السلام عليكم
اول مشاركه لي بالمنتدى وطالب مشورتكم في سياره بحدود ال 140 تكون فل الفل من جلد و نافيقيشن وبانوراما و start button و مرتفعه و تسع ل7 ركاب يعني ثلاث صفوف و تكون 6 سلندر وحجمها متوسط وتكون مكده لفتره طويله لا تقل عن 10 سنوات اذا الله طول بأعمارنا و عندي خيارات بسردها لكم مع المميزات و العيوب بنظري الشخصي :
بسم الله
1-أكسبلورر 2012 : مميزاته كثيره وهو الخيار الأفضل لي كسياره و لكن سعره مبالغ فيه جدا جدا جدا و افكر بمستعمل إذا نويت عليه.
2-هيونداي سانتافي 2013 : فلها حلو جدا و الاحلى حجمها الخارجي و لكن متخوف من ناحية الرساوه و الامان وما اعرف احد مجربها و مشكله البانوراما و سعرها غالي بالنسبه لهيونداي 128 ألف.
3- الاكاديا أو الترافرس بحكم التشابه الكبير بينهم : سعرهم و مواصفاتهم حلوه بس متخوف من ناحية العمليه مع الزمن.
4-دودج دورانغو 2013 : سياره روعه وعمليه جدا بحكم المجربين لسيارات الدودج و لكن سوء الوكيل بالصيانه وغلاء و عدم توفر قطع الغيار هو اللي مخوفني وحجم السياره يعتبر كبير حبتين و متوفر فقط 8 سلندر و سعرها 141.
5-فورد إيدج 2012 : روعه روعه بس مشكلته صفين فقط يعني 5 ركاب و مازال تحت التفكير.
و اليوكن و التاهو خارج الحسبه عشان تكونون في الصوره و شاكر تعونكم يا أصدقائي الجدد.
