كاديلاك CTS 2012 وتغيير المكينه اول 6 الاف كيلو !!! عطوني حل

الحمدلله فرجت

قصتك ذكرتني بالعيسائي وكيل ميتسوبيشي

كل مافكرت بالجالنت 6 سلندر ، يجي على بالي هالوكيل النايم اللي ماكلف نفسه بالتسويق الجيد لها

بعد معاناة ٥ شهور انتهيت الحمدلله وتم استبدال السياره لاتي دفعت الفرق ودفعت قيمة ممشى السياره
للاسف المعارض تدار احسن من ادارة شركة الجميح فرع خريص الرياض
شغل عشوائي وكل شخص يرميك على الثاني وكل شخص يصرفك بكره واللي بعده
تطلب ابسط حقوقك يرد عليك لبناني يقول هذا نظام الشركه تبي تشتك رح اشتك وهو يظحك وكانه يدري ان مافيه قوانين تردعه !
نصيحه لوجه الله لا احد يفكر بالكاديلاك والله العظيم كنت شبه يوميا بالوكاله وتمر سيارات كلها مشاكل بالكهرب والدفرنس خصوصا وكلها موديلات جديده + اسعار قطع الغيار المبالغ فيها واللي غير متوفره لدرجة الجميح بالمواقف فاتحين لهم قسم وفوقه لوحه بانتظار قطع الغيار وموقف فيه اكثر من ١٠ سيارات جديده كلها مشاكل
الكلام ينطبق على كل سيارات كاديلاك
بالنهايه كلمة حق تقال الف شكر لمدير صيانة كاديلاك سمير السر وسكرتيره عمر طارق وعبدالعزيز اليوسف استشاري مبيعات جي ام سي وشفروليه هالثلاثه كانو متعاونين لابعد درجه لكن الباقي ما اقول الاحسبي الله ونعم الوكيل

طبيعي لي سار معك
مدام انت في بلدك
ويعطل امورك اجنبي
والاجنبي يمشي كلامه عليك
والله حالة الله يحلها
امس كنت في الغسان :bigggrin: بكل بساطة لبناني مشتري..............
:xyxwave: لعبو فينا
الله يعينك

للاسف الشركه الى اليوم وبعد مرور 3 شهور تماطل فيني دبي قيمو سيارتي بـ 132 الف ريال وقالو للوكاله بدلو السياره وخلوه يدفع فرق السعر بين سيارته والسياره الجديده اللي بياخذها
اخترت شفروليه تاهو وسعره بـ 134 الف ريال
قالو بيدك 132 الف وبلغتهم اني ابي تاهو قالو احجزه باسمك وقلهم بالمبيعات يحجبون رقم الشاصي ويخلون السياره بالمستودع لاتنباع علشان نرسل رقم الشاصي لدبي لانه ضروري يطلبونه ولوتغير او انباعت السياره المحجوزه لك بنرجع نبدا من البدايه ! <- المفروض هذا يكون تفاهم بين كاديلاك وجي ام سي بحكم انها شركه وحده ولاهي شغلتي اني اروح لهذولي وانقلهم كلام كاديلاك وبعدها ارجع لكاديلاك واقولهم كلام جي ام سي
المهم جي ام سي عندهم نظام حجز السياره يومين وينفك الحجز للاسف حجزت 4 سيارات وكلها اللغو حجزها وهالشي تسبب في تأخير الموضوع لان كل ما ارسلو رقم الشاصي لدبي قالو هذا الشاصي انباع لشخص غير صاحب القضيه !
باختصار عدم احترام العميل وهالشي يتحمله ادارة كاديلاك وادارة جي ام سي اللي مابينهم اي تواصل
بعدها قالو لي ان دبي ارسلو ايميل انك لازم تدفع 8153 ريال ! كفرق بالسعر بين سيارتك الكاديلاك والتاهو اللي تبي تاخذها !
اعترضت بحكم انهم قالو بندفع لك بسيارتك 132 الف وانت كمل الباقي للسياره الجديد وقيمة التاهو 134 الف ريال
يعني المفروض ما ادفع الا الفين ريال !!
لكن ردو بعدها بايميل بايميل وقالو لازم يدفع 8400 ريال ! <-- زادو 300 ريال
اعترضت ان التاهو سعره بـ 134 والمفروض مادفع الا الفين وبكذا لوبدفع 8 الاف فوق الـ 132 معناه اني شاري التاهو 140 الف ريال يعني دافع 8 الاف ريال زياده على سعره !
قالو دبي ادفع الـ 8 الاف والا استلم سيارتك مع مكينتها الجديده واعتبر الموضوع انتهى من ناحيتنا وتفاهم مع الوكيل
طبعا بالاساس قالو ماراح نخصم عليك اي ريال على الاستعمال لانك متضرر والسياره موقفه بالوكاله 3 شهور وقبلها حول الشهر وبالنهايه اكتشف انهم خاصمين علي حول 6 الاف ريال على الاستخدام !
كلموني الوكاله يوم الاربعاء يقولون جب لنا المفتاح الاسبير واوراق سيارتك قلت انا مشغول بجيكم الخميس قالو اوكي علشان ننهي الموضوع وتوقع تنازل عن سيارتك وتدفع الفلوس اللي عليك وتحدد مع جي ام سي متى تستلم سيارتك الجديده
راجعتهم واللقى التنازل مكتوب انا اتنازل بالسياره وقد استلمت سيارتي الجديده التاهو !! :bigggrin:
المشكله ان الوكاله يقولون لي التاهو اللي حجزته الاخير يمكن انفك حجزه راجع جي ام سي واطلب ورقه منهم قبل توقع التنازل ان التاهو موجود وما انفك حجزه راجعتهم وقالوالموظف المسؤول عن هالشي مايداوم الخميس !
طيب انتم المفروض ماكلمتوني الا وانتم مجهزين كل الاوراق علشان اجي اوقع تنازل وامشي وللاسف رحت لهم ولاسويت اي شي لانهم يطالبوني بتوقيع تنازل واني استلمت السياره الجديده وهم بالاساس مايدرون اذا انفك حجزها او لا !!

