تركيب الشاشة خارج الوكالة ..استفسار

من قال ان تركيب الشاشة يروح الضمان ؟

الضمان يروح في حال كان هناك تجريح لاسلاك الكهرباء

انا ركبت شاشة في سيارتي التيما 2010 و بدون تجريح للاسلاك و الضمان شغال و ما حدا حكى معي

و اذا حدثت مشكلة بالكهرباء عاد انت فك الشاشة قبل الذهاب للوكالة

المشكله ان اكثر العمال اللي يركبون الشاشات يحرقون اللي مايحترق ,انا قبل كم يوم كنت ابركب شاشة ملاحه لليوكن وجيت عدة محلات وكلن يسب اللي بجمه ويقول الزين عندي اللي يقول ما اجرح اي سلك إذا ركبت الشاشه هذي لانها مخصصه للجمس واللي يقول ماهو صحيح لازم يجرح اسلاك ,اخر شي شريت قارمن مستقل وتركتهم ,,اما الدي في دي ما اعرف عنها شي .

اي نعم يتأثر الضمان
الضمان يوجد ضمان على القير والمكينة والكهربا
اذا ركبت الشاشة خارج الوكالة يطيح ضمان الكهرب ..
انا سيارتي ماليبو ٢٠١٣ ومن كم يوم كنت بالوكالة
سألت عن الشاشة اذا بركبها عندهم ، قال انركبها لك ب ٣٥٠ دينار كويتي ( يعني ٥٠٠٠ ريال سعودي تقريباً ) !!
وما اطيح الكفالة ، لإنك مسويها عندنا بالوكالة .
قتله واذا ركبت الشاشة بره شلون ؟ قال يطيح ضمان الكهرب
لو سمح الله ضرب فيوز او شي ما نتحمل تكلفة اي تصليح ..
وقال انت براحتك اذا مو هامك الضمان ركب من بره ، بس ركز انه اتكون الشاشة مصممة حق سيارتك وما يحتاج اتقص اسلاك ..

ما اتوقع

الشعب كله مركب شاشات

ومو من حقهم

يروح الضمان تبع الكهرب ..بمعنى اي مشكلة بالكهرب مالها علاقة .. حتى لو باللمبات .

اللي اعرفه مايصير شيء .