استفسار عن قوة تشارجر rt ?

R/T وحش من واقع خبــرهـ واذا يهمــك الكابرس أنا مقاوم كابرس الي تي زد 2012 من 20 ومحول القير عادي وفاك التركشن وطلعت عليه نص عمود علماً سيارتي R/T 2010

مالك بالطويلة القومة تعتمد 100% على السائق و مقدرة معرفته بالسيارة

تشارجر قوة و شكل كيف ما تبي تقدر تعدل فيه لان البودي سلس و ساحر للاعيان



عجبتني ساحر للاعياان ...

شوف التشارجر تقوم على الاوريون والماكسيما والالتيما

اما الكابرس فيه تنافس يوم لك ويوم عليك

اما اللومينا وزنها اخف بكثير من التشارجر يعني يمكن يوم لك يومين عليك


واذا قدرت على الHeme يكون افضل

اول شي اهنيك على آختيارك آلسيارة حلوة + قوية وسعرها حلو بالنسبة لمواصفاتها
طبعا الـ RT قوتها الحصانية 370 حصان مقارنة بالكابرس الكابرس اقوى بحكم الوزن لان الشارجر اثقل وزن
طبعا السيارة توب وانا قبل فترة كنت ناوي عليها بس ماردني عنها الا تعامل الشركة
تعتبر من اسوأ الشركات
واستخير قبل كل شي
والله يكتب لك اللي فيه الخير

اول شى اسال الله ان يكتب لك الي فيه الخير والي ترغب فيه
ثاني شى التشارجر ماشاء الله قوه وفخامه
اما بنسبت المقاومات انا بعطيك الي انا جربته
اكثر من مره وانا وراعين تشارجر ار تي نتجاكر طبعا انا كان عندي مشكله وهي التعشيق لكن الحمدلله انحلت ومع المشكله بالتعشيق ماكان يطلعون علي وبالعكس انا اكون محمل 2 ولا 3 ونفس المستوى لكن هي قويه لكن ماتقارن مع الكابرس شايف قدامي الموترين ال اس شاطف ام امها ومعطي التشارجر فرق
وانا قد قلي واحد معلومه انها تفصل على 212 والله انا ماشفتها لكن واحد قلي ومجربها الي بدون جناح وقد شفت له تسارع تفصل على 230 اذا طقتها الشمس
لكن اسمع النصيحه مني خذ لك تشارجر ار تي فل كامل لون ابيض ولا تفكر بالجكر مره والله انه موتر فخامه
اسف على الاطاله بس ان شاء الله اني افتك

الrt حلو وجميل وقوي جدا

بس اذا كنت تقدر على الكلايسلر hemi يكون احسن لانها تجمع بين الفخامه والقوة


بتوفيق

ابد توكل على الله وخذها ..
الموتر عزمه وقوته حلوه جدا ولا تقارن ال v6 ب ال v8 , عموما السيارات المنافسه لها الكابرس واللومينا. والكرايسلر,> انا شخصيا افضلها كداخليه.
لكن اشوف ال RT تتفوق عليهم من ناحية التصميم الخارجي والداخلي والنشاط ,وبالتوفيق انشاء الله..

مشكورين يا جماعة على هل الردود الحلوة
يا اخوي يا راعي الموستنق الله يبارك لك في موترك بس يا اخوي انه الموستنق شايلة من راسي لاني ابي سيارة قوية و عملية ذات اربع ابواب
بس شكلي باتوكل على الله او باخذ الrt

معلييش اذا معلوماتك صحيحة فالسياارة مررة لا

انا عندي موستنق v6 2013 وباقي ماهي ممرنه ماشية 6000!! وتجيب 100 في 6.4 هذي بدون فصلت تراكشن

وتسارعها الطبيعي 5.1 في اليوتيوب


وبالنسبة للـ srt8 الموستنق جي تي يقووم عليها وعندك اليوتيوب


بأختصار اذا تبغي مكينة تبيض وجهك خذلك موستنق جي تي سعر الستاندر بسعر الارتي :bigggrin:

** قريبي مطلع ار تي 2013 ما شاء الله موتر عز سعر ومكينة حلوة وموااصفات

تشارجر RT
سيارة رائعة جداً
تتفوق على كل السيارات المذكورة
ولكن مستواها متقارب مع الكابريس واللومينا V8
احيان كثير يتفوق الكابريس واللومينا بسبب انخفاض الوزن وتفوق (الجير)
لأن الكابريس 6 تعشيقات بثلاث وضعيات يعطيها خيارات أكثر
وعلى حد علمي الـ RT لم تحصل على جير جديد مثل اختها التشارجر الـ V6
ولا أعلم عن الموديل 2013 هل حصل على جير جديد
الـ RT تتفوق بشكل كبير من حيث التجهيزات الداخلية عن الكابريس واللومينا ولا مقارنة في هذا المجال
الرساوة تقريباً متشابهة بين الكابريس والتشارجر
تفوق الكابريس في الفرامل من واقع تجربة للسيارتين , الفرامل في الكابريس أكثر فاعلية
من حيث الوكلاء وقطع الغيار لامقارنة هنا لأن الكابريس هناك خيارات أكبر مع محدودية الصيانة والخيارات للـ RT
العملية والاعتمادية السيارتين تقريباً متساوية وتبقى على استخدام الشخص ومحافظته على السيارة مع تفوق واضح للـ RT في جودة المواد الداخلية والديكورات والاكسسوارات
اتمنى أكون أفدتك بدون مبالغات وقصص خرافية