بالاخير كلمة حق تقال كل موظفين الجميح سيئين وتعاملهم زفت وانتم بكرامه الا3 اشخاص ين[SIZE=4]حطو[SIZE=4]ن [SIZE=4]على الراس [/SIZE][/SIZE] ( سمير السر مدير صيانة كاديلاك كان انسان متعاون جدا جدا واخلاقه عاليه وساهم كثير بنهاية الموضوع لكن ماينلام اللي فوقه سيئين + عمر طارق سكرتير مدير الصيانه انسان ماقصر ابد لكن مابيده شي اليد الوحده ماتصفق + عبدالعزيز اليوسف موظف مبيعات جي ام سي حاول قد مايقدر ينهي الموضوع بحكم انه هو الشخص اللي حجزت من عنده السياره الجديده لكن للاسف كان يقابل باسلوب سيئ من موظفين مبيعات كاديلاك ومدير مبيعات كاديلاك اللبناني سامي عوض كان يجي يطلب منه طريقه تثبت ان للعميل فلوس عند كاديلاك ويرد عليه باسلوب سيء وانه انت توك جديد وماتعرف الشغل رح اسأل مشرفك !!

بالنهايه ما اقول الا حسبي الله على بعض الاشخاص اللي ساهمو بتعطيل الموضوع كل هذي الفتره خصوصا اللي كان يطق الصدر ويقول الموضوع عندي ولاتزعل وحنا هنا لخدمتك وانت متضرر وبعدها يجلس شهر ماداوم وترجع له يقول وش صار على موضوعك او بالاصح يكون ناسيك ولاكانه طق الصدر وقال الموضوع انا انهيه لك بكره ومالك الا طيبة الخاطر !
[/SIZE]
ماودي اذكر اسمه لكن له منصب كبير بادارة كاديلاك

صور تغيير المكينه وفك اغلب اجزاء السياره السفليه ( قير + شكامين واعتقد الدفرنس لكن هذا اللي قدرت اصوره )

[SIZE=4]

[SIZE=4]

[SIZE=4]


[/SIZE][/SIZE][/SIZE]

السلام عليكم

حبيبي نصر نتوس الله يعينك ويصبرك، لاتسكت عن حقك وانا اخوك خلك شكاي
والله تاخذ حقك على داير مليم ، الجميع راح يسبب كارثه لسمعة GM وهذا حاصل
فعلاً ولكن راح يزيد الطين بله بعد تقليل الوكلاء المعتمدين. مانفعه الا المبيعات الحكوميه.


