السلام عليكم .. بأفيدك باللي أقدر عليه .. أنا أمتلك أوبتيما استاندر الفئة الثانية .. من ناحية
العزل وسط .. من
ناحية الرساوة ما شاء الله عليها رساوة ممتاز وهذا ومركب كفرة الوكالة والله ما غيرت فيها شئ جنط 16 الأرتفاع 65 والعرض 209 أجل كيف لو أن الكفر عريض . من
ناحية القوة والدزة ما شاء الله عليها .. وقوة أستجابة وبتلاحظة خاصة لما تتعدى 20 ألف كيلو .. من
ناحية القطع الميكانيكية والعضلات وغيرها نفس سوناتا بالضبط بشرط تكون المكينة 2400 سي سي . لا يطريك تاخذ 2000 سي سي .. الفرق في البدي فقط لا غير .. والداخلية .. بتلاقي عليها شعار كيا وهونداي حتى الشكمان عليها شعارين المساعدات كل شئ ما عدى البدي فقط ..
من ناحية التحمل ما شاء الله تبارك الرحمن قد طبيت في مطبات كثيرة وحفر :a1120(82)::a1120(82): لكن ما شاء الله عليها لم تتآثر وهذا بفضل الله أولا وأخيرا .. الان سياراتي ماشية 32 ألف وعليها كسور واداوم 36 كيلو رايح وجاي يعني الروحة والجية 72 كيلو الحمد لله على كل حال .. ومسافة كيلو بطناااج وحفر ووادي .. والله أني أمشي فيها سرعة فوق الثماني علشان العكوس ..في ناس معهم سوناتا من زملائي ركبت معهم والله إني أحمد الله اني اشتريت أوبتيما وما أشتريت سوناتا .. خاصة الكنسول يطلع فيها صوت .. وهم ركبوا معي ذكروا الله وقالو لي أنهم ما كانو متوقعين بأن الأوبتيما كذا وحكموا وتمنوا بانهم لو أشتروها من قبل .. .. من
ناحية التكييف لا يعلى عليها ثلج ما شاء الله تبارك الله . منا ناحية المسجل والسماعات ما شاء الله تبارك الله على أرقى المستويات .. مواصفاتها حلوة .. بلوتوث .تقدر تتصل . المايك يجيك فوقك بالضبط تعشيق خلف الدركسون مثثبت السرعة و إرباقين . للراكب والسواق . 6 سماعات لأني ملاحظ سماعتين على أعلى الطبلون والظاهر أنها سماعتين علشان كذا قلت ستة سماعات . مع أربعة في جوانب الابواب .التحكم في المسجل .. حتى شكلها يوحى بالفخامة .
على العموم يا صاحبي قبل ما أشتريها كانت السوناتا موجودة وركتبها كلها وجربتها وشوفت المكينة نفس بعض والتكييف والشكل الراحة في المرتبة .. وقعت أختياري في الأوبتيما .. أحساسي فيها غير وشفت أني أرتحت أكثر من السوسو .. لاحظت في الطبلون حق السوسو مرتفع بعض الشئ .. أما الأوبتيما يكون مضبوط عليك أقصد مجال الرؤية .. على العموم يا صاحبي نصيحة أخ مجرب أمتلك 5 سيارات .
لا تاخذ سيارة إلا وانت مقتنع بها عرفت اللي أقصد لا تاخذها علشان فلان وعلان ففي النهاية أنت بتركبها وليسو هم .. لاتاخذ شئ ألا وأنت مقتنع . وأبعد عن الياباني .. خاصة التويوتا .. والله يوفقك وييسر أمرك ويرزقك على قد نيتك .. أخوك أبونورة الأسمري . خميس مشيط .:xyxthumbs:
مقطع مقارنة بين السيارات الكورية واليابانية ..
http://www.youtube.com/watch?v=q6cjWPw8LGg 
