبل فترة من الوقوف وما تضغط على الفرامل فجأة .... لمدة اول 400 كم وبالذات اللي مناطقهم فيها مرتفعات ويستخدمون الفرامل بكثرة......

ملاحظة:نفس الشي ينطبق لمن تغير قماشات وقت الصيانة

خلاصة الموضوع :[/COLOR]

لاتدعس فجاة عالفرامل او البنزين ......

لاتوسوس من صوت الفرامل في البداية...

لا تسحب شي بالسيارة قبل 1600 كم"مهم جدا"

لاتنسى تشيك تحت السيارة خلال الفترة هذي لاحتمال تهريب زيوت و خلافة"ممكن يصير وهذا طبيعي"

بالنسبه للمكيف عادي تشغله والبنزين انا افضل الـ95 !
بالتوفيق ..

هـ م ـر @user_181177 صاحب الموضوع · 02-04-2012

تكفون احد يفيدني ولكم جزيل الشكر