حاول انك ماتطالب بإستبدال، خذ فلوسك وانحش.


عموماً ادخل موقع LinkedIn ورز وجهك خلك حمش وارسل للمدراء شكواك.

هذي قائمة موظفي شركة GM بأمريكا (دور المدراء اللي ممكن يفيدونك بالمشكله)
وجهز لهم ذيك الرساله الحلوه مدعمه بالصور :
http://www.linkedin.com/search/fpsearch?companyId=1472&sortCriteria=R&keepFacets=&facet_CC=1472&trk=rr_connectedness#facets=keywords%3D%26search%3DSearch%2520Search%26companyId%3D1472%26facetsOrder%3DCC%252CN%252CG%252CI%252CPC%252CED%252CL%252CFG%252CTE%252CFA%252CSE%252CP%252CCS%252CF%252CDR%26inNetworkSearch%3Dfalse%26pplSearchOrigin%3DFCTD%26keepFacets%3Dtrue%26facet_CC%3D1472%26facet_G%3Dus%253A0%26openFacets%3DCC%252CN%252CG


اتمنى ان نسمع حل مشكلتك بالقريب العاجل.

للاسف وبكل صراحه

هذا اللي حاصل في البلد

من امن العقوبة اساءة الادب

كنت دائما اسمعها ولا افهم معانيها لما كنت صغير

الان اتضحت الرؤية

البلى والسبب في المسؤؤؤليين

وحسبنا الله ونعم الوكيل

وش صاار معكك ؟

اخوي كلم الوكيل شرق الاوسط دبي يمكن يساعدونك :(

الله يكون بعونك اخوي ..
ولا تسكت عن حقك
حاول تتواصل مع شركة كاديلاك الأم بامريكا
صدقني بيرجعون لك حقك وزيادة
لان بحسب تصنيف الجودة كاديلاك ماخذة المركز ال 4 عالميا اقل خرابات
معقولة الرابعة عالميا وكل هذه اعطال في سيارة مالها نص سنة !
الشركة مبيعاتها عندنا قليلة مقارنة بمنافسيها وتبي تثبت نفسها فلو كلمتهم و ارسلت ايميل مدمج فيه صور لللسيارة وكل المشاكل وصورة للعداد وتاريخ الشراء راح يتواصلون معك وراح يتم حل مشكلتك بسرعة ..


بالتوفيق اخوي ..

الله يكون بالعون لاحوول ولاقوه لا تسكت عن حقك

كان الله بعونك اخوي
وفعلا هالسياره من السيارات اللي ظلمها الوكيل هنا

ولا الكاديلاك سياره فيها حقها من الفخامه والقوه ولكن الوكيل دمرها

الله يفرج همك وما اقول الا العين حق
حسبنا الله ونعم الوكيل

أخوي الله يكون في عونك ويعوضك خير ويحقق لك مطالبك وويرجعلك حقوقك

كان في واحد من الاخوة هنا في المنتدى اذا ماكنت غلطان النك نيم حقه 2009 CTS اعتقد نفس الوضع عيب تصنيعي وماطلوه وكذا بس قدر ياخذ تعويض منهم

يبغالك تدور عليه وتستفيد منه

والله يوفقك

وربي حرااام اللي قاعد يصير .. يعني عيب مصنعي في السياره المفروض تتبدل على طول

بس شقول في السعوديه الدعوه سايبه والمواطن حقه ضايع ولا فيه قانون ولا فيه عقاب للظالم (الشكوى لله هذا واحنا بلاد مسلمين)
بلاد برى اوربا وامريكا (الكفره على قولتهم) المواطن حقه ما يضيع وفي قانوون يوقف معاه وفيه إحترام لكيان وشرف المواطن

ماعليش اخوي آسف على ردي بس والله من الحره اللي فيني عليك وعلى اللي ظلمك .. والله ما تستاهل غير كل خير يالغالي (مالك إلا الصبر)

