السلام عليكم...
صارت لي مشكلة غريبة ولضيق الوقت بتأخر في اصلاحها كم يوم..وهي انه السيارة بعد مشوار وقفت عند محل ورجعت شغلتها اول شي المكيف ما اشتغل وبعدها بشوي يطلع ريحة احتراق كهرباء وشوي دخان من الداخل ومن كبوت السيارة دخان كثيف وما تقبل الدعسة والrpm يقرب ينزل وتطفي ويرجع بسرعة لين ما لحقت اجنب السيارة وطفت لحالها...
الي قدرت اعمله وقتها فتحت الكبوت ما كان مصدر ريحة الحرق واضح وكل شي سليم السير تمام ومو مقطوع او في اي اثر ثاني وشكيت بتصلب الكمبروسير لانه قبل كم يوم اشتغل عامل التكييف عليه وما حط زيت..لكن حركت الكلتش ويدور عادي .ومويا الدريتر تمام مافي حرارة والزيت تمام ومافي ريحة احتراق من داخل المكينة.. والي لاحظته بس انه اصباع البطارية الموجب الظاهر كان شبه اسود او حرق خفيف زائد تلييس خفيف منه.... والسلف ما تدق الا صوت تكة وحدة بس بدون ما يدور.. واحد شفها ميكانيكي بدون ما يسوي شي قال احتمال من السلف على اساس بجيبها له ويشتغل عليه مباشرة...
مدري هل الكلام صحيح لانه ما صار شي الا والسيارة ماشية والسلف خل ممكن يحترق ويطلع دخان وهي ماشية؟
