بسم الله الرحمن الرحيم
اخوتي في منتدى السيارات الرائع
السلام عليكم ورحمة الله وبركاته
اخواني بحمدالله وتوفيقه .. تم شراء سنتافي 2014 فل من الوعلان وباذن الله بستلمها بكرة
دعواتكم لي بالبركة فيها
احبتي ..
بخاطري اتأكد من كل شي بالسيارة وعدم نقص اي شي او تغبير اي شي
لاني سمعت ان بعض الشباب اللي اشترو سنتافي لاحظوا ان الدعسات او الفرشات اﻻرضية الاصلية مبدله بدعسات تجارية
بصراحة وبحكم عدم خبرتي في الهونداي وقطعها وكذلك عدم معرفتي للاصلي من التجاري
يا ليت تفيدوني كيف اعرف الدعسات الاصلية من التجارية ؟!
بخصوص السيارة هل هي تجي مضللة وفيها ستاير ؟!
لاني شفت بالعرض سنتافي نص فل وفيها ستاير وعلى بالي الفل يجي فيها فلما سألته قال هذي كانت تجي في الدفعات القديمة .. فهل كلامه صحيح والا تسليك ؟!
ويا ليت تذكروا لي وش الاشياء اللي اشيك عليها قبل ما استلم السيارة ؟
وبعد الاستلام بإذن الله وش نصايحكم بخصوص السيارة من تلبيسات وحماية وغيرها
يعني مثلا وش الافضل أركب لها وجهية حماية حرارية وإلا وجهية تفصيل جلد أركبه وقت السفريات لأني سمعت إن الحراري يصفر مع الوقت ويسبب اختلاف بلون السيارة بعد فترة
أتمنى ما تبخلون علي بأي نصائح بحكم تجربتكم وخبرتكم
وبيض الله وجيهكم جميعا وجزاكم الله الف خير
تحيتي
