انا لي تجربتين في بورش كايين الاولى موديل ٢٠١٢ والثانيه ٢٠١٣ وموجوده لحد الان ،، سياره خارقه، قويه، رياضيه، فخمه، اداء عالي جدا، اكزوست رائع، عمليه بشكل رهيب، ومعروف شركه بورشه الاولى بالعالم من ناحيه العمليه والاداء بتقارير عالميه شهيره ومعروفه
اما من ناحيه الصيانه هي كل ١٥،٠٠٠ كيلو، اول صيانه بحدود ٢٨٠٠ ريال والثانيه بحدود ٦٠٠٠ الى ٧٥٠٠ حسب المتطلبات ومن ثم الصيانة الثالثة مثل الاولى والرابعة مثل الثانية وهكذا، وبخصوص اي مشكله بالسياره غير متسبب فيها انت تتكفل فيها الوكاله بالمجان مره اعرف واحد غير الشاشه كامله صار فيها عطل وكانت تكلفتها ٣٤،٠٠٠ لكن بوجود الضمان ما دفع ولا ريال واحد، تطمن وريح بالك واداره بورشه غير اودي وغير فولكس واجن، فيها تنظيم اكثر واحترافيه ورقي اكثر من اودي وفولكس واجن (عن تجربة)
وعشان ما اظلم الاكس ٦ هي رائعه لكن تطفش منها صدقني بسبب ضيق الكراسي الخلفيه وشكلها الرياضي بحت وغير كذا عن راي شخصي اشوف الاوبشن فيها اقل من الكايين الا باشياء بسيطه تتفوق فيها الاكس ٦ مثل ابواب شفط وهيد اب ديسبلاي وغيره وهذي كلها تجي بالثمانيه سلندر واعتقد خارج حدود ميزانيتك مثل ما ذكرت.
باختصار ارشح لك الكايين ١٠٠٪
صدمتني اسعار الصيانه كنت ناوي عالكايين بس بديت اتردد بسبب الاسعار .. اقدر اغير له زيت بمحلات .. وما اطلع من الضمان ؟؟
.......
بنظري الكايين افضل بس عيبه الصيانه غاليه
ال اكس 6 حلو بس شكلو قديم + مافيه مميزات ، مكيفه عادي وموصفاته عاديه مافيه شي حلو الا الكمفورت حق المقاعد . بس صيانه البي ام نوعا ما اسعارها حلوة سواء اخذتها بعقد صيانه او لا
اخوي استشير ولا تنسي تستخير قبل كل شي . الخيره فيما اختاره الله