للاسف تعامل الوكاله سيء ومماطل لابعد درجه !
قالو تبي نبدل لك السياره نشتريها منك بـ 90 الف ريال وجنرال موترز بتدفع لك 10 الاف ريال وزد تقريبا 45 الف ريال وخذ 2013 !!! فيه استغلال اكثر من كذا ؟! انا شاري السياره بـ 132 الف ريال شلون تنزل من قيمتها 42 الف ريال باستخدام 4 شهور و6 الاف كيلو والسياره الحمدلله نظيفه مافيها اي مخش ولاصدمات
قالو اجل انتظر المدير الاقليمي يقيم لك السياره من جديد والمدير الاقليمي لي 3 اسابيع انتظره يداوم امر يوميا يقولون ماداوم او باجتماع او مريض ماداوم !
طيب الى متى يعني السياره لها شهر واسبوعين واقفه بالوكاله !
اسألهم عن المكينه متى توصل يقولون ماندري ماجتنا تواريخ وصول قطع الغيار او بكره يبين كل شي امرهم من بكره يقولون ماوصل شي للحين يمكن بكره وعلى هالحال لمدة شهر واسبوع وبندخل بالاسبوع الثاني يوم الخميس !

[SIZE=4]هذي [SIZE=4]صور السياره للاخوان اللي طلبوها بالردود او على الخاص والمعذره م[SIZE=4]ارديت عليكم واحد واحد

[SIZE=4]هذي صورة فك الدفرنس وتنزيل الشكامين وعمود [SIZE=4]الكردان بعد مشكلة تغيير صوفة القير وتهريب زيت من الدفرنس

[SIZE=4]

[SIZE=4]الصور هذي بعد مشكلة المكينه
[/SIZE][/SIZE][/SIZE]




[SIZE=4]

[SIZE=4]السياره بمواقف انتظار قطع [SIZE=4]الغيار [SIZE=4]واقفه لمدة شهر واسبوع !

[SIZE=4]

[SIZE=4]


[/SIZE]
[/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE]

سبق- الرياض: جدّد مقيمٌ فلسطيني شكواه؛ لعدم معرفة مشكلة سيارته (كورولا - موديل 2013) وتفاعلت الصيانة مع شكواه بعد تقديمها عبر "سبق"، وطلبت السيارة لإصلاحها، وتم تغيير الإطارات والشكمان ولا يزال الصوت موجوداً.

*وبعد يومين قام الموظف "شرف الدين" من فرع الحمراء بالاتصال به وأخذ ملاحظاته وأبلغه بأنه سيقوم بتحويل سيارته إلى فرع النهضة وحل مشكلته، وتمت الموافقة على ذلك وأبلغ المقيم بأنه سيعاود الاتصال به لتحديد موعدٍ للصيانة وإبلاغه به، ولكنه لم يفعل شيئاً.
وبعد مُضي أسبوعين استاء المقيم من شدة الصوت وقام بحجز موعدٍ بفرع النخيل واصطحبه الفني معه وأفاده بأنه سيتم تغيير الرمانات الأمامية للإطارات، وفي اليوم التالي اتصل المهندس به وأبلغه أن السيارة جاهزة، وعند ذهاب المقيم للفرع وأخذ السيارة اكتشف أن الصوت كما هو، وعند خروجه من عمله في اليوم التالي لاحظ أن هناك مشكلة بالقير (نتعة) وعند إطفاء السيارة وتشغيلها لم يلاحظها، وفي اليوم نفسه حدثت المشكلة للمرة الثانية.

*وطالب المقيم بإبدال سيارته أو إرجاع المبلغ المدفوع له، وذكر أنه اشترى سيارةً جديدةً لراحة البال، واكتشف أنه لا توجد راحة أبداً مع هذه السيارة لمشكلاتها.

المصدر. http://sabq.org/stufde

خلك زي هذاوانا اخوك لاتنسى الصحف زي ماقلتلك اول

أخوي نصيحة نصيحة راسل الشركة الأم وازعجهم وارفض استلام السيارة ..
الشركة الأم اذا وصلت لمسؤول كبير فيها ثق تماما انه راح يفيدك ويغير سيارتك
وانت مو اول واحد تصير له المشاكل هذي وما يغيرون له السيارة
وحاول تنشر مواضيعك بالنت وصور اسمك عليهم شي
بالمختصر كبببببببببببر المشكلة وبتلقى حل
ىخر شي هم راح يجونك ويقولون اش تبغى ؟ مو انت

والله يعينك ويوفقك