و عليكم السلام
للأسف أن بعض الشركات المصنعة -و من منطلق تجاري بحت و ليس تقني و هندسي!!- ما يبيعونك الحساس لحاله , مثل فولكسواجن , و نيسان... إلخ. هذول الي أنا عرفتهم.
أما بـ 17 ألف !! أول مرة أسمع بلف بدي بهالسعر! لكن واردة لكون القير ألماني :mad1:
بس الرنج روفر ما أعتقد أنه ينباع البلف بدي كامل , أظن تحصل حساس لحاله , و أنت شوف الموزعين و لا تحصر نفسك بالوكالة.
لمعلوميتك: لنفترض صحة هذا الكلام , يوجد بعض الموزعين و بشطارتهم و بمصادرهم الخاصة , يستوردون أجزاء القطع الكبيرة بشكل طبيعي من الشركة الأصل حتى و إن لم تكن مسجلة برقم قطع مستقل في نظام قطع الغيار!! أعرف ناس زي كذا بس مو حقين رنج روفر. المهم أنه يوجد موزعين مو بسيطين , لكن سياسته أنه يفيدك و يستفيد هو , مثلاً يقول لك الحساس بـ 1000 ريال. ساعتها أنت بتوفر على نفسك و هو يكسب. و هذا حل ممتاز لك.
أحذرك و بقوة (حتى و لو أشار عليك صاحب الورشة) بشراء بلف بدي تشليح. جربناها لما وضبنا أرمادا مرة و أكلنا بهذلة صح , لأنه طلع الأساسي سليم و حق التشليح بدأ يسوي النتعات بعد أسبوعين من إخراجها من الورشة!! يعني حساساته مضروبة! و المشكلة أنك لما تأخذ مستعمل بيقول لك عطني القديم رجيع. يعتبروها زي مكينة أو قير, لازم الرجيع! و المشكلة أنه حتى سعره مو مغري , تقريبًا نصف سعر الوكالة! و على لا شيء.
فالحذر ثم الحذر. اتعب شوي و إلا تلاقي موزع يدبرها لك. على الأقل لو في ورشات البي إم تسألهم يبيعوك حساس لحاله , لأنه يكون عنده قطع مليانة مرمية. و ترا قيرالرنج نفس البي إم , أنت لازم تعرف اسم طراز القير مثلاً:
5HP19 أو 5HP26 أو غير ذلك من قيرات ZF ؛ علشان يطابق لك نفس قطع سيارتك من قير بي إم لأنه هو هو نفسه بالتمام بدون إختلاف مقدار ذرة. افهم من الورشة الي أنت رحت لها و اسألهم: إيش فئة القير؟؟ ضروري.
هذا رأيي , اتعب و لفلف بمحلات القطع و أصر عليهم باستيراد حساسات بشكل مستقل (الفحص يبين لك إذا حساس أو أكثر , بس مشكلتك في حساس واحد و الي هو: حساس الغيار الثالث و الرابع) , أو الخيار الثاني إن يأست من مسألة استيراد الحساس .. إنك تشوف ورشة BMW بعد ما تكون عرفت قير سيارتك و تطلب منه حساس فقط.
أما بلف بدي مستعمل.. فحذارِ منه , و من تجربة شخصية!
و اسأل كما بدا لك عزيزي , و نحن معك ((بالمشورة.. فهذا ما نقدر عليه)) حتى تحل موضوعك.
