مكيف السياره و الصيف ( شرح...استفسارات....مشاكل و حلول)

السلام عليكم .. كيف الحال .. ان شاء لله طيبين ..

ياجماعة الخير .. انا عندي كابرس 2008 ال تي زد 8 سلندر

كان عليه مكيف فلته يعطيك البروده اللي تبيها سوى كان واقف ولا ماسك خط

والبارحه بعد التراويح رحت وشغلت الموتر وشغلت المكيف وكل شي طبيعي :ch19:

وبعد ما جيت احرك الا واسمع ذاك الصوت من جهت المكينه ويزيد مع الدعسه وينقص معاها

وبعد حوالي 300 متر تقريبا سمعت زي ما يكون فيه شي انفك وطاح وراح معاه الصوت وراحت معاه البروده يا جماعة الخير:smilie20:

وصار المكيف ينفخ هوا حار عاد انا حولت وجهتي على طول للورش لان الوضع لا يحتمل الرياض حر وفي رمضان توقيت الخراب خربان بالمره:a120(115):

مريت كذا ورشه وكل من شافها شيك الفريون وقال الفريون مليان ما اقدر اسويلك شي:c0038:

رح لذاك واروح لذاك ومثل اللي قبله لين طقت الاخلاق:a1120(82):

ونكست على البيت وجيت على النت وشفت الموضوع الحلو هذا وهو من حلاة راعيه اكيد:xyxwave:

وشفت اغلب المشاكل والردود المهم مالكم بالطويله

قريت عن رد كاب

وانا اخذ الرقم وادق عليهم اليوم

وقالوا تعال وانا اجيهم الليله بعد التراويح وقابل هالفلبيني القصير المليان

ويرسلي واحد يشيك السياره وجيك بجهاز القياس ورش الاديتر بمويه ويناظر بالكشاف

وشوي

قالي ماي فرند

قلت يس

قال يو اسبيك انقلش

قلت نو بت وت بربلم

قال هذا كمبرسر خربان لازم غير

قلت قل غيرها ممكن ديلكو ولا حساس ولا شي منا منا خربان :c0214:

قال لا لا كبرسر خربان

روح وكاله جيب

كبرسر

وبلف

وفلتر

و ار 11

وانا شغل يد هذا 900 ريال مع تنظيف ثلاجه 600ريال مع تعبية فريون 150 ريال كله 1650 ريال هذا بس شغل يد وبعد يومين تستلم السياره

قلت طيب باروح الوكله واجيكم

رحت للجميح الله يسامحه كم حاس احساباتنا حوس

ويوم وصلت وانا اجي الموظف الشيبه الطيب الله يحفظه

وانا اعطيه الاستماره والورقه اللي مكتوب فيها القطع وهو يطقطق على الكبيوتر ويجمع في ذا القطع لين اخر شي قام وناظر فيني

وقال والله غاليه عليك

قلت كم

قال قبل الخصم خمسة الاف ومدري كم
وبعد الخصم 4022 ريال

قلت طيب اطلبها وخلها لباكر وربك يحلها

طلعت من عنده

ودقيت على الفلبيني

قلت القطع غاليه ايش رايك اجيب من التشليح في الحاير

قال ما بيه مشكله روح تشليح جيب بس ضمان ما فيه

قلت لا لا خلاص بكره انا اروح العيسى واروح بالبيد واشوف كم ممكن احصل الاسعار هناك وقفلت الخط

وانا بصراحه اللي مقلقني انه

كيف اتاكد انه الكبرسر خربان؟؟:confused1:

وهل كل القطع هذي ضروريه عند التغير ؟؟

وفك الثلاجه وتنظيفها على قولته مهم ؟؟

وفوق هذا كله

وش اللي حصل عشان يصير هذا العطل من الاساس

انا ادري انه السالفه طويله ولكن معليش انا اسف بس حبيت اشاركم واستفيد من خبراتكم وسلامتكم

تحيه خاصه لصاحب الموضوع

وايضا تحياتي للجميع

سعد

امين واياك والجميع

الله يعافيك اشكرك من اعماق اعماق قلبي على تعاونك وتعاملك الراقي

|48|

شكراً لكم جميعاً

وسأوافيكم بما يتم

تحياتي

سبكت = شبكت :smilie16:
والعامل يعبي بنزين هع

المشكله طلعت من الفيوز انا من زماااااان عارف انه مو مضبوووط
بس اعوذ بالله صرنا نختلف عن الكوالا بالشكل بس :smilie20:

رحت لعامل شرحت له الوضع وطلع الفيوز

بس قهرني راح يشوف الفريون قلت له الفريون تمام شيك على الكهرباء

راح ونسم تنسيمه خفيفه بس سمع الصوت

تعتقد لها تأثير .... لأني سمعت انو اذا زاد او نقص يضر