Charger 2013 SRT8 8V ~ 470 hp : 5.1 sec

Charger 2013 R/T 8V ~ 370 hp : 6.3 sec

Charger 2013 SXT 6V ~ 292 hp : 6.7 sec


MUSTANG GT 2013 8V ~ 420 hp : 4.6 sec


HONDA ACCORD 2013 6V ~ 278 hp : 5.9 sec

اخوي النمر الله يبارك لك بموترك

rt تجيب الـ 100 في كم ثانيه ؟

انه اشكرك جدا يا أخوي وأشكر كل من قام بالرد على الموضوع
والله سامحنا تعبناك ويانه
بس ان شاء الله راح اتوكل على الله واخذ الrt

خذ شارجر ار تي قوته الحصانية 372 حصان او 380 حصان اتوقع
صراحة سيارة وحش بكل ما تعنيه الكلمة
قوة حصانية صافية
طبعاً الـ SRT8 ملكة الوحوش 470 حصان صافي
لا موستنغ ولا كامارو ولاغيره
بس لازم تعرف ان الدودج وزنها ثقيل يعني اغلب السيارات الاخرى خفة وزنها تقوم عليها
لكن انت ليش تهتم بالقومة ؟ اهتم بالسرعة الخرافية في الطريق + الرساوة و الثبات عالاسفلت والمنعطفات
يعني انت تقص اللفة بالشارجر في خطوط السفر بالراحة 240 و من ابدع ما يمكن
مع العلم ان طبلونها 260
اما بباقي السيارات الي تقوم عليك فقط قومة والله ما يقصوا اللفة 200 حتى لان بتلقى السيارة تنطل للخط الثاني :)

الفرق بين الارتي و الـ SRT8 طبعاً المكينة + الكراسي الداخلية
الارتي مقاعدها مقاعد سيدان ومريحة
الـ SRT8 مقاعدها رياضية وصلبة قليلاً
بالاضافة للخيارات الرياضية و التحكم في السيارة من خلال الشاشة .
بس انا اقولك سعر الار تي 151 فل كامل
معقولة جداً بالنسبة لمواصفاتها و قوتها و مميزاتها مقارنة بباقي السيارات اللي مثل مكينتها وهي اضعف ايضاً لكن الاسعار طايرة
اجل فورد تورس شو 360 حصان و 6 سلندر بـ 189 الف !!! ليه
بانوراما على غفلة

ايضاً انا اشوف ان سعر الـ 200 الف على سيارة شارجر SRT8 كثير جداً
هذه وجهة نظري اخي الكريم و للناس فيما يعشقون مذاهب طبعاً
200 الف احطها في الماني رزة و كشخة و فخامة و مواصفات و اخر حلاوة
بانوراما 2009 مقاس 500
بي ام الفئة السابعة 2009
يعني هذه السيارات
اللي فيها قوة لكن هييبة و قمة في الفخامة
وترى الصيانة متقاربة في السعر
يعني الـ SRT8 صيانتها من 1000 الى 2000 ريال
البانوراما من 2000 الى 3500 ريال بس طبعا فرق الجودة و الاداء و الفخامة و العمر الافتراضي

في كلا الاحوال اقولك استخير الله طبعاً عز وجل
و توكل عليه و اعزم على الأرتي
انا معي 2013 اللهم لك سيارة جات عالمزاج من الاخر
ولو اني خايف من الاعطال المستقبلية و الوكيل لكن نقول الله كريم و هو الحافظ

و دبي و البحرين قريبة :)
عندهم وكلاء زي العسل و مراكز صيانة افضل وافخم من وكالاتنا اللي بالسعودية كلها :)

الماكسيما والاوريون برا المنافسه

_________________

القوة بينهم متقاربة ( rt , ss ) لكن اذا قادر عالـ srt8 فهي اقوى بكثير واجمل واكثر مواصفات ..لكن سعرها زايد حبتين

غير كذا فيه موستنق جي تي اقوى من الكل باستثناء srt8 , طبعا موديل 2011 وفوق

والله الموفق


تحيــــــــــــ ااااته...*

تسلم على هذا الرد يا اخوي
بس هل التشارجر يتنافس مع اللومينا والكابرس من حيت القوة او من هو الاقوى فيهم ؟